Morgunblaðið - 03.10.2008, Blaðsíða 23
matur
MORGUNBLAÐIÐ FÖSTUDAGUR 3. OKTÓBER 2008 23
Eftir Þuríði Magnúsínu Björnsdóttur
thuridur@mbl.is
Í
slendingar eins og allir aðrir
vilja bragða á sem mestu að
sögn Bento Costa Guerreiro,
annars eiganda staðarins
Tapas-barsins á Vesturgötu
3. Fjölbreytnin sem ríkir á staðnum
höfðar vel til fólks en þar er boðið
upp á 60-70 smárétti sem verða að
heilli máltíð með alls kyns bragði,
auk aðal- og eftirrétta.
Að borða frjáls frá reglum og
stundaskrám eru einkunnarorð veit-
ingastaðarins en spænsku smárétt-
irnir tapas eru sagðir endurspegla
spænskan lífsstíl; frjálslegan og vina-
legan. Spánverjar búa að ríkri tapas-
hefð en Bento segir þá, sem og
Portúgala í hans eigin föðurlandi,
kunna að njóta lífsins í góðra vina
hópi, t.d. eftir vinnu, um leið og þeir
sporðrenna smáréttum en hann telur
Íslendinga halda að þeir hafi sífellt
minni tíma – og peninga – til að slaka
þannig á eftir vinnu.
„Allt brjálað“
„Frelsandi“ tapas-réttir virðast þó
eiga upp á pallborðið hér á landi.
Staðurinn hefur verið starfræktur í
átta ár og síðustu misseri segist
Bento hafa merkt nærri tvöfalt meiri
aðsókn en á síðustu tveimur árum.
„Það er allt brjálað að gera,“ tjáir
hann blaðamanni. Skýringin geti
m.a. legið í því að staðurinn hafi
fengið til sín matreiðslumann sem
hafi t.a.m. kokkað á stað á Spáni sem
er með þrjár Michelin-stjörnur.
Matgæðingurinn Bento segir að
laga þurfi tapas-hefðina örlítið að
smekk Íslendinga, þeir vilji t.d. ekki
rækjur í skelinni eins og Spánverjar.
„En þeir kunna að meta góðan mat,
þetta snýst allt um það.“ Hráefnið
segir hann ólíkt á milli þjóðanna en
matreiðslan sé ekki ósvipuð og nefn-
ir í því samhengi spænsku hráskink-
una og íslenska hangikjötið.
Morgunblaðið fékk Bento til að
leysa frá skjóðunni og gefa okkur
ljúffengar uppskriftir og um leið
meðfærilegar á aðhaldstímum. Til-
valið fyrir eða eftir leikhúsið eða
kannski eftir vinnu. Þar er frelsið.
Nautabani
ferskt salat með fetaosti
bökuð kartafla
1 grísaspjót (70 g)
1 nautaspjót (70 g)
1 lambaspjót (70 g)
1 humarspjót (70 g)
1 kjúklingaspjót (70 g)
Alioli-hvítlaukssósa
Spjótin eru grilluð og fullkláruð.
Það er best að skera botninn af bök-
uðu kartöflunni svo hún sé stöðug.
Salatinu er raðað fallega á diskinn
og spjótunum stungið í kartöfluna
við hliðina. Hvítlaukssósan sett í skál
til hliðar.
Hvítlauksbakaðir
humarhalar
3 stk. stórir humarhalar (120 g)
hvítlaukssmjör
brauðrasp
sítrónusneiðar
salt og pipar
Humarhalarnir eru klipptir að of-
an og kjötið dregið upp á og hreins-
að. Raspi er stráð yfir þá og sett
klípa af hvítlaukssmjöri yfir hvern
og einn. Bakað í ofni við 210ºC í 4-5
mín. Saltið þá og piprið eftir smekk.
Eggjakaka (Tortilla)
1 laukur skorinn í litla bita
500 g hráar kartöflur í teningum
8 egg
1-2 tsk. salt
1 tsk. grófmalaður pipar
smjörsprey
Laukurinn og kartöflurnar eru
settar í pott með olíu sem flýtur yfir.
Þetta er hitað þar til kartöflurnar
eru orðnar mjúkar. Eggin eru brotin
í skál og kartöflurnar sigtaðar frá
olíunni út í eggin, saltað og piprað.
Djúp panna er hituð upp í „blúss-
andi“ hita, smurð með smjörspreyi
og eggjunum hellt út í. Best er að
reyna að velta blöndunni svolítið í
pönnunni svo að eggjakakan bakist
sem jafnast. Þetta er steikt í 3 mín-
útur á hvorri hlið með loki.
Saltfiskur Catalana
400 g saltfiskssteikur
1 msk. hvítlauksolía
salt og pipar
1 rauðlaukur
300 g paprika
2 dl rauðvín
kjúklingakraftur eftir þörfum
3 msk. balsamico
400 g flysjaðir tómatar í dós
nokkrar greinar timjan og rósmarín
100 g ristaðar möndluflögur
Grænmeti og krydd svitað í potti
og vökva og tómötum bætt í, látið
sjóða vel niður og smakkað til með
krafti. Möndlum bætt út í sósuna að
lokum. Saltfiskurinn pönnusteiktur
með hvítlauksolíu, salti og pipar.
Crema Catalana
250 g eggjarauður
4 dl mjólk
7,5 dl rjómi
140 g sykur
1 stk. vanillubaun
Soðið upp á mjólkinni, rjómanum,
sykrinum og vanillunni. Eggjarauð-
ur settar í skál og þeyttar á meðan
mjólkurblöndunni er rólega hellt út
í. Þetta er sigtað og hellt í skálar.
Bakað í ofninum við 110ºC í um 45
mín.
Dásamleg eggjakaka Kartöflur, laukur og egg er frábær blanda.
Gott á eftir Crema Catalana.
Bestir? Hvítlauksbakaðir humarhalar eru langvinsælastir á Tapas-barnum.
Nautabani Vígaleg spjót til reiðu.
Morgunblaðið/Eggert
Tapas-teymið Martin Sappia yfirmatreiðslumaður er lengst t.v., þá eigendurnir Nuno Servo og Bento Costa Guerreiro og loks Bjarki Freyr Ómarsson yfirmatreiðslumaður.
Frelsandi spænskt tapas
Saltfiskur Spænskt er það.
FATA- OG NYTJAMARKAÐUR
Á HALLVEIGARSTÖÐUM
Starfsmenntunarsjóður Bandalags kvenna í Reykjavík verður með
markaðssölu á morgun laugardag 4. október á Túngötu 14 kl. 13.00.
Alls kyns varningur á verði 100 - 1000
Fjáröflunarnefnd