Morgunblaðið - 02.12.2007, Blaðsíða 42
42 SUNNUDAGUR 2. DESEMBER 2007 MORGUNBLAÐIÐ
UMRÆÐAN
HLUTLAUS dómur er fallinn,
Þróunarstofnun Sameinuðu þjóð-
anna hefur samkvæmt árlegri út-
tekt komist að þeirri niðurstöðu að
best sé að búa á Íslandi. Alls voru
borin saman 177 lönd, Ísland velti
Noregi úr fyrsta sæti,
hvarvetna sem Íslend-
ingar voru staddir á
erlendri grund síðustu
daga hafa þeir upp-
skorið hamingjuóskir
og spurningar, ekki
síst: hvernig farið þið
að þessu svona fámenn
þjóð?
Lífsgæðin
Þessi árangur okkar
byggist á vísitölu um
lífsgæði. Ísland sigrar
á þremur meg-
instöðum, þar skiptir
mestu landsframleiðsla á mann, að-
gengi fólks að menntun og mennt-
unarstig, ennfremur lífslíkur og
meðalaldur þjóðarinnar. Það skal
tekið hér fram að mælingin er
byggð á stöðu Íslands árið 2005.
Við framsóknarmenn fögnum
þessari niðurstöðu, hún staðfestir
þann mikla árangur sem Íslend-
ingar og íslensk fyrirtæki hafa náð
á síðustu árum og vert er að minn-
ast á það að Framsóknarflokkurinn
fór með forystu í ríkisstjórn lands-
ins á þessum tíma og hafði í öflugri
ríkisstjórn, í samstarfi við höf-
uðandstæðing sinn Sjálfstæð-
isflokkinn, lagt grunn að svo mörgu
í heilan áratug þegar þessi mæling
fór fram.
Utan Evrópusambandsins
Ísland og Noregur skera sig úr í
Evrópu sem lönd hinna miklu lífs-
gæða, vakin hefur ver-
ið athygli á því að
bæði þessi lönd standa
utan Evrópusam-
bandsins en eiga í
gegnum öfluga við-
skiptabrú sem er
EES-samningurinn
aðgang að mörkuðum í
Evrópu og njóta
ákveðins frelsis án
þess að þurfa að taka
á sig kvaðir og margar
þvingandi afleiðingar
ef um fulla aðild væri
að ræða að ESB.
Við framsókn-
armenn höfum alltaf talið að at-
vinna handa öllum væri grundvall-
aratriði mannréttinda. Því settum
við atvinnuna í forgang þegar við
fórum í ríkisstjórnarsamstarf við
Sjálfstæðisflokkinn 1995, þá var hér
á Íslandi gríðarlegt atvinnuleysi og
landflótti. Gallinn í mörgum Evr-
ópuríkjum er sá að atvinnuleysið er
þeirra böl, hin þriðja og fjórða kyn-
slóð fjölskyldna er að taka við
þeirri sáru staðreynd að enga vinnu
er að hafa, þrátt fyrir skólagöngu
og menntun. Atvinna er móðir ham-
ingjunnar og vegur þungt að mati
Sameinuðu þjóðanna og Framsókn-
arflokksins.
Heilbrigði fyrir alla
Einn stærsti þáttur þessa árang-
urs er frábært heilbrigðiskerfi með
einhverju færasta fólki á sviði
læknavísinda og hjúkrunar í víðri
veröld. Hvergi er jafn lítill ung-
barnadauði og hér á landi, það seg-
ir sína sögu um skipulag og mark-
visst starf heilbrigðisþjónustunnar
svo og vitund og ábyrgð verðandi
mæðra og foreldra, við missum að-
eins tvö börn af hverjum eitt þús-
und fæddum börnum. Meðalaldur
eða lífslíkur okkar eru 81,5 ár þar
fylgjum við fast á eftir íbúum í Jap-
an og Hong Kong sem státa af því
ásamt okkur að eiga elstu konur og
karla í heiminum. Hér hefur bar-
áttu við ellina og sjúkdóma fleygt
fram, það er gert við menn eins og
bíla, skipt um legur og lokur og
margur Íslendingurinn fjörgamall í
árum er ungur í anda og upplifir
margan hamingjudag.
Forvarnarstarfið, hreyfingin og
sundið eru viðurkenndar ynging-
araðferðir. Það er og verður eilíft
verkefni að búa vel að þeim öldr-
uðu. Þar skiptir miklu að heilsan
haldist og hamingja og lífsgleði
varðveitist. Félagsstarf þeirra öldr-
uðu blómstrar sem betur fer um
allt land, sveitarfélögin og Samtök
eldri borgara, ekki síst, hafa unnið
þrekvirki fyrir þá sem færast yfir í
heldri manna tölu.
Skóli, menntun
Á einum áratug með batnandi
þjóðarhag hefur framboð í menntun
aldrei verið jafn mikið og nú á Ís-
landi. Framhaldsskólar og háskólar
nýir og gamlir eru troðfullir af fólki
sem er að búa sig undir lífið og
framtíðina. Við framsóknarmenn
höfum alltaf litið á menntun sem
fjárfestingu fyrir þjóðfélagið. Sí-
menntun er staðreynd dagsins hér,
fólk sest á skólabekk og námskeið á
öllum aldri og atvinnulífið styður
þessa þróun. Íslenskir háskólar eru
í samstarfi um víða veröld. Landið
okkar liggur mjög vel við austri og
vestri þetta eru bæði framsæknir
háskólar og öflug fyrirtæki að nýta
sér í þekkingu og fjárfestingu.
Ríkisstjórnin slöpp
Þessi árangur ársins 2005 og síð-
ustu tólf ára er mikill en full þörf
eins og alltaf að huga að hlið-
arverkunum og vaxtaverkjum sam-
félagsins. Stærsta verkefni kjara-
samninga vetrarins er að huga að
lífskjörum þess fólks sem minnst
hefur. Ríkisstjórn Geirs H. Haarde
er dauf, verðbólga geisar og háir
vextir sliga skuldug heimili og fyr-
irtæki. Eftirlitsstofnanir heima og
erlendis hafa sett efnahagsstjórn
ríkisstjórnarinnar á gult spjald.
Ríkisstjórnin hefur sýnt mikið
ábyrgðarleysi og átti strax á vor-
dögum að stíga á hemla og taka á
gegn þenslunni. Þá hefði Seðla-
banki ekki þurft að keyra stýrivext-
ina í þær himinhæðir sem nú blasir
við. Ríkisstjórn Geirs H. Haarde og
efnahagsástandið í landinu minnir
æ meir á ástandið sem sprengdi
ríkisstjórn Þorsteins Pálssonar
1988.
Til hamingju
– Ísland fyrsta sætið
Guðni Ágústsson
skrifar um þjóðarhag »Einn stærsti þátturþessa árangurs er
frábært heilbrigðiskerfi
með einhverju færasta
fólki á sviði læknavís-
inda og hjúkrunar í víðri
veröld.
Guðni Ágústsson
Höfundur er alþingismaður og for-
maður Framsóknarflokksins.
Hver á
orkulindirnar?
Hótel Saga kl. 16:00
Þriðjudaginn 4. desember
Málþing um eignarrétt á auðlindum í jörðu
Þriðjudaginn 4. desember n.k. stendur RSE fyrir
málþingi um eignarrétt á auðlindum í jörðu.
Fjallað verður um hverjir eigi auðlindirnar og
hvernig eignarhaldi á þeim sé best fyrir komið.
Málþingið fer fram á Hótel Sögu
(salur Harvard 2) og hefst kl. 16:00.
Framsögumenn verða Karl Axelsson, hæsta-
réttarlögmaður og dósent við Háskóla Íslands
og Ragnar Árnason, prófessor við Háskóla Íslands.
Að loknum framsögum verða pallborðsumræður.
Auk framsögumanna munu Þorsteinn Pálsson,
ritstjóri Fréttablaðsins, Sigurður Líndal, prófessor
við Háskólann á Bifröst og Birgir Þór Runólfsson,
dósent við Háskóla Íslands taka þátt.
Gert er ráð fyrir að fundi ljúki eigi síðar en kl. 18:00.
Allir velkomnir.
Nánari upplýsingar á www.rse.is
Rannsóknarmiðstöð um samfélags- og efnahagsmál.
M
ynd: H
alldór S
igurðsson
Einarsnes, Skerjafirði - sjávarútsýni
Tvílyft endaraðhús við Einarsnes í Skerjafirði ásamt bílskúr. Eignin skiptist í forstofu,
hol, tvö herbergi og sjónvarpshol á neðri hæðinni. Á efri hæðinni er stofa, snyrting,
eldhús og þvottahús. Glæsilegt útsýni í vestur út á sjóinn. V. 57,0 m. 7113
Hverafold - glæsilegt
Glæsilegt tvílyft einbýlishús á frábærum útsýnisstað, neðan götu í neðstu húsaröðinni
við Grafarvoginn, þ.e. á n.k. sjávarlóð. Húsið er samtals 225,1 fm að stærð með innb.
42 fm bílskúr. Á efri hæðinni er forstofa, snyrting, hol, stórar stofur með arni, eldhús og
búr. Á neðri hæðinni er hol, 3 herbergi, þvottaherbergi og baðherbergi. Fallegur og
gróinn garður. Stór timburverönd til suðurs. Akoma að húsinu er mjög skemmtileg.
V. 75 m. 7144
Álfaland, Fossvogur - fallegt útsýni
Falleg 3-4ra herbergja, 157,8 fm íbúð (þ.a. bílskúr 32,0 fm) á efri hæð í 4-býlishúsi
með sérinngangi og einstaklega fallegu útsýni. Eignin skiptist í forstofu, stóra stofu,
þvottahús, tvö svefnh., eldhús og baðh. Mjög eftirsótt staðsetning. V. 37,5 m. 7147
Bergþórugata - einbýli - lækkað verð
Mjög gott einbýlishús á tveimur hæðum ásamt bílskúr sem er innréttaður sem íbúð
eða vinnustofa. Góð timburverönd við húsið og miklir stækunarmöguleikar skv. nýju
deiliskipulagi. Eftirsótt staðsetning. V. 69,9 m. 7111
Efstaland - Glæsileg uppgerð
Mjög glæsileg, björt og vel skipulögð, 3ja herbergja íbúð á 2. hæð með miklu útsýni, í
góðu fjölbýli. Íbúðin er öll nýstandsett á flottan hátt. Nýtt eldhús, gólfefni, hurðar og
skápar. Glæsileg eign. V. 26,5 m. 7143
Hlíðarvegur - standsetning Vel skipulögð,
4ra herbergja, 103,7 fm íbúð á fyrstu hæð
í 3ja íbúða húsi með miklu útsýni. Íbúðin
skiptist í forstofu, hol, stofu, eldhús, þrjú
svefnherbergi og baðherbergi. V. 26,2 m.
7146
Mjósund - Hafnarfirði Góð 3ja til 4ra her-
bergja íbúð á 1. hæð ásamt kjallara. Íbúð-
in skiptist í 2 góð svefnherbergi, stofu og
eldhús, hringstigi niður í kjallara þar er
stórt alrými baðherbergi, herbergi og
þvottahús. V. 23,1 m. 7145
Rjúpnasalir - björt íbúð. 4ra herb., 113,5
fm, falleg íbúð á 1. hæð sem skiptist í 3
herbergi, baðherbergi, þvottahús, stofu og
eldhús. Leikskóli er við hliðina, Íþróttaaka-
demían, sundlaug o.fl. örstutt frá svo og
önnur þjónusta. V. 26,2 m. 7141
Hamravík - Rúmgóð og björt Mjög rúm-
góð og björt, 104,5 fm íbúð á 2. hæð
með sérinngangi af svölum. Parket á stofu
og plastparket á herbergjum. Flísar á baði,
eldhúsi og anddyri. Þvottahús í íbúð. Næg
bílastæði. V. 27,9 m. 7139