Morgunblaðið - 30.07.2007, Blaðsíða 33

MORGUNBLAÐIÐ MÁNUDAGUR 30. JÚLÍ 2007 33
MR. SKALLAGRIMSSON
- höf. og leikari Benedikt Erlingsson
Sjá sýningadagatal á www.landnamssetur.is
Miðapantanir í síma: 437-1600 Miðasala á midi.is og við innganginn
Tónleikar Þriðjudaginn 31. júlí kl. 20.00
Fjölbreytt efnisskrá
Flutt verða íslensk sönglög og lög eftir Schubert
ásamt verkum eftir Mozart, Tchaikovsky o.fl.
Diddú og St. Christopher
hljómsveitin í Langholtskirkju
Eftir Ásgeir H. Ingólfsson
asgeirhi@mbl.is
ÞJÓÐLEIKHÚSIÐ hefur kynnt
dagskrána fyrir næsta leikár sem
hefst örlitlu síðar en venjulega
vegna framkvæmda við húsið.
Kafka, sólarlandaferðir og
bíó/leikhús
Hamskiptin. Þeir Gísli Örn Garð-
arsson og David Farr sýndu leik-
gerð sína á Hamskiptum Kafla í
London síðasta vetur og eru nú
komnir hingað til lands með íslenska
útgáfu af leikgerðinni. Gísli Örn leik-
ur Gregor Samsa sem vaknar í rúmi
sínu morgun einn og hefur umbreyst
í bjöllu. Og í því gervi gætu fim-
leikahæfileikar Gísla, sem margir
muna eftir úr Rómeó og Júlíu, nýst
vel. Auk Gísla eru Ingvar E. Sig-
urðsson og Nína Dögg Filipp-
usdóttir í aðalhlutverkum, rétt eins
og í Lundúnauppfærslunni, en auk
þeirra leika Elva Ósk Ólafsdóttir og
Ólafur Egill Egilsson í sýningunni.
Það er sjálfur Nick Cave sem sér um
tónlistina ásamt Warren Ellis en
verkið verður frumsýnt 22. sept-
ember í nýuppgerðu Þjóðleikhúsi.
Ivanov. Jólaleikrit Þjóðleikhúss-
ins að þessu sinni er leikgerð Baltas-
ars Kormáks á þessu leikverki Ant-
ons Tsjekhovs. Það sem er þó
sérstakt er að í haust mun Baltasar
hefja tökur á kvikmyndinni Brúð-
gumanum, þar sem sama leikrit er
staðfært upp á íslenskan raunveru-
leika í Flatey. Sami leikhópur mun
vinna að báðum verkum en gjör-
ólíkar leiðir eru farnar að texta
Tsjekhovs í verkunum.
Það er Hilmir Snær Guðnason
sem fer með titilhlutverkið en Mar-
grét Vilhjálmsdóttir leikur Önnu,
hina fárveiku eiginkonu hans og
Laufey Elíasdóttir fer með hlutverk
Söshu. Aðrir leikarar í sýningunni
eru Ilmur Kristjánsdóttir, Jóhann
Sigurðarson, Ólafía Hrönn Jóns-
dóttir, Ólafur Egill Egilsson, Ólafur
Darri Ólafsson og Þröstur Leó
Gunnarsson. Frumsýning er á Stóra
sviðinu annan dag jóla.
Sólarferð. Leikrit eftir Guðmund
Steinsson þar sem sólarlandaferðir
Íslendinga eru sýndar í spéspegli.
Verkið var fyrst sýnt fyrir rúmum
þrjátíu árum en spyrja má hversu
mikið hafi breyst. Það er Benedikt
Erlingsson sem leikstýrir verkinu.
Með aðalhlutverk fara þau Ólafía
Hrönn Jónsdóttir og Ingvar E. Sig-
urðsson en sýningin verður frum-
sýnd í janúar næstkomandi.
Engisprettur. Biljana Srbljanovic
er eitt fremsta leikskáld Serbíu og
mikill þjóðfélagsrýnir. Engisprettur
er hennar nýjasta verk og það fyrsta
sem sýnt er hérlendis. Hér er fjallað
um fjölskylduna, átök ólíkra kyn-
slóða og viðleitni mannsins til að
komast af á bráðsnjallan og mein-
fyndinn hátt. Þórhildur Þorleifs-
dóttir leikstýrir sýningunni sem
væntanleg er á fjalirnar í mars
næsta vor.
Skilaboðaskjóðan. Leikverk Þor-
valds Þorsteinssonar og Jóhanns G.
Jóhannssonar sló í gegn fyrir fjórtán
árum og nú verður leikurinn end-
urtekinn fyrir nýja kynslóð barna.
Við sögu koma nátttröll, æv-
intýraskógar og vitaskuld norn, úlf-
ur og vond stjúpa eins og lög gera
ráð fyrir. Það er Gunnar Helgason
sem leikstýrir verkinu og kynjaver-
ur ævintýrisins eru holdgerðar af
Ólafíu Hrönn Jónsdóttur, Rúnari
Frey Gíslasyni, Þresti Leó Gunn-
arssyni, Jóhannesi Hauki Jóhann-
essyni og fleirum en sýningin verður
frumsýnd í október.
Bjarni og Hugleikur
frumsýna í Kassa
Í Kassanum verða tvær sýningar
frumsýndar; Óhapp! eftir Bjarna
Jónsson fjallar um unga konu, Jó-
hönnu, sem vinnur að endurbótum
að íbúð en flækist inn í sjónvarps-
þátt og mótmælaaðgerðir. Stefán
Jónsson leikstýrir og Atli Rafn Sig-
urðarson, Dóra Jóhannsdóttir, Elma
Lísa Gunnarsdóttir, Katla Margrét
Þorgeirsdóttir, Kjartan Guðjónsson,
Lilja Guðrún Þorvaldsdóttir, Hjálm-
ar Hjálmarsson og Stefán Hallur
Stefánsson eru í helstu hlutverkum
en Óhappið! mun fyrst eiga sér stað í
september.
Hugleikur Dagsson fylgir eftir
velgengni Legs (sem verður sýnt
áfram í vetur) með verkinu Bað-
stofan þar sem sami leikhópur og
var í Leg vinnur áfram saman og
Flís sér um tónlistina sem fyrr. Bað-
stofan verður frumsýnd í febrúar.
Fjölbreyttar hjónaerjur og ljót-
ur maður á Smíðaverkstæði
Kona úr fortíð er leikrit eftir Rol-
and Schimmelpfennig um hjón en líf
þeirra umturnast þegar æskuástir
skjóta upp kollinum á ný. Hafliði
Arngrímsson leikstýrir sýningunni
auk þess að þýða verkið en meðal
leikenda eru Baldur Trausti Hreins-
son, Edda Björg Eyjólfsdóttir, Edda
Arnljótsdóttir og Vignir Rafn Val-
þórsson. Verkið verður frumsýnt á
Smíðaverkstæðinu í nóvember en í
febrúar verður á sama sviði frum-
sýnt verk hinnar frönsku Yasminu
Reza, Vígaguðinn. Þetta verk á það
sameiginlegt með Konu úr fortíð að
fjalla um hjón og nú eru þau tvö
hjónapörin og þurfa bæði að kljást
við ellefu ára patta sem stunda ansi
villimannslega leiki en þegar betur
er að gáð eru foreldrarnir litlu
skárri. Það er Melkorka Tekla
Ólafsdóttir sem leikstýrir verkinu.
Sá ljóti er leikrit eftir Marius Von
Mayenburg og fjallar það um Lárus
sem þykir ansi ljótur. Svo ljótur að
honum er bannað að fara á ráðstefnu
á vegum fyrirtækisins sem hann
vinnur hjá. Þetta kallar auðvitað á
það sem nýlega er orðið alþekkt sem
Extreme Makeover. Kristín Ey-
steinsdóttir leikstýrir Hinum ljóta
sem Stefán Hallur Stefánsson túlkar
en Vignir Þór Valþórsson, Jörundur
Ragnarsson og Dóra Jóhannsdóttir
leika einnig í sýningunni sem frum-
sýnd verður í apríl.
Barnaleikrit og Norðmenn í
sjálfsmorðshugleiðingum
Áslaug Jónsdóttir hefur getið sér
gott orð fyrir barnabækur sínar en
nú kemur frá henni leikritið Gott
kvöld sem byggt er á samnefndri
bók Áslaugar þar sem við sögu koma
Hrekkjusvín, Hræðslupúki, Tíma-
þjófur og Frekjuhundur. Leikstjóri
er Þórhallur Sigurðsson og helstu
leikarar eru Baldur Trausti Hreins-
son, Þórunn Erna Clausen og Vignir
Rafn Valþórsson en verkið verður
frumsýnt í Kúlunni í september. Þá
verður farandsýningin norway-
.today einnig sýnd í Kúlunni en
verkið er eftir Igor Bauersima og
fjallar um stúlkukindina Júlíu sem
leitar að einhverjum á Netinu sem
tilbúinn er til þess að fremja sjálfs-
morð með henni. Leikstjóri norway-
.today er Vigdís Jakobsdóttir og
með hlutverk hinna dauðvongóðu
fara Sara Marti Guðmundsdóttir og
Þórir Sæmundsson en sýningar
verða bæði í Reykjavík og úti á
landi.
Hamskipti á Stóra sviðinu
Morgunblaðið/Golli
Viðgerðir Á meðan húsið er lagað æfa leikarar og aðrir aðstandendur sýninga af miklu kappi fyrir átök vetrarins.
Stóra sviðið Gunnar Helgason, Baltasar Kormákur, Benedikt Erlingsson, Gísli Örn Garðarsson og Þórhildur Þorleifsdóttir leikstýra öll á Stóra sviðinu.
Fjölbreytt dagskrá framundan í Þjóðleikhúsinu næsta vetur