Morgunblaðið - 12.08.2008, Blaðsíða 17

úr bæjarlífinu
MORGUNBLAÐIÐ ÞRIÐJUDAGUR 12. ÁGÚST 2008 17
Sólskin og sumar er eitthvað sem
sumir eiga í bernskuminningunni, en
nú annað sumarið í röð linnir ekki
sólskinsstundum og blíðviðri og allir
eru afskaplega glaðir. Sumir vilja
meina að þetta sé afleiðing mengun-
ar sem við mennirnir á jarðarkringl-
unni eigum þátt í að blása út í and-
rúmsloftið. Hvað sem því líður
njótum við, sem búum hér á norður-
hjaranum, blíðviðrisins. Og ekki
finnst Grundfirðingum ástæða til að
kvarta yfir veðrinu þetta sumarið.
  
Hvert skemmtiferðaskipið af öðru
kemur inn á Grundarfjörðinn og far-
þegarnir sem ekki fara í útsýnisferð
fyrir Snæfellsjökul spranga um í
góðviðrinu og unga fólkið sem vinn-
ur í áhaldahúsinu fær það hlutverk
þegar skipakomur eru, að skemmta
ferðamönnunum með því að leika
álfa og huldufólk, bónda og vinnuhjú
og sumir jafnvel jólasveina. Saman
syngja þau síðan íslenska þjóðvísur
og sýna dans í stíl með tilþrifum.
Þetta fellur vel í kramið hjá erlendu
ferðamönnunum sem jafnvel taka
sér smá gönguferð með álfkonunum
til að skoða bústað þeirra í kletti ofar
í byggðinni.
  
Sögumiðstöðin sem þjónar hlut-
verki safns, upplýsingamiðstöðvar
og kaffihúss blómstrar sem aldrei
fyrr og fékk nýverið fimm þúsund-
asta gestinn í heimsókn og var hon-
um tekið með kostum og kynjum. Á
þessu sumri eru það heiðurshjónin
Óli Jón Ólafson og Steinunn Haf-
steinsdóttir sem halda úti kaffihús-
inu Emil í Sögumiðstöðinni í fyrsta
sinn og láta vel af umferðinni um sali
hússins og afgreiða kaffi og heima-
bakað til þakklátra kúnna.
  
Unglingalandsmót í umsjón HSH
(Héraðssambands Snæfellsness og
Hnappadalssýslu) verður haldið í
Grundarfirði um verslunarmanna-
helgina að ári og undirbúningur fyr-
ir það kominn á fullt skrið.
Þökulagning svæða fyrir fótbolta-
velli stendur yfir og undirbúningur
fyrir lagningu tartanbrauta um-
hverfis íþróttavöll fer senn í gang.
Ljóst er að Íþróttamiðstöð sem reisa
átti í Grundarfirði með stærri úti-
sundlaug en nú er til staðar verður
ekki til notkunar á þessu unglinga-
landsmóti. En að sjálfsögðu miðast
framkvæmd unglingalandsmótanna
við það að menn sníði sér stakk eftir
vexti á hverjum þeim stað sem ung-
lingalandsmótið er haldið og þau
sveitarfélög sem eru innan vébanda
héraðssambandsins sem tekur að
sér framkvæmdina vinni saman eins
vel og kostur er að gera umgjörðina
um mótið sem glæsilegasta því ung-
lingalandsmótin hafa þegar sýnt það
og sannað að þau hafa mikið for-
varnargildi.
GRUNDARFJÖRÐUR
Gunnar Kristjánsson fréttaritari
Morgunblaðið/Gunnar Kristjánsson
Gestgjafar Unga fólkið í áhaldahús-
inu hefur það hlutverk að skemmta
gestum skemmtiferðskipa.
Séra Hjálmar Jónsson leikur golf„eins og tími vinnst til þessa
dagana“. Um daginn fóru hann og
Friðrik Sophusson hringinn á
Urriðavelli. „Ég stillti mig ekki um
að lýsa töktum félaga Friðriks.
Hann sýndi það aftur og aftur að
hann bjargar sér, jafnvel í mjög
þröngri stöðu:
Friðrik er fimur til spari
og flestum er markvissari.
Í „rough-ið“ hann sló
en reif sig upp þó
og púttaði fyrir pari.
Kvartað var undan veðri, en það
gekk á með hvössum skúrum. Svo
birti upp eitt andartak, nógu lengi
til að hleypa af þessari vísu:
Landið vantar víða skjól,
vona ég að lygni.
Á Urriðavelli er alltaf sól
þótt annars staðar rigni.
Gylfi Þorkelsson leit
atburðarásina öðrum augum:
Friðrik er fimur, til spari
fer hann gjarnan offari.
Í Veranna ró
reif upp grastó
og fórnaði grágæsapari.
VÍSNAHORNIÐ
pebl@mbl.is
Af golfi og töktum
Eftir Hjálmar Stefán Brynjólfsson
hsb@mbl.is
Í versluninni Valrós á Akureyrier að finna fatnað eftir hönn-uðinn Kristínu Kristjáns-dóttur. Merkið hennar Ryk
er afar vinsælt og þá ekki hvað síst
„fuglakjólarnir“ sem hún hannar.
Kristín mun bráðlega opna verslun
samnefnda merkinu í hjarta
Reykjavíkur.
„Þegar ég var 13 ára ákvað ég að
ég ætlaði að verða fatahönnuður og
að merkið ætti að heita Ryk,“ segir
Kristín. „Mér fannst Ryk einfalt og
smart nafn sem fólk myndi muna.
Nafnið er líka þannig að ég vissi að
fólk myndi pæla í því, enda fæ ég oft
spurninguna: „Af hverju ryk?“.“
Um svipað leyti og Kristín fann
nafnið, fór hún að ganga í sínum
eigin fatnaði. Það færðist svo yfir í
að hún fór að sauma fatnað á sig og
vinkonur sínar og segir Kristín þær
undantekningarlaust hafa farið á
skemmtistaðina í hennar fötum.
Að loknu stúdentsprófi frá hönn-
unar- og textílbraut VMA árið 2004
fór hún í klæðskeranám. Því námi
lauk hún sl. vor og útskrifaðist sem
kjólaklæðskeri frá Iðnskólanum í
Reykjavík.
Kristín hefur selt eigin föt frá því
hún hóf nám við Iðnskólann:
„Fyrstu jólin eftir að ég byrjaði í
skólanum ákvað ég að selja fatnað
svipaðan því og ég hafði áður verið
að sauma. Ég saumaði þá 15 flíkur
sem kláruðust fyrsta daginn sem
þær voru til sölu. Þannig að ég
mátti fara heim aftur og sauma
meira.“
Kjólar og hversdagsföt
Í kjölfar þess var Kristín með
fatnað í versluninni Sirka og svo í
Valrós, þar sem hún er nú til húsa.
„Þetta gengur alveg ótrúlega vel,“
viðurkennir hún.
Á meðal þess sem Kristín saumar
undir merkinu
Ryk eru kjólar
af ýmsum
gerðum.
Hún er einnig með hversdagsföt,
boli, kjóla, jakka, vesti og hárbönd.
Allt eingöngu fyrir dömur. Í fatn-
aðinn notar hún m.a. efni sem hún
flytur sjálf inn frá New York og
London.
Vinsælustu kjólar Kristínar bera
skrautlegt fuglamynstur á brjóst-
kassanum. Í þá kjóla notar Kristín
kímónóefni frá Japan: „Þeir vilja
reyndar ekki selja efnið heldur
bara heila kímónóa. Þannig að ég
flyt þá inn heila og klippi efnið í
kjólana. Þetta eru þeir kjólar sem
ég legg mesta áherslu á í dag.“
Nú í haust mun Kristín opna
verslunina Ryk á Klapparstíg 35,
þar sem umræddir kjólar verða til
sölu ásamt fleiri flíkum. „Undirbún-
ingur verslunarinnar er á fullu
núna. Ég er að safna upp lager og
sinna sérpöntunum. En verslunin
mun opna um mánaðamótin sept-
ember-október.“
Morgunblaðið/Hjálmar S. Brynjólfsson
Ryk „Þetta gengur alveg ótrúlega vel,“ segir Kristín Kristjánsdóttir sem er
hér í einum fuglakjólanna í versluninni Valrós á Akureyri.
Fuglakjólarnir vinsælir
Rykstúlkan 2008 Jara Sól Guðjónsdóttir er módel fyrir Ryk.
Smart Kristín hannar margar gerð-
ir kjóla og sinnir sérpöntunum.
„Flíkurnar kláruðust
fyrsta daginn sem þær
voru til sölu. Þannig
að ég mátti fara heim
og sauma meira.“
Flott Fataverslun
Kristínar verður
opnuð á Klapp-
arstíg í september.
SKAPANDI
SKRIF
með Þorvaldi Þorsteinssyni
18. - 28. ágúst nokkur sæti laus
Framhaldsnámskeið!
1. - 11. september skráning hafin
Leiðbeinandi er Þorvaldur Þorsteinsson leikskáld og
barnabókahöfundur (Skilaboðaskjóðan, Blíðfinnsbækurnar,
And Björk, of course..., Vasaleikhúsið)
Nokkrar umsagnir þátttakenda:
"Frábært námskeið sem opnar nýja sýn á lífið og tilveruna."
"Fær mann til að hugsa upp á nýtt!"
"Ófyrirgefanlega gaman og nærandi fyrir sálina..."
Námskeiðið fer fram í Rope Yoga setrinu í Laugardal
Nánari upplýsingar á kennsla.is og í síma 822 3699
Skráðu þig núna á kennsla.is!
tíska