Morgunblaðið - 11.12.2006, Blaðsíða 19

MORGUNBLAÐIÐ MÁNUDAGUR 11. DESEMBER 2006 19
LANDIÐ-
LAUGAVEGI 15 • Sími 511 1900
Glæsilegt úrval
úra og skartgripa
Glæsileg
kvenúr
Borgarnes | Í haust stunduðu 13 nemendur
nám á vegum Símenntunarmiðstöðvarinnar
á Vesturlandi sem kallast ,,Aftur í nám.“
Þetta er námstækifæri sem bauðst íbúum á
Vesturlandi í fyrsta skipti á haustönn, en
námskráin var samin af Mími símenntun og
sér Fræðslumiðstöð atvinnulífsins um fram-
kvæmd verkefnisins í samstarfi við fræðslu-
og símenntunarmiðstöðvar á landsbyggðinni.
Námið er sérstaklega ætlað fullorðnu fólki
sem glímir við lestrar og/eða skriftarerf-
iðleika og er 95 kennslustundir sem má meta
til allt að 7 eininga í framhaldsskóla. Mark-
miðin með náminu eru m.a. að nemendur
þekki eðli lesblindu samkvæmt aðferðafræði
Ron Davis, þeir auki færni sína í lestri, bæti
sjálfstraust sitt til náms svo eitthvað sé
nefnt. Engin formleg próf voru lögð fyrir
nemendur, heldur frammistaðan metin.
Kenndar voru 4 námsgreinar, þ.e. íslenska,
tölvu- og upplýsingatækni, sjálfstyrking og
Davis-þjálfun sem tók 40 kennslustundir og
er uppistaðan í þessu námi. Davis-þjálfunin
er einstaklingsmiðuð og fékk hver nemandi
eina viku með Davis-ráðgjafa. Í lokin var
boðið upp á náms- og starfsráðgjöf.
„Hvarflaði ekki að mér
að ég væri lesblind“
Af þrettán nemendum hafa ellefu útskrif-
ast formlega. Einn þeirra er Auður Ásta
Þorsteinsdóttir, hárgreiðslunemi í Borgar-
nesi. Auður sá auglýsingu á vegum Símennt-
unar í haust og varð forvitin. ,,Ég var búin
að ákveða að fara í hárgreiðslunám og er
komin á samning. Ég fór reyndar á byrj-
endanámskeið í tölvum í fyrra en fannst mig
vanta eitthvað meira og var óörugg. Það var
titillinn ,,Aftur í nám“ sem kveikti í mér, ef
þetta hefði heitið ,,Námskeið fyrir lesblinda“
hefði ég ekki farið. Ég taldi mig ekki les-
blinda og var ekki greind lesblind í skóla.
Auður segist hins vegar vera komin að ann-
arri niðurstöðu núna. ,,Ég var alltaf hræði-
leg í stafsetningu en hélt bara að það væri
ættgengt, ég er hæglæs en af því að ég er
læs og les eitthvað á hverjum degi hvarflaði
ekki að mér að ég væri lesblind.“
Auður fór á kynningarfund og segir að
þegar verið var að tala um lesblinduleiðrétt-
ingu, myndlaus orð og ýmis einkenni sem
lesblindir hafa, hafi farið að renna á hana
tvær grímur. ,,Þá fannst mér þetta eiga við
mig og reyndar fullt af fólki í kringum mig.
Til dæmis tók ég eina vinkonu mína með í
þetta, hún er fluglæs en í hennar tilfelli var
það reikningur og stafsetning sem var
vandamál.“
Heilmikil naflaskoðun
,,Við byrjuðum á að mæta í fjögur skipti í
sjálfstyrkingu, sem við höfðum mjög gaman
af. Þarna var spjallað og pælt í hlutum sem
flestir vita en allir hafa gott af að rifja upp
og muna í mannlegum samskiptum. Við
sögðum reynslusögur, hlógum mikið og
þetta var alveg frábært.“ Eftir að sjálfstyrk-
ingunni lauk tók við lesblindugreiningin.
,,Það er ekki öruggt að þetta henti öllum
segir Auður, en í ljós kom að ég gæti nýtt
mér þessa leiðréttingu, væri sem sagt les-
blind.“ Kom það henni á óvart? ,,Já og nei,
þetta var heilmikil naflaskoðun, bara þessi
greining, og undir niðri vissi ég það kannski.
Ég held að af því að ég var búin að fara í
sjálfstyrkingu hafi mér tekist betur að glíma
við þetta. Sjokkið sem ég beið eftir kom
aldrei, og í rauninni var þetta bara léttir.“
Þá tók við alveg heil vika frá kl. 9 á morgn-
ana til 4–5 á daginn. ,,Þá fékk ég einkatíma
með Davis-ráðgjafa, þar lærði maður að
skynstilla sig til að halda einbeitingu. Við
unnum mikið með leir, ég lærði t.d. stafrófið
upp á nýtt, aftur á bak og áfram, bæði stóru
og litlu stafina. Hingað til hef ég alltaf stuðst
við vísuna Abcd þegar ég hef þurft að leita í
símaskrá, en nú sé ég stafrófið fyrir mér.
Það var mikið unnið með þetta sjónræna
minni og þrívíddarhugsun, að færa stafi og
orð yfir í þrívíddarhugsun. Við sem erum
lesblind hugsum í þrívídd, en ritmál á prenti
er í tvívídd.“
Auður segir álagið hafa verið talsvert ,,ég
var rosalega dösuð, sérstaklega fyrstu tvo
dagana, enda var þetta mikið álag og maður
uppgötvaði ýmislegt um sjálfan sig. Eftir
þessa viku fengu nemendur kennslu í ís-
lensku og tölvum. ,,Það var mjög gott, við
fórum í grunn í íslenskri málfræði sem mér
fannst skemmtilegt, í stafsetningu, hlustuð-
um á texta, og gerðum útdrætti o.fl. Í tölv-
um var farið í grunnþekkingu t.d í Word og
Excel, og aðeins farið á Netið og í tölvupóst.
Sum okkar höfðu aldrei komið nálægt tölv-
um, en aðrir voru flinkir og allt þar á milli.
Sjálf er ég ekki mikil tölvumanneskja.“
„Hef núna ofurtrú á sjálfri mér“
Í framhaldinu stefnir Auður á Iðnskólann
eftir áramót. Hún er búin að vera á samningi
síðan í byrjun október og ætlar að keyra á
milli Reykjavíkur og Borgarness daglega.
,,Ég er að vona að þetta verið fjórum sinnum
í viku, en sennilega verður það daglega. Ég
þarf að vera fimm annir í skólanum, því ég
fékk mikið af því bóklega metið síðan ég var
í fjölbraut á sínum tíma.
Aðspurð segist Auður vera vel gift og því
sé álagið ekki vandamál á heimilinu. „Synir
okkar, sem eru 6 og 9 ára, hafa vanist því að
hafa mig heima í hlutverki mömmu og hús-
móður, það er auðvitað breyting fyrir þá en
þetta gengur allt saman. Ég lærði mikið á
námskeiðinu sem nýtist mér til að takast
betur á við daglega lífið. Svo hefði ég t.d.
aldrei komið í viðtal ef þú hefðir beðið mig
fyrr í haust. Í dag hef ég svo mikla ofurtrú á
sjálfri mér að ég gæti farið í lögfræði í Há-
skólanum.“ Auður bendir ennfremur á hægt
sé að fá 7 einingar út úr þessu námi, sem
metið er inn í framhaldsskólana. Hún segir
,,Aftur í nám“ vera frábært fyrir alla, ekki
endilega fyrir lesblinda heldur einnig þá sem
skortir einbeitingu, langar í nám eða eru
óöruggir í námi.
Aftur í nám á Vesturlandi
Ánægð með námið Auður Ásta Þorsteins-
dóttir hárgreiðslunemi dyttar að eigin hári
Eftir Guðrúnu Völu Elísdóttur
gve@ismennt.is
Úskriftarhópur Hópurinn sem útskrifaðist á dögunum úr „Aftur í nám“
Stykkishólmur | Nemendur Grunn-
skólans í Stykkishólmi og nem-
endur Tónlistarskólans takast á við
Frelsið þessa dagana, en það er
leikrit sem fjallar um vináttu, ein-
elti og unglingatísku. Nemendur
hafa verið að æfa undanfarnar vik-
ur og var leikritið frumsýnt í Fé-
lagsheimilinu í Stykkishólmi fyrir
skömmu. Leikritið er eftir Flosa Ei-
ríksson og Gunnar Sturlu Hervars-
son. Leikstjórar eru kennararnir
Lárus Ástmar Hannesson og Auður
Rafnsdóttir og Martin Markvoll sér
um tónlistarstjórn.
Lárus Ástmar segir að þetta sé í
þriðja sinn sem nemendum í 9. og
10 bekk er boðið upp á leiklist sem
valáfanga en hverjum áfanga lýkur
með leiksýningu. Í þetta sinn gekk
það upp að hafa undirleikinn flutt-
an af níu manna hljómsveit sem er
skipuð nemendum tónlistarskólans.
„Það hefur verið gaman að sjá þá
jákvæðu þróun á unglingunum sem
verður hjá þeim að takast á við
svona krefjandi verkefni. Sjálfs-
myndin verður sterkari og feimnin
minnkar stórum og þá er markmið-
inu náð,“ segir Lárus Ástmar.
Lárus Ástmar er mjög ánægður
með árangur nemendanna. „Þeir
stóðu sig með mikilli prýði. Mikil
samstaða myndaðist innan hópsins
og jákvætt andrúmsloft sveif yfir
vötnum,“ segir Lárus Ástmar. „Við
teljum að verkefni af þessu tagi efli
ekki einungis þá nemendur sem
taka beinan þátt heldur allt skóla-
umhverfið.
Til gamans má geta þess að hver
og einn nemandi 10. bekkjar tók
þátt í leikritinu með einum eða öðr-
um hætti. Leikendur eru 24 og
hljómsveitin er skipuð 10 hljóð-
færaleikurum. Frelsið er viðamikil
sýning og þátttakendur skila sínum
hlutverkum með sóma.
Morgunblaðið/Gunnlaugur Árnason
Fjölmenn sýning Nemendur í
Stykkishólmi takast þessa dagana á
við leikverkið Frelsið.
Frelsið á
fjalirnar
í Stykkis-
hólmi
Þórshöfn | Á heilsugæslustöðinni á
Þórshöfn hefur tannlæknir aðstöðu
en frá Húsavík kemur tannlæknir
reglulega og nýta íbúarnir sér þjón-
ustu hans. Tannlæknatækin og til-
heyrandi búnaður voru komin til
ára sinna og brýn þörf á endurnýj-
un. Það er nú orðið að veruleika og
nýr búnaður er kominn á tann-
læknastofuna en Heilbrigðisstofn-
unin á sér ýmsa velunnara sem
koma að málefnum sem þessum,
einkum hefur Styrktarfélag Heil-
brigðisstofnunar Þingeyinga látið
þar til sín taka.
Í byrjun desember voru nýju
tækin formlega afhent og í tilefni af
því var íbúum við Þistilfjörð boðið
að koma og skoða endurbætta tann-
læknaaðstöðu á heilsugæslustöð-
inni.
Styrktarfélag Heilbrigðisstofnun-
ar Þingeyinga, sem er einn af gef-
endum tækjanna, var með kynn-
ingu á félaginu en starfssvið þess
stækkaði töluvert þegar heilsu-
gæslustöðvarnar á Þórshöfn, Rauf-
arhöfn og Kópaskeri sameinuðust
stofnuninni á Húsavík undir nafn-
inu Heilbrigðisstofnun Þingeyinga
og nýir félagar eru kærkomnir, að
sögn formanns.
Boðið var upp á léttar veitingar
og Stefán Haraldsson tannlæknir
lýsti tækjabúnaðinum í stuttu máli
en vinnuaðstaða hans gjörbreytist
með tilkomu hans.
Góð tannlæknaþjónusta er hluti
af almennri heilbrigðisþjónustu í
hverju byggðarlagi og þessir þættir
hafa töluverð áhrif á búsetuskilyrði
fólk svo þessar endurbætur eru
vissulega kærkomin viðbót við þjón-
ustuna.
Góð gjöf á Heil-
brigðisstofnunina
Morgunblaðið/Líney
Góð gjöf Nýi búnaðurinn á heilsugæslustöð Þórshafnar
Fréttir á SMS