Fréttablaðið - 14.05.2009, Blaðsíða 53

FIMMTUDAGUR 14. maí 2009 37
Jói og Gói leika í gaman-
þáttaröð sem sýnd verður
í Ríkissjónvarpinu í haust.
Einvalalið skrifar handrit
þáttanna.
Ný gamanþáttaröð verður tekin
til sýninga á RÚV í haust. Hand-
ritshöfundar eru þeir Sigurjón
Kjartansson, Davíð Þór Jónsson,
Ilmur Kristjánsdóttir og Óskar
Jónasson en hann mun einnig
leikstýra þáttaröðinni. Aðalleik-
arar eru þeir Jóhanes Haukur
Jóhannesson og Guðjón Davíð
Karlsson, betur þekktur sem
tvíeykið Jói og Gói.
Þáttaröðin og fólkið sem kemur
að henni er merkileg fyrir margra
sakir. Fyrir er það að nefna að
tveir guðfræðinemar eru að
skrifa brandara og söguþráð
fyrir son biskupsins yfir Íslandi.
Ilmur og Davíð Þór eru sem kunn-
ugt nemar við guðfræðideild HÍ
en Guðjón Davíð er jú sonur hr.
Karls Sigurbjörnssonar.
Þá má nefna að Sigurjón virðist
hafa tekið sérstöku ástfóstri við
Jóhannes því þeir eru að fara að
setja upp Hellisbúann í Íslensku
óperunni ásamt Rúnari Frey. Og
það var fyrir tilstilli Sigurjóns
að Jóhannes lék Geir H. Haar-
de í síðasta áramótaskaupi en
of langt mál er að segja þá sögu
alla hér.
Merkilegast er þó að þáttaröðin
markar sætti milli tveggja grín-
dúetta sem löngum hafa deilt um
hvorir séu frumkvöðlar í íslensku
gríni; Tvíhöfða annars vegar og
Radíusbræðra hins vegar. „Við
Davíð erum svona Hallarnir í
okkar dúettum, við kölluðum
fram brandarana en sögðum þá
ekki sjálfir, þetta eru kallaðir
„feederar“ á fræðimálinu,“ segir
Sigurjón. „En við höfum nú náð
fullum sáttum og erum að skrifa
handrit handa nýjum dúett.“
Sigurjón hefur áður unnið með
Ilmi og Óskari en þetta er í fyrsta
skipti sem þeir Davíð vinna
saman á þessu sviði síðan sjón-
varpsþátturinn Limbó fékk hárin
til að rísa á siðprúðum húsmæðr-
um í vesturbænum. „Hann er
alveg gríðarlega sterkur á þessu
sviði og mikill hvalreki fyrir hóp-
inn,“ segir Sigurjón.
Gamanþáttaröðin er ekki í
sketsaformi eins og langflestar
íslenskar gamanþáttaseríur hafa
verið. Heldur er hún með sögu-
þræði og segir frá tveimur sam-
býlingum sem takast á við lífið í
101. „Og það segir sig nokkurn
veginn sjálft hver er hvað; Gói
trúir því að hann muni finna góða
konu og flytjast í Garðabæ en Jói
er nokkurn veginn sáttur við lífið
eins og það er.“
freyrgigja@frettabladid.is
Guðlegur gamanleikur Jóa og Góa
STERKUR OG SÖGULEGUR HÓPUR
Guðfræðinemarnir Ilmur Kristjánsdóttir og Davíð Þór Jónsson
skrifa brandara fyrir son biskupsins, Guðjón Davíð Karlsson.
Sigurjón Kjartansson og Jóhannes Haukur hafa bundist sérstök-
um tryggðarböndum með bæði Hellisbúanum og svo gaman-
þáttaröðinni á RÚV. Óskar Jónasson fær síðan það vandasama
hlutverk að leikstýra herlegheitunum.
Auglýsingasími