Morgunblaðið - 12.02.2008, Blaðsíða 4
4 ÞRIÐJUDAGUR 12. FEBRÚAR 2008 MORGUNBLAÐIÐ
FRÉTTIR
SAMNINGANEFND Samiðnar
fékk heildstætt samningstilboð frá
Samtökum atvinnulífsins á kjara-
fundi þeirra í gær og mun nefndin á
fundi aðila í dag, þriðjudag, gera
grein fyrir afstöðu sinni til tilboðs-
ins. Að sögn Finnbjörns A. Her-
mannssonar formanns Samiðnar
felst tilboðið öðrum þræði í því að
koma Samiðn inn í það tilboð sem
Starfsgreinasambandinu var gefið.
„Síðan eru ákvæði sem varða okkur
og við erum mest að velta þeim fyrir
okkur,“ segir Finnbjörn. „Þau snúa
að orlofi og starfsmenntamálum og
ég lít ekki svo á að það sé stórmál af
hálfu SA að semja um þau. Við erum
tiltölulega léttir á fóðrum í kostn-
aðarmati heildarinnar.“
Finnbjörn segist álíka bjartsýnn
og Vilhjálmur Egilsson fram-
kvæmdastjóri SA um að samningar
gætu náðst í þessari viku. „Ef þetta
gengur upp, þá gerist það í þessari
viku,“ segir Finnbjörn.
Rafiðnaðarsambandið og Alþýðu-
sambandið áttu einnig fundi með SA
í gær en Guðmundur Gunnarsson
formaður Rafiðnaðarsambandsins
er ekki eins bjartsýnn á að samn-
ingar náist í vikunni. Telur hann lík-
legra að menn geti í besta falli skrif-
að undir eftir helgina.
Rafiðnaðarsambandið fór með
drög að samningi heim af fundinum í
gær, svipuðum að gerð og Starfs-
greinasambandið og Samiðn hafa
fengið. Mun samninganefnd Rafiðn-
aðarsambandsins fara yfir tilboðið í
dag og funda með SA í kjölfarið.
Guðmundur bendir á að tölur í
samningsdrögunum hvað sitt félag
varðar, hafi verið hærri en hjá
Starfsgreinasambandinu, en það
hafi verið fyrirsjáanlegt í ljósi þess
að þær tölur virki ekki inni í launa-
kerfum Rafiðnaðarsambandsins.
Guðmundur segist telja að menn
geti farið að sjá fyrir endann á
samningaviðræðum í lok vikunnar,
en býst ekki við að mál verði komin
svo langt að hægt verði að skrifa
undir þá þegar.
„Það eru ýmsir hnútar óhnýttir og
það tekur tíma að klára málin,“
bendir hann á.
„Tiltölulega léttir á fóðrum“
Samninganefndir
stéttarfélaga meta
samningstilboð SA
Árvakur/RAX
Samningafundur Grétar Þorsteinsson, forseti ASÍ, og Gylfi Arnbjörnsson,
framkvæmdastjóri ASÍ, ræddu málin við félaga sína í Karphúsinu í gær.
ÞAÐ er engin ástæða fyrir krakka að hanga inni yfir
tölvu eða sjónvarpi þessa dagana þegar nægur snjór er
úti. Þessir drengir eru í Valhúsaskóla á Seltjarnarnesi.
Í gær var starfsdagur í skólanum og þeir settu á sig
húfur og vettlinga og skelltu sér með sleðana í brekk-
urnar.
Árvakur/Frikki
Renna sér í brekkunum
MAT á útbreiðslu og styrk óveðurs-
ins sem skall á landinu sl. föstudag
og aðfaranótt laugardags virðist
benda til þess að það veður, ásamt
óveðrum í janúar og febrúar, hafi
verið í hópi verstu veðra sem geng-
ið hafa yfir landið á síðustu 12-13
árum, að því er segir í frétt á vef
Veðurstofunnar.
Mesti vindhraði (10-mínútna
vindhraði) sem mældist á mæli
Veðurstofu Íslands var 59,2 m/s á
Skálafelli en sú mæling er ótrygg
vegna rafmagns- og ísingatruflana.
Engar truflanir voru hins vegar á
Þverfjalli þar sem vindhraði mæld-
ist 46,1 m/s.
Í fréttinni segir ennfremur að
það sé óvenjulegt hversu illviðrin
hafi verið tíð í vetur miðað við síð-
asta áratug. Sé á hinn bóginn litið
til lengri tíma virðist sem illviðra-
syrpur hafi komið alloft áður.
Veðrið ekki
verið svo
vont lengi
Veðrið á föstudag eitt
það versta í tíu ár
Smásöluverð á
lyfjum reyndist
vera hæst í Dan-
mörku í 15 til-
vikum en í 14 til-
vikum á Íslandi í
febrúar. Um er
að ræða þær 33
veltuhæstu
pakkningar sem
Tryggingastofn-
un niðurgreiddi
fyrir landsmenn árið 2006. Lyfja-
verð reyndist aldrei hæst í Noregi
en lægst þar í 20 tilvikum. Á Íslandi
reyndist verð á tveimur lyfjum
lægst á Íslandi. Í Svíþjóð voru fjór-
ar tegundir dýrastar en níu ódýr-
astar. Þetta kemur fram í nýrri
verðkönnun sem lyfjagreiðslunefnd
hefur gert.
Samanburðarlöndin eru Dan-
mörk, Noregur og Svíþjóð. Í verð-
könnuninni kemur fram að heild-
söluverð á þessum lyfjum er í 9
tilvikum lægst á Íslandi og hæst í 4
tilvikum. Í Danmörku er heild-
söluverðið í tveimur tilvikum lægst
í Danmörku en hæst í 19 tilvikum. Í
Noregi er heildsöluverð lægst í 15
tilvikum en aldrei hæst.
Lyfin dýrust
í Danmörku
og á Íslandi
Lyfjaverðsnefnd
gerði könnunina.
LÖGREGLUNNI á Selfossi bárust á
föstudag upplýsingar um að ólag
væri á lögskráningu nokkurra skip-
verja á báti sem gerður er út frá
Þorlákshöfn. Við skoðun málsins
kom í ljós að í það minnsta sex skip-
verjar voru ekki lögskráðir á bát-
inn.
Að sögn lögreglu vantaði upp á
að skipverjarnir uppfylltu lög-
skráningarskilyrði. Skipstjóri báts-
ins var yfirheyrður og verður málið
í framhaldi af því sent til ákæru-
valdsins.
Sex óskráðir
skipverjar
Umboðsmaður
Alþingis hefur
ekki lokið um-
fjöllun um REI-
málið, en hann
sendi í október á
síðasta ári sveit-
arfélögunum
sem eiga Orku-
veitu Reykjavík-
ur 12 spurningar
um stofnun dótt-
urfélagsins Reykjavik Energy In-
vest og meðferð á eignarhlut í REI
þegar ákveðið var að sameina það
Geysi Green Energy. Sveitarfélögin
hafa svarað spurningunum, en
Reykjavíkurborg mun ætla að gefa
umboðsmanni frekari skýringar.
Umboðsmaður Alþingis tók málið
upp að eigin frumkvæði. Ekkert
liggur fyrir um hvenær hann lýkur
umfjöllun um málið.
Skoðar áfram
REI-málið
Tryggvi
Gunnarsson
FLUGFÉLAGIÐ CityStar-
Landsflug hefur fengið flugrekstr-
arleyfi sitt framlengt hjá Flug-
málastjórn til 5. mars næstkom-
andi, en félagið hefur sem kunnugt
ákveðið að hætta starfsemi sinni í
Skotlandi, þar sem flogið hefur ver-
ið frá Aberdeen til nokkurra
áfangastaða í Noregi. Félagið hefur
verið með fjórar Dornier-vélar á
sínum snærum, sem hafa verið með
íslenskt flugrekstrarleyfi.
Ekki fengust upplýsingar um það
hjá Flugmálastjórn hvort CityStar
hefði skilað inn gögnum um fjár-
hagslega stöðu og ekki hefur náðist
í forráðamenn flugfélagsins.
Leyfi City Star
framlengt
hann kom til Íslands, en fengið kveðjur frá honum.
„Það verður ekki of oft ítrekað að Austur-Tímor er þjóð
sem þarf á aðstoð að halda. Þar er mikil fátækt en þjóð-
in hefur mikla möguleika, m.a. við fiskveiðar. Svo það
er vonanadi að íslensk stjórnvöld fari að beina sjónum
þangað.“ Hún segist vona að tilræðið verði ekki til þess
að frekari átök blossi upp í landinu. | 14
Eftir Jóhönnu Maríu Vilhelmsdóttur
jmv@mbl.is
KRISTÍN Ástgeirsdóttir, framkvæmdastjóri Jafnrétt-
isstofu, var meðal þeirra sem tilnefndu José Ramos-
Horta, forseta Austur-Tímors, til friðarverðlauna Nób-
els sem hann hlaut árið 1996, en þá var Kristín þing-
kona Kvennalistans.
„Ég er harmi slegin yfir fregnunum og vona að hann
lifi árásina af því hann virðist vera hættulega særður,“
segir Kristín um fréttirnar af tilræðinu sem Ramos-
Horta var sýnt síðastliðinn sunnudag.
Kristín hitti Ramos-Horta fyrst er hún var viðstödd
nóbelsverðlaunahátíðina í Osló árið 1996 og svo aftur
þegar hann heimsótti Ísland ári seinna. „Hann er af-
skaplega ljúfur og indæll maður, en auk þess að hafa
„lent í því“ að verða stjórnmálamaður, þá er hann ljóð-
skáld. Hann talaði um það við okkur að þegar sjálfstæði
Austur-Tímors yrði náð gæti hann vonandi snúið sér að
skriftum. En það varð nú aldeilis ekki raunin,“ segir
Kristín.
Kristín segir Ramos-Horta ekki hafa verið á Austur-
Tímor er Indónesar gerðu innrás árið 1975 og því ekki
lent þar í fangelsi eins og núverandi forsætisráðherra,
Xanana Gusmao, hafi gert. Ramos-Horta hafi því tekið
það að sér að ferðast um heiminn og kynna málefni
Austur-Tímors allt þar til landið hlaut sjálfstæði árið
1999.
Hún segist ekki hafa hitt Ramos-Horta aftur eftir að
„Hann er afskaplega
ljúfur og indæll maður“
Árvakur/Þorkell
Friðarverðlaunahafi José Ramos-Horta kynnti málefni
Austur-Tímor fyrir Íslendingum árið 1997.
ALVARLEGT vinnuslys varð um
borð í fiskibáti í Álftafirði í gær, þegar
bátsverji slasaðist á hendi. Sam-
kvæmt upplýsingum lögreglunnar á
Ísafirði var maðurinn við vinnu á spili
á bátnum þegar slysið varð. Bátnum
var siglt í land og tók sjúkrabíll á móti
hinum slasaða og flutti hann á sjúkra-
hús.
Lögreglan á Ísafirði hefur tekið til-
drög slyssins til nánari rannsóknar.
Alvarlegt
vinnuslys
í báti
TVEIR bílar fóru útaf þjóðveginum
um Húnavatnssýslu í gær í vonsku-
veðri en ekki urðu slys á fólki.
Fyrra óhappið varð á Þverárfjalls-
vegi og komu liðsmenn björgunar-
sveitarinnar Blöndu fólki til aðstoð-
ar.
Seinna óhappið varð í Hrútafirði í
gærkvöld kl. 21:30 við slæm akst-
ursskilyrði. Bóndi nokkur kom fólki
til aðstoðar, að sögn lögreglunnar á
Blönduósi.
Tveir bílar
óku útaf