Morgunblaðið - 03.10.2008, Blaðsíða 35

MORGUNBLAÐIÐ FÖSTUDAGUR 3. OKTÓBER 2008 35
✝ AðalsteinnValdimarsson
fæddist á Sauðár-
króki 2. mars 1930.
Hann lést á Land-
spítalanum við
Hringbraut hinn 26.
september síðastlið-
inn.
Foreldrar hans
voru Valdimar Kon-
ráðsson, f. 15.9.
1900, d. 4.2. 1986,
og Ingibjörg Jó-
hannsdóttir, f. 28.9.
1904, d. 6.7. 1955.
Aðalsteinn átti fjögur systkin,
Sólborgu Rósu, Jóhann Auðun,
Elsu Maríu og Jóhönnu.
Hinn 8.8. 1953 kvæntist Aðal-
steinn eftirlifandi eiginkonu
sinni, Sigríði Björgvinsdóttur, f.
30.8. 1932. Foreldrar hennar
voru Björgvin Bjarnason, f. 3.2.
1908, d. 30.4. 1976, og Anna
Kristín Árnadóttir, f. 7.4. 1908, d.
8.3. 1987. Aðalsteinn og Sigríður
eignuðust þrjú börn. Þau eru: 1)
Anna Björg, f. 30.3. 1953, gift
Jóni Arnari Karlssyni. Börn
þeirra eru a) Aðal-
steinn Ingi, f. 1973.
Kvæntur Oddnýju
Ármannsdóttur.
Þau eiga þrjú börn.
b) Jóhann Ísak, f.
1977. Í sambúð með
Camillu Schön. Þau
eiga tvö börn. c)
Arnbjörg, f. 1982.
Gift Hilmari Bjarka
Snorrasyni. Þau
eiga eitt barn. 2)
Ingibjörg Rósa, f.
4.4. 1954. Börn
hennar eru a)
Bjarney, f. 1974. Í sambúð með
Jorge William Flores Lugo. Þau
eiga tvö börn. b) Margeir, f. 1979.
3) Valdimar, f. 14.4. 1957, kvænt-
ur Katrínu Karlottu Brands-
dóttur. Börn þeirra eru a) Sigríð-
ur Hlíf, f. 1978. Gift Einari Loga
Sveinssyni. Þau eiga tvö börn. b)
Arnar Freyr, f. 1982. c) Aðal-
steinn, f. 1987. d) Björgvin, f.
1994.
Útför Aðalsteins fer fram frá
Víðistaðakirkju í Hafnarfirði í
dag og hefst athöfnin kl. 15.
Elsku afi. Það var alltaf jafn
yndislegt að koma til þín og ömmu
í Brekkuhvamminn, alltaf var tekið
á móti okkur barnabörnunum með
mikilli hlýju og ástúð. Það er úr
mörgum góðum minningum að
velja sem við áttum saman, elsku
afi, og erfitt að velja úr. En eitt er
ofarlega í minni hjá okkur eldri
systkinunum. Það var þegar við
fjölskyldan bjuggum hjá þér ömmu
þegar foreldrar okkar voru að
byggja í Lækjarberginu. Eitt
kvöld gerði aftakaveður og raf-
magnið fór af. Amma fór og tendr-
aði á kertum til að lýsa upp. Ég
man hversu spennandi mér fannst
þetta, hrædd en þó örugg heima
hjá ykkur. Við vorum öll sest í
stofuna og vorum að hlusta á veðr-
ið. Þú náðir í harmonikkuna og
spilaðir fyrir okkur og við sungum
með. Þetta fannst okkur systkin-
unum rosalega skemmtilegt og
þegar vonskuveður gengur yfir get
ég ekki annað en hugsað til þessa
tíma. Ljósið frá kertunum, harm-
onikkan og söngurinn.
Sem barn hugsaði ég kannski
ekki mikið út í það hversu mikinn
tíma þið amma vörðuð með okkur.
En nú þegar ég er orðin foreldri
get ég ekki annað en dáðst að því
hversu mikinn tíma þú gafst þér til
að sinna barnabarnabörnunum. Jó-
el Snæ fannst fátt jafn skemmti-
legt og að fara með þér út í bílskúr
að gramsa eða að leika sér í
geymslunni. Oft á tíðum fékk hann
þá að fara með eitthvað sem hann
fann eða fannst einstaklega merki-
legt, eins og golfkúlur í poka.
Það kom oftar en ekki fyrir að
þið amma höfðuð verið að passa
Jóel, og svo þegar komið var að því
að fara heim, þá vildi hann fá að
vera lengur. Mér þótti afskaplega
vænt um það í þau skipti sem ég
var með Jóel Snæ veikan heima og
þú og amma komuð alltaf við með
bakkelsi handa honum á ykkar
daglega göngutúr. Þetta finnst
mér lýsa þeirri ást og umhyggju
sem þið báruð fyrir okkur. Ég veit
að þú munt vaka yfir ömmu og
okkur öllum. Ég á erfitt með að
lýsa í orðum hversu sárt ég mun
sakna þín, elsku afi minn, en mér
er það þó huggun í hjarta að vita
að þú og elsku litli bróðir minn
séuð sameinaðir á ný.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
( V.Briem)
Sigríður Hlíf Valdimarsdóttir.
Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni
veki þig með sól að morgni.
Drottinn minn faðir lífsins ljós
lát náð þína skína svo blíða.
Minn styrkur þú ert mín lífsins rós
tak burt minn myrka kvíða.
Þú vekur hann með sól að morgni.
Þú vekur hann með sól að morgni.
Faðir minn láttu lífsins sól
lýsa upp sorgmætt hjarta.
Hjá þér ég finn frið og skjól.
Láttu svo ljósið þitt bjarta
vekja hann með sól að morgni
vekja hann með sól að morgni.
Drottinn minn réttu sorgmæddri sál
svala líknarhönd
og slökk þú hjartans harmabál
slít sundur dauðans bönd.
Svo vaknar hann með sól að morgni.
Svo vaknar hann með sól að morgni.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni
svo vöknum við með sól að morgni.
(Bubbi Morthens.)
Afi var yndislegasti afi sem
hægt er að hugsa sér. Minning
hans lifir í hjörtum okkar.
Aðalsteinn Ingi, Jóhann Ísak,
Arnbjörg og fjölskyldur.
Í dag er til moldar borinn mágur
minn og vinur, Aðalsteinn Margeir
Valdimarsson sem ávallt var kall-
aður Alli.
Ég var ekki há í loftinu þegar
Alli kom sem kærasti systur minn-
ar á heimili okkar á Norðfirði.
Hann gaf sér tíma fyrir litla
hnátu sem fannst hann flottastur
af öllum. Hann kenndi mér að
prjóna og svo spilaði hann á harm-
onikku. Ég ætlaði sko að eignast
svona mann og að minnsta kosti
rauðhærðan eins og hann og það
varð raunin.
Sigga og Alli hófu sinn búskap í
heimabæ Alla, Sauðárkróki og þar
fæddust börnin þeirra þrjú, Anna
Björg, Valdimar og Ingibjörg
Rósa. Ég dvaldi þar nokkur sumur
við barnapíustörf og alltaf var
sambúðin við Alla jafnánægjuleg.
Um 1971 flytja þau til Hafnar-
fjarðar þar sem ég bjó og síðan
hefur samgangurinn verið óslitinn
og okkur til mikillar gleði.
Á fallegum síðsumarsdegi grípa
örlögin í taumana, Sigga og Alli
lenda í hræðilegu bílslysi sem síð-
an leiðir til ótímabærs andláts
hans.
Eitt barnabarna minna sagði:
„Hann var góður maður og það
verður vel tekið á móti honum hjá
Guði.“
Ég bið góðan Guð að styrkja
systur mína og alla fjölskylduna á
þessu erfiða tímabili og ég og mín
fjölskylda öll vottum þeim okkar
innilegustu samúð.
Guð blessi minningu Alla.
Arnbjörg (Abba).
Aðalsteinn
Valdimarsson
✝ Lauritz Con-stantin Jörg-
ensen var fæddur í
Reykjavík 7. nóv-
ember 1941. Lést á
heimili sínu í Minne-
sota 10. september
síðastliðinn. Lauritz
var sonur hjónanna
Herdísar Guð-
mundsdótttur, f. 3.7.
1920, og Lauritz
Constantins Jörg-
ensens, f. 4.3. 1902,
d. 23.7. 1952. Lárus,
eins og hann var
kallaður hér heima, var næst-
elstur alsystkina sem eru: Svan-
dís, (Vilhelm látinn), Dagmar og
Margrét. Hálfsystkin sammæðra
eru Brynja og Guðmundur Hilm-
ar. Hálfsystkin samfeðra voru ell-
efu. Sex þeirra eftirlifandi eru:
Guðmundur, Lárus, Erna, Anna,
Jóna og Björk.
Látin eru: Elín, Arnar Rósant,
Maríe, Jóhanna og Málfríður.
Eiginkona Lárusar var Sonja
Einarsdóttir f. 30.05. 1942, d.
30.08. 1982.
Sonja og Lárus
eignuðust þrjú börn.
1) Elín Rósa (Jörg-
ensen) Rimnac, f.
3.4. 1962, maki Ro-
nald Rimnac, börn:
a) Rebecca Marie, f.
14.10. 1988, b) Ja-
cob, f. 25.11. 1991,
og c) Benjamin
Ronald, f. 28.2.
1994. 2) Lára Íris
Jörgensen, f. 15.3.
1966, sambýlis-
maður Eiríkur
Pétursson, börn a) Sonja Rós, f.
24.4. 1985, sambýlismaður Hilmar
Árdal, börn þeirra Signý og Ísa-
bell, b) Dustin, f. 6.11. 1989, og c)
Sara, f. 1.12. 1991. 3) Einar Ben
Jörgensen, f. 21.05. 1974, maki
Michele Jörgensen, börn Brandon
og Teylor, tvíburar, f. 3.6. 2006.
Eftirlifandi eiginkona Lárusar er
Dee Payne, f. 6.5. 1952.
Minningarathöfn um Lárus fer
fram frá Fossvogskapellu í dag,
föstudag, og hefst klukkan 11.
Elsku Lárus bróðir.
Nú ertu kominn í faðm Guðs eftir
langa baráttu við sjúkdóminn sem
þú barðist við í svo mörg ár. Við
systkinin þökkum þér allar samveru-
stundirnar sem við fengum að eiga
með þér elsku bróðir bæði hér heima
og einnig í Minnesota.
Það var glatt á hjalla þegar þú
komst heim síðasta haust og fjöl-
skyldan öll kom saman til að sjá þig
og eiga með þér góða stund, gleðjast
og rifja upp gamlar minningar. Þær
minningar hverfa seint. Þú varst
fullur bjartsýni og vonar um að þú
gætir farið vestur til Ingjaldssands
og jafnvel skoðað landið þitt betur.
Þetta var von sem þú barst í hjarta
þér. Þig langaði að koma hingað síðla
sumars og að ættingjar og vinir
gætu komið saman fyrir vestan.
Þú hafðir ávallt næmt auga fyrir
fegurð, það sýndu verk þín jafnt inn-
an- og utandyra. Þér léku verk í
hendi og snyrtimenni varstu mikið,
þannig að eftir var tekið, enda bar
heimili ykkar Dee þess merki hversu
handlaginn þú varst. Þær eru svo
margar minningarnar sem við eigum
um þig Lárus minn sem hvert okkar
ber í sínu hjarta. Þín er sárt saknað.
Elsku Dee þú komst eins og engill
í líf Lárusar, þú hlúðir að honum með
svo mikilli ástúð og ummhyggju. Þér
ber að þakka hversu vel þú stóðst við
hlið hanns til seinustu stundar. Kær-
ar þakkir Dee fyrir allt.
Elsku Dee ,Elín Lára og Einar,
börn og barnabörn. Megi Guð vera
með ykkur og gefa ykkur styrk við
fráfall föður ykkar, afa og langafa.
Komið er haust, og hallar sumardegi,
húmið kalt á mínum vegi,
fölna grös á feðra minna grund.
Kaldir straumar, yfir láð og legi,
lækkar sól á fögrum himnateigi
gleði lífs, er fegurð alla stund.
Fannhvít orðin, fornu, háu fjöllin
fögur blómin, sofnuð vært um láð.
Fölur litur, færist yfir völlinn,
flest er tímans mótum háð.
(Guðm. Guðmundsson afi
frá Sæbóli.)
Svandís I. Jörgensen.
Dagmar V. Jörgensen Chavez.
Margrét S. Jörgensen.
Brynja Dagbjartsdóttir.
Guðmundur Hilmar
Guðmundsson.
Lauritz Constantin
Jörgensen
✝
Innilegar þakkir færi ég öllum þeim sem sýndu
mér samúð og hlýjug við andlát og útför elsku-
legs sonar míns,
JÓNS ANDRÉSSONAR,
frá Höfðabrekku,
síðast til heimilis að
Áshamri 38,
Vestmannaeyjum.
Sérstakar þakkir til kvenfélagsins Líknar, Vestmannaeyjum.
Ásbjörg Jónsdóttir.
Sími: 525 9930
hotelsaga@hotelsaga.is
www.hotelsaga.is
Hótel Saga annast erfidr ykkjur af
virðingu og alúð. Fágað umhverfi,
góðar veitingar og styrk þjónusta.
Erfidrykkjur af alúð
Morgunblaðið birtir minningargreinar alla útgáfudagana.
Myndir | Ef mynd hefur birst í tilkynningu er hún sjálfkrafa notuð með
minningargrein nema beðið sé um annað. Ef nota á nýja mynd er ráðlegt að
senda hana á myndamóttöku: pix@mbl.is og láta umsjónarmenn minningar-
greina vita.
Minningargreinar
Elsku Halla mín.
Mig langar að þakka þér og fjöl-
skyldu þinni fyrir allar góðu
stundirnar sem ég og fjölskylda
mín áttum með ykkur.
Alltaf vorum við velkomin á
heimili ykkar þar sem okkur
mætti einlæg vinátta og hlýja og
þar sem við vörðum mörgum góð-
um stundum saman. Þessar minn-
ingar þykir mér mjög vænt um.
Halla Kristrún
Jakobsdóttir
✝ Halla KristrúnJakobsdóttir
fæddist á Kambi í
Veiðileysufirði í
Árneshreppi 9. jan-
úar 1931. Hún and-
aðist á hjúkr-
unarheimilinu
Sóltúni 8. sept-
ember síðastliðinn
og var útför henn-
ar gerð frá Bú-
staðakirkju 18.
september.
Á menntaskólaár-
um mínum var það
mér mikils virði að
vera ávallt velkomin
á heimili ykkar og
kom ég stundum við
þar á leið minni úr
skóla.
Þá fann ég svo vel
hversu mikla um-
hyggju þú barst fyrir
mér og hve vænt þér
þótti um mig.
Það var notalegt
að setjast niður í eld-
húsinu hjá þér þar
sem við töluðum saman og þú
gafst mér alltaf eitthvað gott að
borða og passaðir upp á að ég tæki
nú vítamín með matnum.
Þér var á allan hátt umhugað
um velferð mína og sýndir það
bæði í orði og verki.
Þú varst mikil listakona og hæfi-
leikarík og bjóst til listaverk úr
ótrúlegustu hlutum. Handgerð
dúkka frá þér prýðir hillu á heimili
mínu í dag.
Ég var líka svo heppin að fá að
gjöf frá þér lopapeysu, vettlinga
og sokka, allt búið til af þér og
bæði vandað og fallegt eins og við
var að búast.
Svo man ég eftir því tilhlökk-
unarefni þegar þið fjölskyldan
senduð okkur systrunum jóla-
pakka og piparkökuhús og þá
fannst okkur að jólin væru sann-
arlega að koma.
Umhyggjusemi þinni og vænt-
umþykju mun ég aldrei gleyma.
Þú varst einstök og yndisleg
kona og mér mun alltaf þykja
vænt um þig.
Þú og fjölskylda þín voruð okk-
ur vinir í raun, því fengum við öll
að kynnast.
Ég var lánsöm að fá að kynnast
þér og þinni góðu fjölskyldu og
eiga með ykkur svo góðar stundir.
Það eru minningar sem verða mér
alltaf kærar.
Ég þakka þér af hjartans ein-
lægni fyrir allt, elsku Halla mín,
og bið góðan Guð að blessa og
varðveita fjölskyldu þína og veita
henni styrk á þessum erfiðu tím-
um.
Sigurbjörg.