Morgunblaðið - 16.04.2007, Blaðsíða 21
|mánudagur|16. 4. 2007| mbl.is
daglegtlíf
Annamaria Alesdotter á kan-
ínuna Íkarus og iðulega setur
hún hann á öxlina á sér eins og
páfagauk. »23
gæludýr
Konur af öllum stærðumog gerðum eru þessadagana að bjástra viðbílskúra og geymslur í
Hafnarfirði. Þær eru að huga að
hjólhestunum sínum enda tími
kominn til að dusta rykið af þeim
fyrir annað sumar í félagsskap
Hjólreiðafélags hafnfirskra
kvenna.
„Við stofnuðum samtökin hinn
19. júní í fyrra við hátíðlega athöfn
í Hellisgerði,“ segir formaðurinn
Eiríksína Kr. Ásgrímsdóttir. „Um
20–30 hafnfirskar konur mættu á
þann fund. Svo nýttum við okkur
þetta „kona-á-konu“ fyrirbæri sem
er svo sterkt hér á Íslandi með því
að senda sms og tölvubréf og
hnippa hver í aðra í Fjarð-
arkaupum. Þannig bættist stöðugt
við hópinn. Á endanum voru tæp-
lega 100 konur á stofnskrá. M.a.
gengu þrjár af bæjarfulltrúunum í
félagið en þær eru í öllum flokkum.
Samtökin eru því þverpólitísk og
auðvitað dulítið femínísk líka.“
Félagsskapurinn átti sér nokkuð
hversdagslegan aðdraganda. „Við
keyptum okkur hjól, ég og Val-
gerður Halldórsdóttir sem er ritari
samtakanna. Hins vegar nenntum
við aldrei að hjóla svo gripirnir
voru orðnir að hálfgerðum fatasta-
tífum hjá okkur. Eitt kvöldið datt
okkur í hug að stofna einfaldlega
Hjólreiðafélag hafnfirskra kvenna
til að ráða bót á þessu og fannst við
hæfi að gera það 19. júní. Það varð
aftur til þess að skapa ákveðinn
hópþrýsting sem er svo hollur og
góður fyrir letingja.“
Agalegt fyrir lagninguna
Allt síðastliðið sumar og fram í
nóvember hittist því hópur kvenna
með hjólin sín við Hafnarborg
hvert þriðjudagskvöld og hjólaði
þaðan góðan hring. „Það er alltaf
ein sem hefur forystu og ein til
tvær sem stjórna,“ heldur Eiríks-
ína áfram. „Við höfum fæstar verið
tíu en tæplega 60 þegar mest var.
Mætingin fer svolítið eftir veðri og
vindum en það er samt ótrúlegt
hvað margar láta sjá sig, bæði í
roki og rigningu. Við höfum hjólað í
Hafnarfirðinum og út í Garðabæ og
alla leið í Kópavog. Og á evrópska
samgöngudeginum í september
skipulögðum við í samráði við Stað-
ardagskrá 21 í Hafnarfirði ferð til
Reykjavíkur á hjólum og smöluðum
saman tæplega fimmtíu manns. Þá
tóku konurnar börnin sín með og
kallana og allt hvað eina.“
Venjan er að hjóla í klukkutíma,
upp í einn og hálfan, að sögn Ei-
ríksínu. „Sumar taka jafnvel auka-
rúnt en eftir á fáum við okkur alltaf
kaffi í Hafnarborg. Þannig að þetta
er bæði félagslegt og kemur blóð-
inu á hreyfingu.“
Hún segir fjarri því að þarna séu
einhverjir sérstakir „hjólanördar“
á ferð. „Þetta eru bara venjulegar
konur, frá sjö ára til sjötugs. Marg-
ar gengu í félagið og keyptu sér
síðan hjól og sumar mæta einfald-
lega á hjólum barnanna sinna.
Sumar hafa ekki hjólað lengi, jafn-
vel í tugi ára og þá þarf að kenna
þeim á gírana og svona.“
Innt eftir því hvort konurnar séu
vel græjaðar svarar Eiríksína að
hjólin séu af öllum stærðum og
gerðum. „Ég held að elsta hjólið
sem elsta félagskonan notar sé 40
ára og hún rétt rúmlega það. En
við erum allar með hjálm,“ segir
hún ákveðin. „Eða flestar,“ bætir
hún svo við. „Það eru bara þær alp-
jöttuðustu sem eru ekki með hjálm.
Hann fer náttúrlega agalega illa
með lagninguna,“ segir hún hlæj-
andi.
Tour de Femme í ágúst
Hjólreiðafélag hafnfirska kvenna
hefur vissulega sett svip sinn á
bæjarlífið í Hafnarfirði frá því að
það var stofnað. „Það var mjög
gaman að hjóla þegar við vorum
sem flestar því þá urðu kallar sem
voru einir í bíl bara skíthræddir og
voru sjálfsagt að velta því fyrir sér
hvert allar þessar konur væru að
æða og hvort þeir væru í hættu!“
Eftir nokkurra mánaða hlé sem
gert var vegna jólakökubaksturs
og annarra vetraranna hafa hafn-
firsku kvendin nú tekið til við hjól-
reiðar á ný og eru í óða önn að
þjálfa sig upp í fyrsta verkefni
vorsins. Það er að taka þátt í átak-
inu „Hjólað í vinnuna“ sem stendur
yfir í maí en skráning hófst síðast-
liðinn föstudag. „Við sem getum
ætlum að hjóla alla leið til Reykja-
víkur í vinnu en svo er ýmislegt
fleira á prjónunum. Við verðum
með fræðslufund um hjólreiðar í
útlöndum í apríl eða maí og núna er
ég að búa til heimasíðu sem á að
vera tilbúin í sumar. Svo má ekki
gleyma hinum stórkostlega hjóla-
viðburði Tour de Femme sem við
erum að skipuleggja og verður í
ágúst. Hann útleggst á íslensku
„Konutúr“ og verður í svipuðum
dúr og kvennahlaupið þar sem
keppt verður í mismunandi vega-
lengdum og allir þátttakendur fá
verðlaunapening.“
Eiríksína segir stefnt að því að
Tour de Femme verði ekki bara í
Hafnarfirði heldur nái til ná-
grannabæjarfélaganna líka. „Við
erum að vonast til að konur þar
stofni svona félög líka. En ætli við
verðum ekki bara að innlima konur
í Garðabæ og Kópavogi og gera
þær að undirfélögum. Eins hafa
karlmenn svolítið kvartað yfir því
að fá ekki að vera með svo kannski
bjóðum við þeim að vera í ein-
hverju undirfélagi eða undirlægju-
félagi ef þeir sýna nægilegan
áhuga.“
Framtíðin er því full af spenn-
andi ævintýrum fyrir hjólandi kon-
ur í Hafnarfirði. „Það er rosahugur
í okkur,“ segir Eiríksína. „Við er-
um alltaf að fá hugmyndir og reyn-
um að framkvæma – alla vega hluta
af þeim.“
Morgunblaðið/Ásdís
Klárar í slaginn Eiríksína Kr. Ásgrímsdóttir formaður Hjólreiðafélags hafnfirskra kvenna, Valgerður Halldórsdóttir ritari, Ásdís Konráðsdóttir, elsti
félagsmaðurinn á elsta hjólinu og Stefanía Sigurðardóttir, hraðastjóri félagsins en hjólhestur hennar er sá eini sem er búinn hraða- og kílómetramæli.
Morgunblaðið/Ásdís
Galvaskar Hafnfirsku hjólreiðakvendin halda af stað úr Hellisgerði.
Hópþrýsting-
ur hollur
fyrir letingja
Það er stórhugur í kon-
um í Hafnarfirði þessa
dagana. Í næsta mánuði
ætlar hjólreiðafélag
þeirra að taka þátt í átak-
inu Hjólað í vinnuna en
skráning hófst á föstu-
dag. Bergþóra Njála
Guðmundsdóttir komst
að því að hafnfirsk hjól-
reiðakvendi hyggjast
taka yfir nágrannasveita-
félögin í sumar.
http://hjolad.isisport.is/
Hvað kostar að fá sér með-
alstóran en hreinræktaðan
hund og hver er kostnaður við
að halda hund eða kött? »22
fjármál