Morgunblaðið - 02.02.2006, Blaðsíða 21

MORGUNBLAÐIÐ FIMMTUDAGUR 2. FEBRÚAR 2006 21
MINNSTAÐUR
Grindavík | „Þetta eru bara draum-
órar hjá okkur enn sem komið er,
hugmyndin er á byrjunarstigi,“ segir
Páll Jóhann Pálsson, útgerðarmaður
í Grindavík. Fjögur útgerðar- og
fiskvinnslufyrirtæki hafa kynnt
skipulags- og byggingarnefnd bæjar-
ins áform um uppbyggingu hesta-
íþróttasvæðis í landi Þórkötlustaða.
Þar er meðal annars gert ráð fyrir
reiðhöll og fullbúnum keppnisvelli.
Nefndin tók vel í erindið og fagnaði
áhuga þeirra á uppbyggingu.
Páll Jóhann segir að lengi hafi
vantað betri aðstöðu fyrir hesta-
áhugafólk að byrja í þessu sporti,
sérstaklega börn og unglinga. For-
svarsmenn fjögurra útgerðarfyrir-
tækja hefðu byrjað að ræða það,
hvort unnt væri að byggja hesthús
með sameiginlegri reiðskemmu og
taka frá hluta plássins til að leigja
eða selja einstaklingum einstaka
bása.
Hugmyndin hefur þróast í meðför-
um því gerð hafa verið frumdrög að
uppbyggingu hestaíþróttasvæðis,
rétt austan við núverandi hesthúsa-
hverfi Grindvíkinga, í Þórkötlustaða-
landi. Í fyrirspurninni til bæjarins er
talað um allt að 4.000 fermetra reið-
höll, átta 200 fermetra hesthús og
keppnisvöll í fullri stærð samkvæmt
reglum Landssambands hesta-
manna, ásamt tilheyrandi bílastæð-
um og vegum.
Að umsókninni standa fyrirtækin
Marver ehf., Stakkavík ehf., Einham-
ar ehf. og Hælsvík ehf. en eigendur
þeirra eru allir hestamenn eða rækt-
endur, eða þykjast vera það, eins og
Páll kemst að orði, og hafa áhuga á að
efla hestaíþróttina í bænum. Páll seg-
ir að úr því bærinn taki vel í málið
verði menn að setjast niður og átta
sig á framhaldinu, hvort byggð verði
hesthús með sameiginlegri einka-
reiðskemmu eða hvort farið verði í
byggingu reiðhallar sem allir hefðu
aðgang að.
Hann telur að það geti haft veruleg
áhrif fyrir framgang hestaíþrótta-
rinnar í Grindavík að fá aðstöðu til
námskeiðshalds yfir veturinn. Hing-
að til hafi rétt náðst að kveikja í börn-
um og unglingum á vorin, rétt áður
en hestarnir fari í sumarhagana.
Hestaleiga stofnuð
Á sama fundi skipulags- og bygg-
ingarnefndar var samþykkt umsókn
frá Fuglabjargi ehf. um lóð fyrir
þjónustuhús hestaleigu við Hóp-
sheiði, skammt frá núverandi hest-
húsahverfi. Þangað á að flytja gler-
hýsi og nota í þágu hestaleigunnar
sem verið er að stofna.
Útgerðarmenn vilja byggja reiðhöll í Grindavík
„Þetta eru enn draum-
órar hjá okkur“
Morgunblaðið/Helgi Bjarnason
LANDIÐ SUÐURNES
Siglufjörður | „Ég afhendi þér hér
með lykla að sjúkrabílnum og óska
ykkur og stofnuninni velfarnaðar í
þessu starfi,“ sagði Guðgeir Eyj-
ólfsson, sýslumaður Siglfirðinga,
þegar hann afhenti fulltrúa Heil-
brigðisstofnunar Siglufjarðar lykl-
ana að sjúkrabifreið Siglfirðinga sl.
þriðjudag. Þar með lauk umsjón
lögregluembættisins í Siglufirði
með sjúkraflutningum sem það
hafði haft með höndum frá 1. júlí
1990.
Það var viðhöfn við þessa breyt-
ingu því allt lögreglulið bæjarins
mætti að sjúkrahúsinu þar sem af-
hendingin fór fram og á eftir bauð
heilbrigðisstofnunin til kaffi-
drykkju. Guðgeir sýslumaður lét
þess getið að lögregluembættin
víða um land hefðu verið að hætta
sjúkraflutningum undanfarin ár en
Siglufjörður væri með þeim síð-
ustu.
Aðspurður um tilhögun sjúkra-
flutninganna eftirleiðis sagði Kon-
ráð Baldvinsson, framkvæmda-
stjóri Heilbrigðisstofnunar Siglu-
fjarðar, að einn fastráðinn
starfsmaður bættist við hjá stofn-
uninni. Tveir menn mundu sinna
flutningum frá kl. átta til fimm á
virkum dögum auk þess að sinna
ýmsu viðhaldi og tilfallandi verk-
um. Þá verða alls fimm menn á
bakvakt sem munu annast flutn-
inga um nætur, helgar og á hátíð-
isdögum.
Sjúkrabifreiðin er í eigu Rauða
krossins. Hún er af gerðinni Ford
Econoline, árgerð 1999 og ágæt-
lega tækjum búin að sögn Konráðs.
Nú standa yfir talsverðar end-
urbætur á sjúkrahúsi Siglfirðinga.
Það verður fjörutíu ára á þessu ári
og hafa mjög litlar breytingar ver-
ið gerðar á því síðan. Breyting-
arnar felast aðallega í að færa það
í nútímalegra horf og bæta aðstöðu
vistmanna og starfsfólks. Konráð
lét þess enn fremur getið að nú
væri verið að teikna væntanlega
viðbyggingu við sjúkrahúsið og
standa vonir til að sú framkvæmd
verði boðin út í vor eða sumar.
Heilbrigðisstofn-
un tekur við
sjúkraflutningum
Morgunblaðið/Örn Þórarinsson
Lyklavöldin Valþór Stefánsson
heilsugæslulæknir tók við lyklum
sjúkrabílsins úr hendi Guðgeirs
Eyjólfssonar sýslumanns.
Þorlákshöfn | Sýning á teikn-
ingum sem Guðmundur frá Miðdal
gerði er hann var í verbúð í Þor-
lákshöfn á árunum 1913 til 1915
verður opnuð í Bæjarbókasafni
Ölfuss í Þorlákshöfn í dag,
fimmtudag.
Guðmundur fæddist árið 1895 í
Miðdal í Mosfellssveit var mjög
fjölhæfur listamaður. Hann lagði
m.a. stund á höggmyndasmíði,
málaralist og eirstungu. Það var
ekki aðeins listagyðjan sem átti
hug hans allan, hann var einnig
mikill áhugamaður um íþróttir og
stundaði þær af kappi. Mikill
styrkur hans kom sér vel við sjó-
sókn í Þorlákshöfn og reyndist
hann sérlega duglegur sjómaður,
að því er fram kemur í frétta-
tilkynningu frá menningar-
fulltrúanum í Þorlákshöfn. Hann
setti mikinn svip á verbúðalífið,
stofnaði m.a. fimleikaflokk meðal
vermanna sem fram að þessu
höfðu aðallega æft glímubrögð.
Einnig rak hann þá áfram við
Müllersæfingar og allavega hopp
og stökk. Þá alhörðustu fékk hann
til að synda með sér í ísköldum
sjónum.
Meðan Guðmundur dvaldi í Þor-
lákshöfn teiknaði hann fjölda
mynda af verbúðalífinu og eru
teikningar hans ómetanleg heimild
um mannlífið í Þorlákshöfn á ár-
unum 1913-1916. Árið 1976 keypti
Sveitarfélagið Ölfus teikningarnar
sem verða á sýningunni á bóka-
safninu. Einnig verða þar ljós-
myndir af Guðmundi í hlutverki
sjómannsins og annað verk sem
Lýdía Pálsdóttir, kona Guð-
mundar, færði sveitarfélaginu að
gjöf í tilefni 25 ára afmælis bæj-
arins Þorlákshafnar.
Af tilefni opnunar mun Barbara
Guðnadóttir, menningarfulltrúi
Ölfuss segja stuttlega frá lista-
manninum Guðmundi frá Miðdal
og dvöl hans í Þorlákshöfn. Heitt
verður á könnunni og allir vel-
komnir á opnunina, en sýningin
stendur yfir til 1. mars.
Verstöðin Teikning Guðmundar af íbúðarhúsi Gísla Jónssonar er meðal
þeirra verka sem sýnd verða í Bókasafninu.
Sýna teikningar af
verbúðalífinu
Reykjanesbær | Tónleikarnir til
styrktar veikri stúlku, Bryndísi
Evu Hjörleifsdóttur, verða haldnir
á Ránni í Keflavík í kvöld, fimmtu-
dag, klukkan 20.
Bryndís Eva Hjörleifsdóttir er
tæplega níu mánaða gömul. Í des-
ember byrjaði hún að fá krampa-
köst sem engin lyf dugðu við.
Henni var haldið sofandi um tíma
og síðan þá hefur verið beðið eftir
því að hún vakni. „Þessi litla snót
hefur farið í fjölmargar rannsóknir
en ekkert hefur enn fundist að
henni. Lyfin sem þarf til að halda
krömpunum niðri
eru of sterk til að
hún haldi vöku.
Fjöldi fólks hefur
fylgst með líðan
Bryndísar Evu á
vefdagbók for-
eldra hennar en
erfitt er að sitja
aðgerðalaus hjá
og finnast maður vera máttvana.
Við höfum beðið fyrir henni og
hugsað hlýlega til hennar en betur
má ef duga skal, samstaða á erf-
iðum tímum getur gert kraftaverk,“
segir í tilkynningu aðstandenda
styrktartónleikanna á Suðurnesjum
en þaðan eru foreldrar hennar.
Hægt er að skoða sögu Bryn-
dísar Evu á heimasíðu foreldra
hennar, www.bebbaoghjolli.-
blogspot.com.
Aðgangseyrir að tónleikunum eru
500 kr. Fram koma Hanna Björg,
Hlynur Vals, Matti Óla, Óli Þór,
Rúnar Júlíusson, Svavar Knútur og
Tabula Rasa. Styrktarreikningur
hennar er í Sparisjóðnum í Kefla-
vík, 1109-05-410900 og kennitalan
er 290681-5889.
Styrktartónleikar fyrir veika stúlku