Morgunblaðið - 25.03.2007, Blaðsíða 34
ljósmyndir
34 SUNNUDAGUR 25. MARS 2007 MORGUNBLAÐIÐ
Morgunblaðið/Halldór Sveinbjörnsson
Erfiðar aðstæður
Björgunarstörf voru erfið í ísköldum sjónum þegar bíll fór út af Hnífsdalsvegi í byrjun árs 2006, eins og fréttamynd ársins sýnir en hana
tók Halldór Sveinbjörnsson ljósmyndari á Ísafirði. Stúlka lét lífið í slysinu.
Morgunblaðið/Jónas Erlendsson
Skýjahöll
Sérkennileg sjón blasti við þeim sem voru á ferðinni í
Víkurfjöru dag einn í lok janúar 2005 en þá höfðu hrúgast
upp afar skemmtilegir skýjabakkar yfir Hrafnatindum ofan
þorpsins í Vík í Mýrdal. Jónas Erlendsson, fréttaritari og
ljósmyndari í Mýrdal, náði að fanga augnablikið og var
mynd hans valin besta myndin í ljósmyndasamkeppni
fréttaritara og besta myndin í flokki mynda úr náttúru og
umhverfi.
Spegill
þjóðar
Morgunblaðið/Sigurður Sigmundsson
Tannsnyrting
Hestar þurfa tannsnyrtingu eins og mannfólkið en tækin
eru þó ekki þau sömu. Gunnar Örn Ísleifsson notaði slípi-
rokk til að jafna tennur hestsins. Sigurður Sigmundsson,
fréttaritari Morgunblaðsins í Hrunamannahreppi, myndaði
og fékk verðlaun fyrir bestu myndina í opnum flokki.
Fjölbreytni mannlífsins kemur vel
fram á ljósmyndum fréttaritara
Morgunblaðsins á landsbyggðinni.
Þær eru eins konar spegill þjóð-
arinnar. Lokið er samkeppni um
bestu ljósmyndir fréttaritara frá
árunum 2005 og 2006 sem Morg-
unblaðið og Okkar menn, félag
fréttaritaranna, efndu til. Mörg
hundruð myndir bárust dóm-
nefnd. Úrslit voru kynnt og verð-
laun afhent á aðalfundi Okkar
manna sem haldinn var í Reykja-
vík í gær. Dómnefnd valdi „Skýja-
höll“, mynd Jónasar Erlends-
sonar, fréttaritara í Mýrdal, sem
mynd keppninnar. Einnig voru
veitt verðlaun í átta keppnisflokk-
um. Verðlaunamyndirnar og
valdar myndir úr keppninni eru
sýndar í verslunarmiðstöðinni
Smáralind, neðri hæð, til 4. apríl
næstkomandi.