Morgunblaðið - 12.08.2008, Blaðsíða 11
Komið til móts við
efnaminni fjölskyldur
Eftir Andrés Þorleifsson
andresth@mbl.is
FYRR í sumar bárust fréttir af því
að efnaminna fólk í Reykjavík nýtti
sér hin svokölluðu frístundakort
mun síður en þær fjölskyldur sem
meira fé hafa milli handanna. Stjórn
ÍTR samþykkti í júní að taka á mál-
unum.
Áttu að hafa jafna möguleika
Grunnhugmyndin að baki frí-
stundakortunum er sú að börn hafi
jafna möguleika á að stunda tóm-
stundir, óháð fjárhag foreldra. Því
skýtur skökku við að það séu einmitt
börn í efnaminnstu fjölskyldunum
sem síst nýta sér kortin.
Gísli Árni Eggertsson, skrif-
stofustjóri ÍTR, þekkir vel til frí-
stundakortsins. Hann segir nýt-
inguna sem slíka vera á áætlun, en
gert sé ráð fyrir að um 70% barna í
Reykjavík nýti sér kortið við árslok.
Aðspurður hvað borgin ætli að
gera til að koma til móts við börn
sem ekki geti notað kortið vegna
fjárhagsstöðu foreldranna bendir
Gísli á tvær leiðir. Annars vegar er
5% þess fjármagns sem Reykjavík-
urborg setur í frístundakortin
eyrnamerkt hópastarfi með börnum
sem ekki nýta sér kortin. Þannig
mynda félagsmiðstöðvarnar og ýmis
félög hópa sem börn geta sótt í eftir
hentugleika, t.d. hóp þar sem krakk-
ar geta leikið sér í fótbolta eða hóp
fyrir börn innflytjenda. Hins vegar
bendir Gísli á forvarnar- og fram-
farasjóð, sem ætlað er að þróa nær-
umhverfi íbúðahverfa. Í sjóðinn set-
ur borgin um 100 millj. á ári og hefur
stór hluti umsókna í hann tengst
verkefnum með krökkum sem ekki
nýta sér hin hefðbundnu úrræði.
Gísli telur að skýringanna á minni
notkun meðal efnaminna fólks sé
m.a. að leita í því að þótt foreldrar
fái 25 þúsund króna styrk kosti
margar tómstundir samt sem áður
meira. Þannig kosti ýmis tóm-
stundaiðja um 100 þúsund á ári.
Stefán Jóhann Stefánsson, vara-
borgarfulltrúi Samfylkingarinnar,
benti á vandann í ræðu sinni í borg-
arstjórn. Hann telur lausnina fyrst
og fremst fólgna í aukinni upplýs-
ingagjöf, en hann hafi orðið var við
að ákveðinn hópur væri að missa af
niðurgreiðslunum vegna þess að
hann ætti einhverra hluta vegna í
erfiðleikum með að sækja um.
Í HNOTSKURN
»Í maílok hafði styrk veriðráðstafað fyrir 9.501 eða
um 195 millj. króna.
»127 félög eru nú aðilar aðkortinu.
» Í könnun ÍBR á hverjirværu að nota kortið kom
fram að þeir sem hefðu meiri
menntun og hærri tekjur væru
mun líklegri til að nýta kortið.
»Þá var mikill munur ánotkuninni eftir hverfum,
en hann kann t.d. að skýrast af
aðstöðumun í hverfunum.
Frístundakortin
síður notuð hjá
þeim efnaminni
Morgunblaðið/Árni Sæberg
Að leik Frístundakort eru frekar notuð af vel menntuðum tekjuháum fjöl-
skyldum heldur en tekjuminni. Vilji er til að koma til móts við seinni hópinn.
MORGUNBLAÐIÐ ÞRIÐJUDAGUR 12. ÁGÚST 2008 11
FRÉTTIR
Eftir Steinþór Guðbjartsson
steinthor@mbl.is
FYRIR tæplega hálfri öld var Ant-
on Ottesen háseti á varðskipinu
Ægi, sem þá tók breska togarann
Aston Villa í landhelgi og færði til
hafnar á Ísafirði. Skömmu síðar sá
Anton að greint var frá stöðunni í
ensku knattspyrnunni í íþróttafrétt-
um dagblaðsins Vísis eftir leiki helg-
arinnar og tók eftir að Aston Villa
var á töflunni. Honum var sagt að
bátar hétu oft eftir liðum og síðan
hefur Aston Villa verið hans lið í
ensku knattspyrnunni. „Það var nú
ekki mikið gert úr þessu þá en nóg
til að ég hef staðið með liðinu síð-
an.“
Anton Ottesen, bóndi á Ytra-
Hólmi II og fyrrverandi oddviti í
Innra Akraneshreppi í áratugi, er
forfallinn Aston Villa-aðdáandi og
bíður spenntur eftir að sjá lið sitt
mæta FH í fyrri leik þeirra í 2. um-
ferð forkeppni UEFA-keppninnar á
fimmtudag. „Það eru ekkert nema
Púllarar eða Manchester-menn í
kringum mig og þeim finnst lítið til
míns liðs koma en mér er slétt sama
– ég styð það í gegnum sætt og súrt
og hef gaman af þessu.“
Aston Villa í bak og fyrir
Fyrir rúmum áratug hóf Anton
silungarækt í tjörnum vestan við
Akrafjall. Hann lætur reykja silung-
inn og gefur vinum og vandamönn-
um. Á umbúðunum er sérstakt
merki, sem hann lét útbúa. Á því er
mynd af silungi og þar stendur:
Aston Villa. Anton á Hólmi. Reykt-
ur silungur.
Anton fer á skak þegar vel viðrar
og auðvitað heitir báturinn Aston
Villa. „Ég hef veitt vel og um daginn
fékk ég til dæmis um 40 þorska á
skömmum tíma. Ágætismatarfisk.“
Aston Villa lék á móti Val fyrir
margt löngu en Anton sá ekki þann
leik. „Ég fór ekkert suður og hef
ekki heldur farið út til að sjá liðið
leika en strákarnir hafa keypt ým-
islegt tengt Villa á ferðum sínum og
gefið mér. Nágranni minn gaf mér
líka treyju.“ Hann bætir við að hann
hafi verið fastagestur á heima-
leikjum Skagamanna í áratugi og
auk þess farið á bikarúrslitaleiki
þegar Skaginn hafi átt hlut að máli.
En Aston Villa á hug hans allan.
„Ég sit reyndar ekki mikið yfir
leikjum nú orðið en fylgist alltaf
með úrslitunum. Þetta hefur ekki
verið of spennandi undanfarin ár en
þeir voru fínir í fyrra. Baldvin Jóns-
son hjá Bændasamtökunum er ann-
ar Villa-aðdáandi og hann er allur
inni í þessum foringjum og nöfnum
en ég er ekkert inni í þeim.“
Forfallinn aðdáandi Anton Ottesen hefur haldið með enska liðinu Aston Villa í nær hálfa öld. Hann tengir bæði bát og silungarækt við félagið.
Tók Aston Villa í landhelgi
Hefur haldið með Aston Villa í nær hálfa öld Báturinn og umbúðirnar með nafni félagsins
Morgunblaðið/Golli
Hefur Anton Ottesen reynt að
auka fylgið við Aston Villa?
Hann segir að fyrir nokkrum árum
hafi hann gefið Gísla Gíslasyni, þá-
verandi bæjarstjóra á Akranesi, og
öðrum sveitarstjórnarmönnum
merki en ekki til að útbreiða boð-
skapinn. „Þetta er bara til gamans
gert,“ segir hann.
S&S
Heimsferðir bjóða ein-
stakt tilboð á einn vin-
sælasta áfangastað
Costa Brava strandarinnar við Barcelona, Lloret
de Mar. Gist er á Hotel Eugenia, sem er hótel
með góðri aðstöðu, garði, sundlaug og veitinga-
stað. Stutt í golf og á ströndina. Öll herbergi
með baði, loftkælingu, gervihnattasjónvarpi,
síma og svölum eða verönd.
Skógarhlíð 18 • sími 595 1000 • www.heimsferdir.is
Lloret de Mar
12. september
Ath. aðeins örfá herbergi í boði!
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Verð kr. 59.990
með fullu fæði
Netverð á mann. Flug, skattar og
gisting í tvíbýli með fullu fæði á Hotel
Eugenia *** í 7 nætur, 12. september.
frá kr. 59.990
Ótrúlegt tilboð!
Vikuferð
m/fullu fæði