Morgunblaðið - 16.12.2006, Qupperneq 28

|laugardagur|16. 12. 2006| mbl.is
daglegtlíf
Kolbrún Birna Árdal hefur kom-
ið sér vel fyrir í Seljahverfinu en
húsið byggðu foreldrar hennar
fyrir 26 árum. » 36
lifun
Laufabrauðið var ekki fátækra-
brauð þegar það sást fyrst á
borðum Íslendinga segir
Elsa E. Guðjónsson. » 36
matur
Verslanir eru sneisafullar af fal-
legum jólafötum á börnin þessa
dagana. Daglegt líf fékk nokkra
hressa krakka til að máta. » 34
tíska
Sýningin á silfurmunum sem nú
stendur yfir í Ráðhúsi Reykja-
víkur þessa dagana er haldin til
styrktar Ljósinu. » 31
hönnun
Það er fátt jólalegra en ilmur af
nýbökuðum piparkökum. Heiða
Björg Hilmisdóttir gefur góða
uppskrift að slíkum kökum. » 32
aðventan
Þegar Brynja Ólafsdóttirdebúteraði í Salnum á dög-unum klæddist hún forlátaupphlut. Það væri kannski
ekki í frásögur færandi ef upphlut-
urinn hefði ekki verið saumaður á
ömmu hennar Ásgerði fyrir rúmlega
hálfri öld þegar hún var fimm ára.
„Það var mjög gaman að fara í
fyrsta skipti í þennan kjól,“ segir
Brynja og undirstrikar að hún hafi
aldrei farið í fínni flík. „Finndu bara
hvað þetta er mjúkt,“ segir hún og
strýkur yfir pilsið undir svuntunni.
„Þetta er ekta silki.“
Brynja, sem er sex ára, var hálf-
gerður senuþjófur á fjölskyldu-
tónleikum sem pabbi hennar, Ólafur
Kjartan Sigurðarson, stjórnaði í
Salnum síðastliðinn sunnudag, þar
sem hún söng einsöng. „Það var
mjög skemmtilegt og fólkið hlustaði
mjög vel,“ segir hún kotroskin. „Svo
var þarna heill Kársneskór.“
Fimm kynslóðir innan sömu fjöl-
skyldu tróðu upp á tónleikunum eins
og frægt er orðið en hins vegar vita
færri að hinn forláta þjóðbúningur
sem Brynja klæddist við tilefnið er
yfir hálfrar aldar gamall.
„Mamma mín, Filippía Jónsdóttir,
saumaði þennan upphlut fyrir mig
þegar ég var fimm ára,“ segir Ás-
gerður Ólafsdóttir, amma Brynju.
„Ég man vel eftir mér í honum og að
mér fannst ég alveg rosalega fín.
Það var dálítið algengt á þessum
tíma að stelpur eignuðust upphlut og
sennilega hefur mömmu bara langað
að hafa stelpuna sína dálítið fína.“
Bað stundum um búðarföt
Ásgerður óx fljótlega upp úr bún-
ingnum eins og gengur. „Ég geymdi
hann því ég ætlaði alltaf að eignast
stelpu sem myndi passa í
hann. En ég var svo hepp-
in að eignast tvær ömmu-
stelpur í staðinn. Ásgerð-
ur systir Brynju notaði
hann fyrir nokkrum árum
og núna passar Brynja í
hann.“
Borðinn á húfunni er
það eina sem hefur verið
endurnýjað í gegnum tíð-
ina enda var hann orðinn
upplitaður. Annars er
upphluturinn eins og þeg-
ar Ásgerður klæddist hon-
um fyrst árið 1955. Tvö
sett af svuntu og skyrtu
fylgja með honum, svo
mikið hefur verið í hann
lagt á sínum tíma.
„Mamma var mjög flink í
höndunum og saumaði allt
á mig,“ heldur Ásgerður
áfram. „Stundum bað ég
um búðarföt því ég var
orðin leið á því að fá bara
heimagerð.“
Eðlilega var það stolt
amma sem horfði á stelp-
una sína syngja í Salnum
síðustu helgi. „Fyrst og
fremst af því hvað hún var
dugleg að syngja en mér
fannst líka rosalega gam-
an að sjá hana í þessum
fallega búning.“
Það fer ekki á milli mála að unga
söngkonan er líka hæstánægð með
klæðin. „Flottasti kjóllinn minn er
þessi hér og líka þetta belti,“ segir
hún og bendir á mittið á sér. Dulítið
hik kemur á hana þegar hún er innt
eftir því hvort hún hyggist vera í
þjóðbúningnum um jólin. „Ég er bú-
in að fá annan jólakjól og veit ekki
alveg hvort ég ætla að vera í honum
eða þessum á jólunum. Kannski bara
til skiptis.“
Glerfín Ásgerður fimm ára í upphlutnum en
myndin er unnin með gamalli tækni þar sem
handmálað er yfir svarthvíta ljósmynd.
Morgunblaðið/Árni Sæberg
Eins og nýr Brynja tekur sig vel út í búningi ömmu sinnar, Ásgerðar.
Tónleikabúningurinn yfir 50 ára
Hún Ásgerður Ólafs-
dóttir passar ekki lengur
í gamla þjóðbúninginn
sinn. Það gerir hins vegar
sonardóttirin Brynja
Ólafsdóttir sem nýlega
tróð upp á tónleikum í
upphlutnum sem
langamma hennar saum-
aði fyrir margt löngu.
GÆÐI og verð virðast ekki fara sam-
an þegar kemur að hrukkukremum
ef marka má nýja neytendakönnun
sem Neytendasamtökin segja frá á
heimasíðu sinni. Eitt dýrasta kremið
í könnuninni þótti slakast.
Átta hrukkukrem voru skoðuð
með tilliti til þess hvort þau drægju
úr hrukkumyndun eða minnkuðu
fínar línur. Konur voru fengnar til
að bera hrukkukremin á annan
helming andlitsins og venjulegt
rakakrem á hinn yfir tólf vikna
skeið. Þá voru myndir teknar af and-
litum þeirra og rakinn í húðinni
mældur.
Skástu umsögnina fengu Dia-
dermine Expert Rides, Oil of Olay
Regenerist og Lancôme Renergie án
þess að um góða einkunn væri að
ræða. Krem frá Roc og L’Oreal
fengu miðlungseinkunn og krem frá
Nivea og La Prairie ráku lestina.
Síðarnefnda merkið er bæði dýrt og
vinsælt, að því er fram kemur á vef
Neytendasamtakanna.
Ekkert kremanna átta þótti
gagnast sérstaklega gegn hrukk-
unum en bestu kremin höfðu þó þau
áhrif að fínar línur minnkuðu. Ár-
angurinn var þó vart sjáanlegur.
Hins vegar virkuðu flest kremin
ágætlega sem rakakrem þótt hrukk-
urnar færu hvergi.
Hrífa ekki á hrukkurnar
Reuters
Gagnslaust Ósennilegt er að hrukkukrem gagnist þessari konu.
ben@mbl.is