Morgunblaðið - 13.09.2008, Blaðsíða 48

Það voru engir
stjörnustælar
í gangi … 53
»
reykjavíkreykjavík
Eftir Jóhann Bjarna Kolbeinsson
jbk@mbl.is
ALLT bendir til þess að hlutar af kvikmynd
bandaríska leikstjórans Stanley Kubrick, Dr.
Strangelove, hafi verið teknir hér á landi, en
myndin er frá árinu 1964.
Morgunblaðið hafði samband við bandaríska
kvikmyndatökumanninn Robert Gaffney sem
vann meðal annars náið með Kubrick við gerð
2001: A Space Odyssey, auk þess sem þeir unnu
saman að undirbúningi að kvikmynd um Napóle-
on Bónaparte, sem ekkert varð úr. Gaffney kom
nokkuð að gerð Dr. Strangelove, og segir hann
líklegt að nokkrar senur í myndinni sýni íslenskt
landslag. Hann treystir sér þó ekki til að fullyrða
það, enda rúm 44 ár frá því að myndin var gerð.
„Það er líklegt að sum skotin úr sprengjuflugvél-
inni hafi verið tekin yfir Íslandi,“ segir Gaffney.
„Við flugum yfir og tókum kvikmyndir á svæðum
sem áttu að sýna landslag í Sovétríkjunum. Á
þessum tíma gátum við auðvitað ekki flogið yfir
Sovétríkin,“ segir Gaffney, en myndin var gerð í
miðju kalda stríðinu, og er í raun hárbeitt háðs-
ádeila á stríðið.
Þegar Dr. Stranglove er flett upp á vefsíðunni
Internet Movie Database, imdb.com, kemur fram
að myndin hafi að hluta til verið tekin á Íslandi, en
þar er sagt að um hafi verið að ræða skot úr lofti
og úr sprengjuflugvélinni í myndinni. Þetta kem-
ur heim og saman við orð Roberts Gaffney.
Dr. Strangelove, sem heitir fullu nafni Dr.
Strangelove or: How I Learned to Stop Worrying
and Love the Bomb, er fyrir löngu orðin klassísk
mynd í kvikmyndasögunni, og er af mörgum talin
ein besta kvikmynd sem gerð hefur verið. Þannig
er hún í 25. sæti yfir bestu myndir allra tíma á
meðal notenda imdb.com.
Myndin segir frá brjáluðum hershöfðingja í
bandaríska hernum sem fyrirskipar kjarn-
orkuárás á Sovétríkin, fullkomlega í óþökk yf-
irmanna sinna. Fylgst er með kostulegum við-
brögðum forseta Bandaríkjanna og
aðstoðarmanna hans, auk þess sem B-52
sprengjuflugvél sem varpa á kjarnorkusprengju á
Sovétríkin er fylgt eftir. Vélin flýgur langa leið til
Sovétríkjanna, og á leiðinni sjást skot sem líklega
voru tekin upp á Íslandi, Grænlandi og í Kanada.
Það er Peter Sellers sem lék aðalhlutverkin í
Dr. Strangelove, en hann fór með þrjú hlutverk í
myndinni.
Stanley Kubrick þarf vart að kynna en hann var
einn virtasti kvikmyndaleikstjóri sögunnar. Á
meðal annarra mynda hans má nefna Lolita, A
Clockwork Orange, The Shining, Full Metal Jac-
ket og Eyes Wide Shut. Kubrick lést árið 1999,
sjötugur að aldri.
Strangelove á Íslandi
Klassísk mynd Lítil efri: Stanley Kubrick. Lítil neðri: Eitt frægasta atriði myndarinnar. Stór mynd: Peter Sellers fer á kostum sem Dr. Strangelove.
Hlutar af meistaraverki Kubricks, Dr. Strangelove, voru líklega teknir á Íslandi
„Jógað hjálpaði mér gífurlega í
veikindunum og þegar ég taldi mig
loks tilbúna til að hefja aftur vinnu,
hannaði ég námskeið fyrir krabba-
meinssjúka og vann svo á sam-
býlum bæði við jógakennslu og
svæðanudd,“ segir Arnhildur sem
fékk þá flugu í höfuðið stuttu síðar
að stofna til styrktartónleika fyrir
krabbameinssjúk og langveik börn
Hún viðraði hugmyndina við Geir
Ólafsson söngvara sem kom bolt-
anum af stað.
„Það hafa allir verið af vilja gerð-
ir og ég get ekki þakkað þeim nóg-
samlega fyrir.“
Miðasala fer fram á Miði.is og er
miðaverð 2.000 krónur.
MARGIR af helstu stórsöngvurum
þjóðarinnar koma fram á tónleikum
á Hótel Nordica sunnudaginn 28.
september næstkomandi. Tilefnið
er styrktartónleikar Umhyggju, fé-
lags langveikra barna og mun allur
ágóði tónleikanna renna óskiptur
til félagsins. Meðal þeirra sem
leggja málefninu liðsinni sitt má
nefna Egil Ólafsson, Ragga Bjarna,
Stefán Hilmarsson, Björn Jörund
Friðbjörnsson, Siggu Beinteins,
Friðrik Ómar og fleiri.
Arnhildur S. Magnúsdóttir jóga-
kennari og nuddari hefur veg og
vanda af skipulagningu tón-
leikanna en hún greindist sjálf með
krabbamein árið 2001.
Stórsöngvarar
styrkja langveik börn
Morgunblaðið/Golli
Þurs Egill Ólafsson er einn þeirra
sem koma fram á tónleikunum.
Morgunblaðið/Brynjar Gauti
Með gítarinn Björn Jörundur situr nú í hljóðveri ásamt félögum sínum í
Nýdönsk. Hver veit nema hann frumflytji eitt nýtt lag á tónleikunum.
 Tónleikar
gáfumannasveit-
arinnar Tind-
ersticks fóru
fram á NASA í
fyrrakvöld.
Fullt var út úr
dyrum á tónleik-
unum þrátt fyrir viðvarandi efna-
hagsþrengingar og almennan upp-
gjafartón hjá tónleikahöldurum en
af því má vera ljóst að tónleika-
bransinn hefur í raun aðeins glímt
við eitt vandamál á undanförnum
mánuðum; dómgreindarleysi tón-
leikahaldara. Stemningin á tón-
leikunum var sérstaklega góð og á
allra viðkvæmustu augnablikunum
í flutningi Tindersticks mátti
heyra saumnál detta, þ.e.a.s. ef
ekki hefði verið fyrir hlátrasköllin
í þeim nöfnum, Möggu Vilhjálms
leikkonu og Möggu Stínu söng-
konu sem þar voru mættar í þessu
rokna stuði, ásamt vinkonu sinni
og kollega, Björk Guðmunds-
dóttur.
Kátt í tónleikahöllinni
 Meðlimir Ís-
lensku kvik-
mynda- og sjón-
varpsakademí-
unnar hafa nú
fengið senda raf-
ræna kjörseðla
fyrir kosningu á
framlagi Íslands
til Óskarsverðlaunanna. Valið
stendur um alls sex myndir og hafa
aldrei áður verið jafn margar
myndir á kjörseðli. Þær eru: Brúð-
guminn, Heiðin, Stóra planið,
Skrapp út, Sveitabrúðkaup og The
Amazing Truth About Queen Ra-
quela.
Kosningu lýkur á miðnætti á
mánudag. Eins og fram kemur á vef
akademíunnar er kosningin eins-
konar forleikur að Edduverðlaun-
unum, en frestur til að senda inn
efni vegna tilnefninga til Eddunnar
rennur út í byrjun október og verð-
ur nánar auglýstur innan skamms.
Hátíðin fer fram í nóvember og
verður það í tíunda skiptið sem hún
er haldin.
Hver þeirra keppir
um Óskarinn í ár?