Morgunblaðið - 18.04.2006, Blaðsíða 10

10 ÞRIÐJUDAGUR 18. APRÍL 2006 MORGUNBLAÐIÐ
FRÉTTIR
JÓNAS Sigurðsson bæjarfulltrúi í
Mosfellsbæ, sem skipar 1. sæti á
lista Samfylkingarinnar, hefur sent
frá sér yfirlýsingu vegna fréttar í
Morgunblaðinu 13. apríl sl. um sam-
þykkt bæjarstjórnar Mosfellsbæjar
um afslátt á fasteignagjöldum og
leikskólagjöldum og hækkun á fram-
lagi bæjarins til dagforeldra.
Í yfirlýsingunni segir: „Við af-
greiðslu málsins lagði ég fram eft-
irfarandi bókun: „Tillaga D-listans
er í anda þeirra tillagna sem ég lagði
fram við gerð fjárhagsáætlunarinn-
ar fyrir árið 2006 en felld var af
meirihluta sjálfstæðismanna. Því
hlýt ég að fagna tillögum um lækkun
þeirra gjalda sem tillagan felur í sér
sem og hækkun á niðurgreiðslu dag-
vistunar í heimahúsum. Það er ljóst
af þeim gögnum sem lögð hafa verið
fram um áhrif þessara tillagna á
fjárhagsáætlun ársins að rekstrar-
niðurstaða bæjarins verður í mínus
um 50 milljónir og því ber að bóka að
því verði mætt með lántökum. Það
er gagnrýnisvert að meirihluti sjálf-
stæðismanna hafi ekki undirbúið
málið fyrir bæjarstjórn með faglegri
hætti en raun ber vitni og áskilið er í
samþykktum bæjarins. Ég geri þó
ekki ágreining um málið svo ekki
verði seinkun á að þær breytingar
sem tillagan gerir ráð fyrir nái fram
að ganga. Ég vil benda á að í rekstri
bæjarins á yfirstandandi ári hafa
ekki orðið þær breytingar sem gera
það að verkum að gjöld þessi lækki
nú sem ekki var hægt að lækka í
byrjun árs. Eina sýnilega ástæðan
fyrir sinnaskiptum sjálfstæðis-
manna er að kosningar fara nú í
hönd.
Því er svo við að bæta að það er at-
hyglisvert, eins og fram hefur komið
í málflutningi bæjarstjóra, að þessar
breytingar séu af þeirra hálfu ein-
göngu hugsaðar fyrir árið 2006 og
óvíst hvað verður með framhaldið.
Því er ljóst að um kosningadúsu er
að ræða af hálfu sjálfstæðismanna.“
Oddviti Samfylkingar í Mosfellsbæ
Fagnar lækkun gjalda en
gagnrýnir undirbúning
Fjörfiskur
öflugur í
fisksölunni
Lesið Úr verinu á morgun
Karl Sigurbjörnsson, biskup Íslands, í predikun í Dómkirkjunni á páskadag
Að vissu leyti eru páskarnir
alltaf og ævinlega brandari Guðs
KARL Sigurbjörnsson, biskup Ís-
lands, sagði í predikun í páskamessu í
Dómkirkjunni á páskadag, að pásk-
arnir væru alltaf og ævinlega að vissu
leyti brandari Guðs, sem hlægi að
hiki og efa og hálfvelgju kirkju sem
fremur vildi trúa á föstudaginn langa
en páska og sem fremur vildi sleikja
sár uppgjafar og vonleysis en syngja
sigursöngva og þakkargjörðar.
Biskup sagði að gleði væri grunn-
stef kristinnar trúar. „„Fagnaðar-
erindi“, gleðiboðskap, kallar Jesús
boðskap sinn – einn allra trúar-
bragðahöfunda gefur hann boðskap
sínum nafn sem bendir til slíkrar átt-
ar. „Þetta hef ég talað til yðar til þess
að fögnuður minn sé hjá yður og
fögnuður yðar sé fullkominn,“ segir hann, og:
„Farið og prédikið gleðiboðskapinn
allri skepnu …“ Hægt er að nálgast
öll meginstef boðskapar hans með
þetta orð að leiðarljósi: Gleði. Við
erum sem kirkja kölluð til að tjá þá
gleði, bera fram þann fögnuð sem er
rauði þráðurinn og uppistaðan í
kristinni trú.
Til forna var talað um „páskahlát-
urinn“. Á páskadagsmorgni var að
sögn farið með gamanmál í kirkj-
unni og hlegið dátt, hlegið og kæst
yfir því sem er ótrúlegast alls: Að
hinn krossfesti Kristur er uppris-
inn, lífið hefur sigrað dauðann.
Hann dó vegna vorra synda, hann
dó fyrir þig, til fyrirgefningar synd-
anna. Guð sneri illu til góðs, dauða
til lífs. Já, Guð lék á djöfulinn, felldi hann á eigin
bragði. Það er hið hlægilegasta af öllu hlægilegu,
ótrúlegasta af öllu ótrúlegu, gleðilegast allra
gleðiefna. Að vissu leyti eru páskarnir því alltaf og
ævinlega brandari Guðs sem hlær að hiki og efa
og hálfvelgju kirkju sem fremur vill trúa á föstu-
daginn langa en páska, sem fremur vill sleikja sár
uppgjafar og vonleysis en syngja sigursöngva og
þakkargjörðar,“ sagði biskup m.a. í predikun
sinni.
Einnig sagði biskup að þegar deilurnar um
skopmyndirnar af Múhameð spámanni voru í al-
gleymingi hefði því verið haldið fram að æsing-
urinn vegna myndanna opinberaði húmorsleysi og
heiftarhug múslima. „Mér finnst hann opinbera
umfram allt hve tortryggni, vænisýki á báða bóga,
hroki og hleypidómar grafa um sig. Og hve auð-
velt það er allrahanda ofstopamönnum að virkja
það til óhæfuverka,“ sagði Karl Sigurbjörnsson,
biskup Íslands.
Karl Sigurbjörnsson,
biskup Íslands.
Átta tíma seinkun
á flugi til London
UM átta klukkustunda töf varð á
flugi vélar Iceland Express sem
fara átti til London kl. 7.30 í gær-
morgun, vegna bilunar í rafkerfi.
Um 80 farþegar áttu bókað með
vélinni og var fluginu seinkað til
15.50. Að sögn Birgis Jónssonar,
framkvæmdastjóra félagsins, upp-
götvaðist bilunin kl. 4 í fyrrinótt og
fólst aðalseinkunin í að reyna fá
leigða vél frá Evrópu í staðinn en
mikill annatími var í flugi í lok
páskahelgarinnar og því erfitt að fá
vél í verkefnið.
Birgir sagði töfina með alvarleg-
ustu frávikum í áætlun félagsins.
Félagið hefði reynt að gera sitt
besta til að bæta úr óþægindum
fyrir farþega. Var m.a. brugðist við
með því að kalla út alla starfsmenn
söludeildar félagsins til að breyta
framhaldsbókunum fyrir farþega.
JÓHANNA Thorsteinson, leik-
skólastjóri á leikskólanum Álfatúni í
Kópavogi, var meðal þeirra sem
lentu í mikilli töf á Keflavík-
urflugvelli í gær en hún var á leið
til Malaga á Spáni ásamt 15 sam-
starfsmönnum sínum með millilend-
ingu í London með Iceland Ex-
press. Hún sagði töluvert uppnám
hafa skapast meðal sumra farþega
þegar ljóst varð að fluginu yrði
seinkað frá 7.30 til 15.50. Ein bresk
kona sem vinnur á neðanjarðarlest-
arstöð í Lundúnum brast í grát í
Leifsstöð þegar seinkunin var
kunngjörð, en hún taldi sig myndu
missa vinnuna ef hún kæmist ekki á
vakt sem hefjast átti hjá henni kl.
17 í gær. Hefði hún fengið leyfi frá
vinnu gegn því að mæta á þessa til-
teknu vakt annan í páskum, ellegar
yrði hún rekin. Annar farþegi sagð-
ist einnig myndu missa vinnuna en
sá átti að vera kominn á skrifstofu
sína að morgni þriðjudags í Evrópu
eftir að hafa farið í gegnum Lond-
on. „Svo voru hjón sem voru mjög
ósátt. Maðurinn vildi fá miðann sinn
endurgreiddan en konan sagðist
myndu fara til London þegar flogið
yrði,“ sagði Jóhanna. Hún sagði
flugfélagið hafa boðið upp á síma og
tölvur til að farþegar gætu komist í
samband við umheiminn til að gera
ráðstafanir.
„Þeir hjá Iceland Express sögð-
ust vera með fullt af símum og tölv-
um og ein ferðatölva kom upp á af-
greiðsluborðið og einn gsm-sími.“
Jóhanna sagði starfsfólk félagsins
þá hafa aðstoðað hópinn frá Álfa-
túni við að bóka sig með easyJet
áfram til Malaga og fyrir það væri
hún þakklát. Mest hissa var hún þó
á því að enginn farþegi hefði fengið
símaboð um seinkunina jafnvel þótt
allir gæfu upp gsm-símanúmer sín
við bókun.
Töluvert uppnám
vegna seinkunarinnar
APRÍL er sá mánuður þegar litlu
lömbin fara að birtast í fjárhús-
unum. Frændsystkinin Þórarinn
Sigurvin Gunnarsson og María Eg-
ilsdóttir voru að skoða nýfædd
lömb norður í Fljótum á föstudag-
inn langa, en lítil lömb hafa löngum
vakið áhuga hjá ungviðinu.
Ljósmynd/Örn Þórarinsson
Vorboðarnir
komnir í
fjárhúsin
B-LISTINN í Mosfellsbæ hefur
sent frá sér athugasemd vegna yf-
irlýsinga bæjarstjóra Mosfellsbæj-
ar um lækkun gjalda í Mosfellsbæ.
„Á bæjarstjórnarfundi hinn 12.
apríl sl. var óvænt borin upp tillaga
þess efnis að íbúar Mosfellsbæjar
fái 15% afslátt af fasteignagjöldum,
20% afslátt af leikskólagjöldum og
að greiðslur til foreldra með börn í
daggæslu hækki um 20%. Allir bæj-
arfulltrúar samþykktu tillöguna, en
áætlaður kostnaður er samtals 62
milljónir króna.
Staðreyndir málsins eru þær að
minnihlutinn hefur hrakið meiri-
hluta sjálfstæðismanna hvað eftir
annað til að lækka álögur í bæjar-
félaginu og er þetta fjórða tillaga
meirihluta sjálfstæðismanna um
fasteignaskattaálögur frá því að
fjárhagsáætlunin var lögð fram og
telst það sennilega Íslandsmet.
Með lækkun þessara gjalda er
meirihluti sjálfstæðismanna að við-
urkenna fullyrðingar B-listans að
allt kjörtímabilið hafi barnafjöl-
skyldur verið breiðu bökin í bæjar-
félaginu og eru nú rétt fyrir kosn-
ingar að endurgjalda til baka hluta
oftekinna gjalda. Þetta sýnir ekkert
annað en örvæntingu meirihluta
sjálfstæðismanna nú rétt fyrir kosn-
ingar. Við í B-listanum í Mosfellsbæ
höfum gagnrýnt meirihlutann öll
fjögur árin fyrir þessar háu álögur
og notað hvert tækifæri til að benda
á að það sé ekki mikill vandi að skila
rekstrarafgangi ef gjöldin eru hækk-
uð langt umfram það sem þau þurfa
að vera,“ segir í athugasemd B-
listans.
Athugasemd B-listans í Mosfellsbæ
Sýnir örvæntingu meiri-
hluta sjálfstæðismanna