Tíminn - 11.03.1993, Qupperneq 1
Dómsmálaráðuneytið hækkaði þjónustugjöld presta fyrir aukaverk um rúmlega 41% í febrúar.
Öll verðlækkun mjólkur
hvarf í hempuvasa presta
Segja má að öll sú verðlækkun sem nýlega varð á mjólk (2,6%) og
mjólkurvörum, hafí horfíð niður í hempuvasa prestastéttarinnar.
Þjóðin fagnaði þessari verðlækkun á mjólkurvörum sem olli 0,04%
lækkun á framfærsluvísitöiunni nú í mars. En öll sú lækkun hverf-
ur hins vegar með 0,04% hækkun vísitölunnar sem stafar af nýlegri
hækkun á þjónustugjöldum til presta fyrir aukaverk (skírnir, ferm-
ingar, giftingar og jarðarfarir).
Reiknast Hagstofunni til að út-
gjöld vísitölufjölskyldunnar vegna
greiðslna fyrir aukaverk presta, hafi
hækkað um 41% á einu bretti. Svo
litið sé á nærtækt dæmi á þessum
árstíma, þá hækkaði gjald fyrir
fermingu úr 4.530 krónum í 6.400
krónur, sem er rúmlega 41% hækk-
un. Þóknun prestanna fyrir að ferma
um 4.200 börn í ár hækkar þannig
úr 19 milljónum í tæplega 27 millj-
ónir króna.
Það var dómsmálaráðuneytið, sem
ákvað að gerast svona örlátt á ann-
arra fé, og ákvað umrædda hækkun
með reglugerð þann 23. febrúar sl.
Þar segir m.a.: „Prestum ber
greiðsla fyrir aukaverk frá þeim sem
verk er unnið fyrir samkvæmt gjald-
skrá þessari: Greiðslu fyrir aukaverk
skal miða við ákveðinn fjölda ein-
inga.
Bíll sprengieyðingardeildar:
Stöðvaðist
skammt frá
flugstöðinni
Athygli vakti að bíll sprengieyð-
ingardeildar Landhelgisgæslunn-
ar og lögreglunnar, varð vélarvana
skömmu áður en hans var von í
Leifsstöð í fyrrakvöld. „Það var
öryggi í rafkerfi sem gaf sig,“ seg-
ir Gunnar Bergsteinsson, for-
stjóri Landhelgisgæslunnar.
Heimildir herma að hér sé um
gamla bifreið að ræða sem Iögregl-
an sé hætt að nota í almenna starf-
semi. Þetta vill Gunnar ekki taka
undir og segir að hún sé lítið not-
uð og reglulega yfirfarin á verk-
stæði lögreglunnar.
Þá hefur heyrst að bfllinn hafi
verið ofhlaðinn raftækjum, því
hafi rafkerfið ekki þolað álagið og
brunnið yfir eins og það er kallað.
Gunnar segir aftur á móti að ör-
yggi í rafmagnskerfinu hafi gefið
sig þannig að hleðslan hafi dottið
út eins og hann kemst að orði.
Hann segir að strax hafi verið haft
samband við lögregluna í Keflavík
þegar ljóst var að hverju stefndi
sem brunaði með tvo af mönnum
sveitarinnar í Leifsstöð. Gunnar
segir því að starfsmenn hafi því
náð að komast í tæka tíð en tíu
mínútna seinkun varð á komu bif-
reiðarinnar.
Gunnar segir að í sprengieyðing-
ardeild séu bæði lögreglumenn og
starfsmenn gæslunnar. Þá segir
hann að eyðingarbúnaðurinn
sjálfur sé í eigu gæslunnar en lög-
reglan hafi útvegað bifreið sem sé
sérstaklega útbúin.
Bíllinn sem varð rafmagnslaus. Timamynd Ami Bjama
Hver eining jafngildir 1/10 hluta
gjalds fyrir borgaralega hjónavígslu
á hverjum tíma samkvæmt gildandi
lögum um aukatekjur ríkissjóðs."
Grunneiningin; borgaraleg hjóna-
vígsla, kostar nú 4.000 kr., sem þýð-
ir 400 kr. greiðslu fyrir hverja ein-
ingu í prestverkum. Til dæmis um
greiðslur fyrir aukaverk, þá reiknast
skím nú upp á 4 punkta (1.600 kr.),
ferming 16 punkta (6.400 kr.) og
greftrun með ræðu 22 punktar
(8.800 krónur).
Notkun landsmanna á þessari
aukaþjónustu prestanna reiknar
Hagstofan út eftir niðurstöðum í
neyslukönnunum, eins og önnur út-
gjöld vísitölugrundvallarins. Og
samkvæmt þeim hækkar vísitalan
jafn mikið vegna prestþjónustu-
gjaldanna eins og hún lækkaði með
verðlækkun á mjólk og mjólkurvör-
um. Svo annað dæmi sé tekið þá
myndi 0,6% verðhækkun á nýjum
bflum, eða tæplega 1% verðhækkun
á bensíni, eða 5% hækkun afnota-
gjalda RÚV, hvert um sig valda álíka
hækkun á framfærsluvísitölunni og
hækkun prestþjónustugjaldanna
gerði að þessu sinni. - HEI
TÆTARINN BYRJAÐUR
Brotajárnstætarinn við stál-
bræðsluna er kominn í gang
og byrjaður að vinna úr
brotajámshaugnum mikla
sem þar hefur safnast upp.
Nýr eigandi tætarans, Harald-
ur Olafsson í Furu hf. stendur
hér við tætarann.
Að sögn Haraldar falla til hér
á landi á milli 15 og 18 þús-
und tonn af brotajárni á ári en
gera megi ráð fyrir að um 30
þúsund tonn séu nú til í land-
inu. Töluverð eftirspurn sé
eftir brotajárni, einkum í Asíu
og fáist um 6.500 kr. fyrir
tonnið á hafnarbakkanum í
Straumsvík.
Rafmagnsveitur ríkisins lækka almennan taxta um 10%:
Meðalheimili sparar
4000 kr. í rafmagni
Rafmagnsveitur ríkisins hafa
ákveðið að lækka almennan taxta
um 10% úr 8,28 krónur á kflówatt-
stund í 7,45 krónur á kwsL Lækk-
un taxtans verður í tveimur áföng-
um, 5% 1. aprfl næstkomandi og
5% 1. október á þessu ári. Þessi
gjaldskrárlækkun hefur í för með
sér 4.150 króna spamað fyrir þau
heimili, sem nota 5000 kwst á árí,
og eru á orkuveitusvæði Rafmagns-
veitna rfldsins.
Að sögn Kristjáns Jónssonar, raf-
magnsveitustjóra, hefur afkoma Raf-
magnsveitna ríkisins batnað veru-
lega á undanförnum misserum.
Þetta sé árangur af hagræðingu og
lækkun rekstrarkostnaðar. Stefnt sé
að enn frekari árangri á þessu ári og
því næsta. Kristján sagði fyrirhugað
að mæta minni tekjum vegna lækk-
unar almenna taxtans með enn auk-
inni hagræðingu og lækkun rekstr-
argjalda. -EÓ