Morgunblaðið - 06.05.2007, Blaðsíða 22

|sunnudagur|6. 5. 2007| mbl.is
daglegtlíf
Sá málaflokkur sem snertir
flesta landsmenn er mennta-
mál, enda hafa allir reynslu af
menntakerfinu. » 30
menntamál
Jón Kristján Kristinsson fékk
nýverið verðlaun í teiknimynda-
samkeppni fyrir myndasögu um
brauðrist. » 38
myndasögur
Ferðalög og félagslíf í bland við
mikið og gott fjölskyldulíf hefur
verið lífsinnihald Theódóru
Thoroddsen. » 26
lífshlaup
Eftir Ingu Rún Sigurðardóttur
ingarun@mbl.is
Raðirnar voru langar fyrir utan Top-shop í London í vikunni þegar nýlína Kate Moss fyrir verslanakeðj-una var afhjúpuð. Fötin verða ekki
mosavaxin í búðinni því þau flugu út. Hluti er
kominn á eBay þrátt fyrir varúðarráðstafanir en
hver viðskiptavinur mátti að hámarki kaupa fimm
flíkur. Hleypt var inn í búðina í hollum og fengu
viðskiptavinir tuttugu mínútur til að versla. Sumir
höfðu beðið í biðröð í átta tíma til þess að vera fyrstir
til að handleika varninginn.
Kate Moss þykist þó ekki vera fatahönnuður heldur
er línan innblásin af vel völdum flíkum úr hennar eigin
fataskáp. Segja má að hún sé nokkurs konar „greatest
hits“ frá Kate, stuttbuxur, vesti, stuttir kjólar og þröng-
ar gallabuxur, blómamunstur og pallíettur. Kate mætti
með þessar uppáhalds flíkur sínar til samstarfsfólksins,
hönnuða hjá Topshop og stílistans og vinkonunnar Katy
England, sem hefur til dæmis unnið fyrir Alexander
McQueen. Kate hitti hópinn reglulega og sagði hvað hún
væri ánægð með og hverju ætti að breyta með skipunum á
borð við „þrengja hér“ og „nota annað efni“ þar.
Blaðamaðurinn og útgefandinn Jefferson Hack, sem
jafnframt er barnsfaðir Kate, skrifar inngang í kynning-
arbæklingi um línuna. „Lína Kate Moss máir út mörkin
milli kvöld- og dagklæðnaðar, milli hátísku og götutísku,
þess mögulega og ómögulega í fatastíl.“ Hann segir jafn-
framt að línan sé meira en vel valdar flíkur úr fataskáp
fyrirsætunnar. Hann segir að það sem skipti máli sé ein-
stakt auga sem láti notaðan kjól líta út fyrir að vera nútíma-
legur, gott auga fyrir efni og munstri.
Samstarf Kate Moss og Topshop er hugsað til framtíðar
og er því einnig væntanleg vetrarlína frá fyrirsætunni, sem
verður spennandi að sjá.
Alls eru um 80 flíkur í sumarlínunni og kosta fötin á bilinu
1.500 (bolur) til 25.000 kr. (leðurjakki) miðað við Topshop í
London. Línan fékk mjög góðar viðtökur þegar hún fór í sölu
í Colette í París í vikunni, hún verður kynnt í stórversluninni
Barneys í New York í næstu viku og síðast en ekki síst er hún
væntanleg í Topshop í Smáralind fimmtudaginn 24. maí.
Vinkonur Irina Lazareanu,
vinkona Kate, situr líka fyrir.
Sumarlegt Margir höfðu auga-
stað á þessum hvíta kjól.
Með kveðju frá Kate
Reuters
Aðdráttarafl Ekki spillti fyrir að Kate Moss sat sjálf fyrir meðal gínanna í glugga risaverslunar Topshop við
Oxford Circus í miðborg London þegar línan var boðin til sölu síðastliðið mánudagskvöld.
Kynþokki Einfaldur og kyn-
þokkafullur, allavega á Kate.
Glitrandi Þessi var framleiddur
í takmörkuðu upplagi.
Afslöppuð Þröngar gallabux-
ur og þægileg blómaskyrta.
Einkennisbúningur Dæmigerð-
ur stíll Kate, bæði rokkaralegur
og kynþokkafullur.
Stíll Kate
hefur oft
verið
mynduð í
ámóta
klæðnaði
og Irina
er í hér.