Morgunblaðið - 10.02.2007, Blaðsíða 43

MORGUNBLAÐIÐ LAUGARDAGUR 10. FEBRÚAR 2007 43
MINNINGAR
✝ AðalheiðurMagnúsdóttir
fæddist á Kirkjufelli
í Grundarfirði 29.
janúar 1932. Hún
lést 3. febrúar síð-
astliðinn. Foreldrar
hennar voru Val-
gerður Skarphéð-
insdóttir, f. 5.11.
1899, d. 11.7. 1995,
og Magnús Gísla-
son, f. 7.12. 1891, d.
22.11. 1976. Systk-
ini Aðalheiðar eru:
Gunnar Skarphéð-
inn, f. 1922, d. 1937; Gísli Guð-
berg, f. 1925; Haraldur, f. 1927;
Elsa, f. 1928, d. 1983; Alfreð
Ragnar, f. 1930; Stella, f. 1936; og
Gunnar Skarphéðinn, f. 1942.
Hinn 25. maí 1957 giftist Að-
alheiður Magnúsi Álfssyni sjó-
manni, f. 7. jan. 1935. Börn þeirra
eru: 1) Guðrún, f. 4. júlí 1961, gift
Þresti Líndal Gylfa-
syni, f. 14. feb. 1956.
Börn þeirra eru: a)
Sigrún, f. 2. feb.
1981, sambýlis-
maður hennar er
Finnur Guðmunds-
son, f. 16. jan. 1979,
og eiga þau eitt
barn, Brynjar Daða,
f. 19. ág. 2004, og b)
Magnús, f. 17. ág.
1983. 2) Valgeir
Þór, f. 9. ág. 1967.
Kona hans er Ingi-
björg Sigurð-
ardóttir, f. 22. feb. 1968. Þau eiga
Sigurð Heiðar, f. 30. júlí 2002, en
Ingibjörg á Helgu Sjöfn Ólafs-
dóttur, f. 31. ágúst 1985.
Aðalheiður bjó alla tíð í Grund-
arfirði.
Útför Aðalheiðar verður gerð
frá Grundarfjarðarkirkju í dag og
hefst athöfnin klukkan 14.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sig.)
Í dag kveð ég elskulega systur
mína Aðalheiði Magnúsdóttur eða
Heiðu eins og hún var alltaf kölluð.
Heiða hafði í nokkur ár glímt við erfið
veikindi og eftir stutta legu á sjúkra-
húsi lést hún aðeins 75 ára gömul. Í
veikindum sínum sýndi hún einstak-
an dugnað og æðruleysi sem við öll
dáðumst að. Magnús eiginmaður
hennar og börnin hennar tvö Guðrún
og Valgeir sýndu henni einstaka um-
hyggju og hlýju á þessum erfiða tíma.
Þegar kemur að kveðjustund náins
ættingja reikar hugurinn yfir liðna
tíð. Koma þá upp í hugann margar
ánægjustundir sem ylja um hjarta-
rætur. Má þar nefna æskuárin í
Kirkjufelli og árin sem við áttum
saman í Reykjavík. Einnig kemur
upp í hugann ferðin sem við fórum
ásamt eiginmönnum okkar til Mal-
lorca sumarið 1995. Í þessari ferð
naut Heiða sín svo vel að eftir var tek-
ið og kom brún og sælleg heim.
Þó að fjarlægð væri á milli okkar í
kílómetrum, hún í Grundarfirði og ég
í Reykjavík, varð vinátta okkar Heiðu
systur nánari með árunum. Ekki leið
sú vika að við heyrðumst ekki í síma
og skiptumst á upplýsingum um
heilsu hvor annarrar og fréttum af
börnum og barnabörnum.
Elsku Heiða, ég og fjölskylda mín
viljum að lokum þakka þér fyrir hvað
þú tókst alltaf vel á móti okkur þegar
við komum vestur að heimsækja
æskuslóðirnar. Það var sama á hvaða
tíma við komum, aldrei kom annað til
greina en að við borðuðum eða fengj-
um okkur kaffi og heimabakað með-
læti á þínu fallega heimili. Þessar
minningar eru okkur afar kærar. Vil
ég þakka þér öll árin sem við áttum
saman og vináttu þína sem gaf mér
svo mikið.
Að lokum sendum við Magnúsi,
Guðrúnu, Valgeiri og fjölskyldum
þeirra innilegar samúðarkveðjur.
Guð blessi minningu þína.
Stella Magnúsdóttir og fjölskylda.
Ég hef augu mín til fjallanna: Hvaðan kem-
ur mér hjálp? Hjálp mín kemur frá Drottni,
skapara himins og jarðar. (Sálm. 121:1–2)
Þegar dagarnir eru að lengjast og
sólin skín yfir fjallstindana í Grund-
arfirði er Heiða, mágkona mín, lögð
til hinstu hvílu. Þrátt fyrir að vitað
væri að hverju stefndi óraði okkur
ekki fyrir því, þegar við drukkum
með henni afmæliskaffið, að hún ætti
einungis fáa daga eftir ólifaða.
Heiða var sjötta barn sæmdar-
hjónanna Valgerðar og Magnúsar í
Kirkjufelli. Hún ólst upp í glaðværum
systkinahópi þar sem myndarskapur
og ráðdeild réðu ríkjum og áhersla
var lögð á vinnusemi og heiðarleika.
Heiða hleypti heimdraganum og fór í
húsmæðraskólann á Staðarfelli. Það
var góður undirbúningur fyrir líf
hennar en hún var mikil fyrirmynd-
arhúsmóðir og hannyrðakona.
Hún giftist Magnúsi Álfssyni og
reistu þau sér hús við Hlíðarveg.
Heimili þeirra var fallegt og gott að
koma þangað því gestrisni var í há-
vegum höfð.
Það er margs að minnast því við
Halli og börnin áttum margar
ánægjustundir með þeim hjónum
þegar við dvöldum fyrir vestan. Það
var gott að vera í návist Heiðu, ræða
við hana um lífið og tilveruna eða fara
í veiðiferðir í Hraunsfjarðarvatn á
fögrum sumarnóttum sem seint
gleymast. Heiða var hreinskiptin og
vinur vina sinna.
Á síðari árum átti hún við veikindi
að stríða og naut þá umhyggju síns
ágæta eiginmanns sem reyndist
henni traustur vinur alla tíð. Sökn-
uður hans og barna þeirra, sem og
fjölskyldna þeirra, er mikill.
Þegar nú er komið að leiðarlokum
vil ég þakka þér, kæra mágkona, fyrir
allar okkar samverustundir frá því að
ég giftist inn í Kirkjufellsfjölskylduna
og það hve vel þú tókst á móti mér.
Við Halli biðjum fjölskyldunni guðs
blessunar.
Bend mér upp og yfir tjöldin skýja
upp mig tak. Lát jarðar myrkrið flýja
fyrir ljósi landinu’ engla frá. –
Í lífi’ og dauða, Herra vert mér hjá.
(Stefán Thor.)
Hvíl í friði.
Þóra Mínerva Hreiðarsdóttir.
Sólin hennar Heiðu föðursystur
minnar er hnigin til viðar á þessari
jörð en geislar hennar skína áfram
skært og hlýja mér í hjartastað. Þeg-
ar ég sest niður og skrifa þessar línur
koma minningar liðinna daga um
ferðirnar í Grundarfjörð ávallt fram í
hugann. Úr Grundarfirði á ég mínar
bestu minningar, þar sem ég átti
ömmu, afa og fullt af frændfólki til að
heimsækja. Í þeim minningum eru
bara sólskinsdagar. Það var engin
ferð farin í Grundarfjörð án þess að
fara til Heiðu og Magga. Á heimili
þeirra hjóna hefur ávallt verið tekið
fagnandi á móti manni með bros á
vör, hlýju viðmóti og einhverju góð-
gæti. Frá því ég var lítil stelpa hefur
Heiða alltaf haft nægan tíma til að
spjalla um heima og geima og það er
gott að eiga þann stað vísan, að dyrn-
ar standi alltaf upp á gátt þegar mað-
ur birtist. Heiða var samkvæm sjálfri
sér í samskiptum og það var jafnan
von á hreinskilnum umræðum því
hún kom ávallt til dyranna eins og
hún var klædd. Notaleg nærvera,
hlýja og kærleikur einkenndi hana og
hún var óspar á að leyfa öðrum að
njóta þess. Heiða átti góðan eigin-
mann, hann Magga, sem var hennar
stoð og stytta og þegar degi tók að
halla átti hún góðan og traustan vin
sér við hlið.
Sólin kemur upp á nýjum stað,
stærri og fallegri og við eigum eftir að
njóta geisla hennar í minningunum.
Ég og fjölskylda mín viljum þakka
Heiðu fyrir samfylgdina og sendum
eiginmanni, börnum og öðrum ástvin-
um dýpstu samúðarkveðjur okkar.
Fagna þú, sál mín. Allt er eitt í Drottni,
eilíft og fagurt, dauðinn sætur blundur.
Þótt jarðnesk dýrð og vegsemd visni’ og
þrotni,
veit ég, að geymast handar stærri undur,
þótt stórtré vor í byljum jarðar brotni,
bíður vor allra’ um síðir Edenslundur.
Fagna þú, sál mín. Lít þú víðlend veldi
vona og drauma’, er þrýtur rökkurstíginn.
Sjá hina helgu glóð af arineldi
eilífa kærleikans á bak við skýin.
Fagna þú, sál mín, dauðans kyrra kveldi,
kemur upp fegri sól, er þessi’ er hnigin.
(Jakob J. Smári)
Hvíl þú í friði, elsku frænka mín.
Guðbjörg Haraldsdóttir.
Elsku Heiða frænka. Þú varst allt-
af heima. Og einnig góða frænkan
sem við gátum alltaf talað við, sama
hvaða dagur var. Þú varst alltaf til
staðar í Grundarfirði og alltaf til í að
setjast niður og sötra kaffi og spjalla.
Minning mín um þig er góð og þú
munt alltaf eiga stóran stað í hjarta
mínu. Alltaf svo brosandi og sæt. Þú
hefur alltaf verið svo hlýleg og góð og
munt alltaf halda því áfram, sennilega
brosandi. Ég er mjög þakklát fyrir að
hafa átt svona góða frænku og ég
mun aldrei gleyma þér, svona ein-
stakri manneskju. Ég kveð þig með
miklum söknuði.
Blessuð sé minning þín, elsku
Heiða frænka. Láttu þér líða vel.
Drottinn er minn hirðir, mig mun ekkert
bresta.
Á grænum grundum lætur hann mig hvílast,
leiðir mig að vötnum, þar sem ég má næðis
njóta.
Hann hressir sál mína, leiðir mig um rétta
vegu
fyrir sakir nafns síns.
Jafnvel þótt ég fari um dimman dal, óttast ég
ekkert illt,
því að þú ert hjá mér,
sproti þinn og stafur hugga mig.
Þú býr mér borð frammi fyrir fjendum mín-
um
þú smyr höfuð mitt með olíu
bikar minn er barmafullur.
Já, gæfa og náð fylgja mér alla ævidaga
mína,
og í húsi Drottins bý ég langa ævi.
(23. Davíðssálmur)
Þín einlæg,
Alexandra Ósk.
Heiða mín, nokkur kveðjuorð og
þakklæti til þín fyrir allt það sem þú
hefur gert fyrir mig um dagana en
það er margt og mikið sem ekki verð-
ur talið upp í stuttri kveðjugrein. Það
má segja að þú hafir verið örlagavald-
ur í lífi mínu, þegar mér datt í hug
fyrir 50 árum að koma hingað til
Grundarfjarðar frá foreldrahúsum í
Reykjavík og ætlaði ég mér að vera í
einn vetur en hér er ég ennþá. Þú,
Heiða mín, og hann Maggi móður-
bróðir minn voruð þá sest hér að í
Grundarfirði á heimaslóðum þínum,
ekki langt frá þeim stað þar sem þú
ólst upp á bænum Kirkjufelli. Ég var
nú ekki gömul, hafði aldrei farið að
heiman, en það var ekki í kot vísað hjá
þeim Heiðu og Magga og þar leið mér
eins og prinsessu. Og örlögin þau
voru að ég kynntist mínum manni og
hér í Grundarfirði settumst við að. Ég
veit að ég tala fyrir munn okkar allra
saumaklúbbssystranna, í huga okkar
er þakklæti til þín fyrir allar sam-
verustundirnar sem við höfum átt í
þau fjörutíu og sex ár sem sauma-
klúbburinn okkar hefur starfað. En
það var ekki alltaf saumað og prjón-
að, það var líka talað og mikið hlegið,
farið út að borða og síðast en ekki síst
ferðalögin okkar sem öll eru ógleym-
anleg. Seinni árin var mökum boðið
með og ekki skemmdi það fyrir, og
bara þær stundir og síðan allar aðrar
á þessum árum hafa fyrir mig og mitt
fólk verið ómetanlegar.
Ég gæti haldið áfram og rifjað upp
svo margt, en eins og ég segi, Heiða
mín, þetta eru bara nokkur kveðjuorð
til þín fyrir öll árin sem við höfum átt
samleið.
Að leiðarlokum kveð ég þig, Heiða
mín, og bið Guð að geyma þig.
Elsku Maggi, samúðarkveðjur til
þín og barnanna.
Jóhanna Sigurrós.
Aðalheiður Magnúsdóttir
Morgunblaðið birtir minningargreinar alla útgáfudagana.
Skil | Greinarnar skal senda í gegnum vefsíðu Morgunblaðsins: mbl.is –
smella á reitinn Senda efni til Morgunblaðsins – þá birtist valkosturinn
Minningargreinar ásamt frekari upplýsingum.
Skilafrestur | Ef birta á minningargrein á útfarardegi verður hún að berast
fyrir hádegi tveimur virkum dögum fyrr (á föstudegi ef útför er á mánudegi
eða þriðjudegi). Ef útför hefur farið fram eða grein berst ekki innan hins til-
tekna skilafrests er ekki unnt að lofa ákveðnum birtingardegi. Þar sem pláss
er takmarkað getur birting dregist, enda þótt grein berist áður en skila-
frestur rennur út.
Minningargreinar
✝
Elskuleg móðir okkar, tengdamóðir, amma og lang-
amma,
GUÐRÚN RUT DANELÍUSDÓTTIR,
Gullsmára 11,
Kópavogi,
lést á heimili sínu þriðjudaginn 6. febrúar.
Jarðarförin auglýst síðar.
Danelíus Sigurðsson, Margrét Ellertsdóttir,
Alfreð Almarsson, Helga Harðardóttir,
Halldór Almarsson, Helena Jónasdóttir,
Sigfús Almarsson, Sigrún Sigurðardóttir,
Pálmi Almarsson, Vilborg Sverrisdóttir,
Sveindís Almarsdóttir, Kjartan Snorrason,
Vignir Almarsson, Inga Yngvadóttir,
Dagbjört Almarsdóttir, Gunnar Gunnarsson,
barnabörn og barnabarnabörn.
✝
Elskuleg eiginkona mín, móðir okkar, tengdamóðir,
amma og langamma,
ÞORBJÖRG ÓLAFSDÓTTIR
frá Haukadal í Dýrafirði,
Efstasundi 88,
Reykjavík,
lést á Landspítalanum við Hringbraut þriðjudaginn
6. febrúar.
Valur Benediktsson,
Bergþóra Valsdóttir, Björn Erlingsson,
Margrét Valsdóttir,
Kristín Jóhanna Valsdóttir, Jón Ingi Jóhannesson,
barnabörn og barnabarnabarn.
✝
Elskulegur eiginmaður minn, faðir, tengdafaðir og
afi,
HJÖRLEIFUR H. JÓHANNSSON,
Stórhólsvegi 3,
Dalvík,
lést á Fjórðungssjúkrahúsinu á Akureyri laugardag-
inn 3. febrúar.
Útförin fer fram frá Dalvíkurkirkju þriðjudaginn
13. febrúar kl. 13:30.
Þeim sem vilja minnast hans er bent á Minningarsjóð Heimahlynningar á
Akureyri eða önnur líknarfélög.
Þorgerður Sveinbjarnardóttir, Helga G. Hjörleifsdóttir,
Sveinbjörn J. Hjörleifsson, Elín Unnarsdóttir,
Björgvin Hjörleifsson, Preeya Kempornyb,
Arnþór Hjörleifsson, Ásrún Ingvadóttir,
Sigurbjörn Hjörleifsson, Kanokwan Shrimun,
Einar Hjörleifsson, Lilja Guðnadóttir,
Hjördís H. Hjörleifsdóttir, Sigursteinn Magnússon
og barnabörn.
✝
Ástkær móðir okkar, tengdamóðir, amma, lang-
amma og langalangamma,
LAUFEY VALGEIRSDÓTTIR
húsfreyja,
Bjarnarhöfn,
lést á Sankti Franciskusspítalanum í Stykkishólmi
þriðjudaginn 6. febrúar sl.
Útförin tilkynnt síðar.
Fyrir hönd fjölskyldunnar,
Aðalheiður Bjarnadóttir, Jónas Þorsteinsson,
Hildibrandur Bjarnason, Hrefna Garðarsdóttir,
Sibilla Bjarnason,
Ásta Bjarnadóttir, Bjarni Alexandersson,
Sesselja Bjarnadóttir, Ríkharð Brynjólfsson,
Jón Bjarnason, Ingbjörg S. Kolka Bergsteinsdóttir,
Karl Bjarnason, Jóhanna Karlsdóttir,
Guðrún Bjarnadóttir,
Signý Bjarnadóttir, Hjálmar Jónsson,
Valgeir Bjarnason, Ingibjörg Elsa Björnsdóttir.