Morgunblaðið - 06.11.2006, Blaðsíða 23

hestar
MORGUNBLAÐIÐ MÁNUDAGUR 6. NÓVEMBER 2006 23
Ekki einasta er íslenski hesturinngleðigjafi heldur líka erindreki Ís-lands og íslenskrar menningar. Há-fleyg eru orðin en sönn þó. Reynsla
Þórarins Jónassonar, sem margir þekkja undir
nafninu Póri í Laxnesi, endurspeglar þessa eig-
inleika hestsins en hann rekur kunna hestaleigu
í Mosfellsdalnum. Fyrirtæki Póra hefur tekið
höndum saman við Icelandair um að halda þol-
reiðarkeppni íslenskra hesta erlendis og á þessu
ári setti Póri slíka keppni á laggirnar í Dan-
mörku, Noregi, Þýskalandi og nú síðast í Sví-
þjóð og hefur verið afar vel tekið.
Í þolreiðarkeppni er markmiðið að komast
ákveðna vegalengd á sem stystum tíma og er
þetta keppnisform vinsælt um heim allan. Póri
stofnaði til keppninnar hérlendis fyrir 15 árum
og var þá riðin 30 km leið frá Laxnesi að Skóg-
arhólum á Þingvöllum. Hann endurvakti hana
svo í fyrra. „Við settum okkur það takmark að
keppnin yrði eins og maraþonhlaup og ég er
viss um að margir eiga eftir að taka þátt í
keppninni. Það höfðu ekki margir trú á Reykja-
víkurmaraþoninu í upphafi. Verkefnið er stórt
og tilgangur þess er að sýna fram á þol og þrek
íslenska hestsins, allt sem hann stendur fyrir og
kynna Ísland. Við áætlum að fá mikinn fjölda
erlendra gesta hingað eingöngu út á þetta. Mót-
tökurnar hafa farið fram úr björtustu vonum,
keppnin hefur vakið athygli fjölmiðla úti og
áhuginn er svo mikill í Þýskalandi að fimm að-
ilar hafa sótt um að halda keppnina. Finnland
kemur einnig inn í þetta og eins er búið að biðja
mig um að halda keppni í Kaliforníu í Banda-
ríkjunum,“ segir Póri og leggur áherslu á að
þetta keppnisform sé mun merkilegra en fólk
almennt geri sér grein fyrir. „Hún er fyrir hinn
almenna hestamann á hvaða aldri sem er. Þú
getur mætt með þinn eigin hest svo lengi sem
hann er þjálfaður og hið mikilvæga í þessu er að
þú þarft ekki að eiga milljónir til kaupa keppn-
ishross o.s.frv. Þetta gengur út á samspil manns
og hests og dýralæknir fylgist með ástandi
hestsins, t.d. ef púlsinn verður of hár færðu
refsistig eða ert dæmdur úr leik, þannig að ekki
má ofbjóða hestinum. Auðvitað er markmið
allra að ná sem lengst en þetta er fyrst og
fremst skemmtun; að koma saman með hestana
sína, tala um þá og sýna.
„Litla-Ísland“ út um allar trissur
Mikill áhugi var fyrir þolreiðarkeppninni í
Svíþjóð sem var haldin 8. október sl. í Soll-
entuna, rétt fyrir utan Stokkhólm, og vildu 100
manns taka þátt í henni en ekki var fært að skrá
nema 47. Bosse Hellström og Hafliði Gíslason
hjá Flygande pass (Fljúgandi skeiði) skipulögðu
keppnina en í Svíþjóð eru um 20 þúsund íslensk-
ir hestar og á hverju ári fæðast þúsund folöld.
Áhuginn er gríðarlegur og vex stöðugt í Svíaríki
líkt og í mörgum Evrópulöndum. Póri segir að
ekkert dragi heldur úr hestamennskunni í lönd-
um sem glímt hafi við efnahagskreppu. Sú hug-
mynd vaknar að Ísland eigi „útibú“ út um allar
trissur, „Litla-Ísland“. Allir hestarnir sem
keppt var á í Svíþjóð bera t.a.m. íslensk nöfn,
eins og Erill og Vinur. „Fólkið keyrði um langan
veg með klárinn sinn í keppnina, í íslenskri lopa-
peysu og með íslenskan hund,“ lýsir Póri hinum
sólríka októberdegi. Fólk skemmti sér kon-
unglega og sigurvegarinn, Marika Westerholm
frá Álandseyjum, kom í mark á 43 mínútum og
39 sekúndum og fékk m.a. Íslandsferð að laun-
um. Marika er með barni og var komin sjö mán-
uði á leið!
Póri hefur rekið hestaleiguna í Laxnesi frá
árinu 1968 og til hans koma nú yfir tíu þúsund
manns á ári til útreiða. „Það er skemmtilegt fyr-
ir mig eftir 40 ár að koma keppni sem þessari á
fót. Persónulega hef ég aldrei haft gaman af að
fara á hestamót og horfa á hesta fara í hringi en
ég hef alltaf gaman af að ríða út. Þess vegna er
maður ennþá í þessu. Það er skemmtilegast og
það sem fólkið hefur mest gaman af; að vera
þátttakendur sjálft. Þol og þrek er líka að-
alsmerki íslenska hestsins sem og lundin,“ segir
Póri – sem segist aldrei hafa fengið skýringu á
Póra-nafninu. „Faðir minn var læknir og var
mikið erlendis og kannski var erfitt að segja
Þórarinn. Það þekkir mig víst enginn undir öðru
nafni,“ segir Póri hressilega.
Helga Brekkan og Helgi Felixson kvik-
mynduðu keppnina í Svíþjóð og verður þátt-
urinn sýndur þar úti og hérlendis. Framleiðis
munu þau sjá um að mynda keppnina um allan
heim.
thuridur@mbl.is
Ljósmyndir/Helga Brekkan
Erindreki Íslands Þessar þrjár kynslóðir kvenna kepptu í Sollentuna á íslensku hestunum sínum.
Feðgin Póri í Laxnesi ásamt dóttur sinni, Þórunni Láru dýralækni, en hún
hafði eftirlit með heilbrigði keppnishrossanna í Svíþjóð.
Þolreiðarkeppni fyrir alla hestamenn
Íslenski hesturinn er hrein
gullnáma. Póri í Laxnesi
segir Þuríði Magnúsínu
Björnsdóttur frá útrás hestsins.
Morgunblaðið/Sigurður Sigmunds
Gleði Póri segist aldrei hafa haft gaman af hestamótum en alltaf sé gaman á útreiðum. Fólki
þyki einmitt skemmtilegast að vera þátttakendur sjálft og þolreiðarkeppni komi þá til sögu.




 
    

 
  




  
 

 !"# $%
&' ()*+"#
,-# .$/ $0
1112+232#