Sjómannablaðið Víkingur - 01.06.1980, Blaðsíða 29

fjárhagur stofnunarinnar hafi
verið hvað rýmstur á árinu 1973
og þó einkum á árinu 1974. Hefur
fjárhagsstaðan versnað á síðustu
árum, fjárhagslegt bolmagn til
framkvæmda minnkað?
— Já, það hefur gert það. Við
höfum verið með nokkurn veginn
óbreytta krónutölu til nýbygg-
inga. Það var einmitt á þessum
árum, sem við vorum í radíóvita-
byggingunum, og við fengum
heimild til að taka lán til þess að
flýta þeim og höfðum m.a. þess
vegna meira fé til framkvæmda en
nú síðustu árin.
Geysilegur kostur að
hafa Árvakur í rekstri
— Þú minntist á það áðan að
það hefði háð ykkur við uppsetn-
ingu radarmerkja að ykkur vant-
aði skipakost. Á ekki vitamála-
stofnunin Árvakur?
— Ríkissjóður sem slíkur á Ár-
vakur. En hann var keyptur með
fjárveitingum gegnum vitamál,
svo að það er ekki talinn neinn
vafi á því að hann á að færast sem
eign Vitamálastofnunar og hún
gerði hann út til 1969, en þá var
Landhelgisgæslunni fenginn
rekstur hans og henni þá jafn-
framt falið að annast fyrir okkur
flutninga og það annað sem
nauðsynlegt er að nota skip til.
— Væri það ekki kostur fyrir
Vitamálastofnun að hafa skip eins
og Árvakur?
— Jú, það væri geysilegur kost-
ur. Það eru mörg verkefni sem við
mundum þá sinna öðru vísi en við
gerum nú. Hins vegar er spurning
um rekstrarfyrirkomulag, hvemig
væri hagkvæmast að nýta svona
skip. Við höfum takmörkuð verk-
efni yfir háveturinn, en að sumr-
inu á að vera nóg að gera fyrir
svona skip, ef fjárveitingar væru
fyrir hendi.
— Væri ekki hægt að nýta það
m.a. til þess að setja upp radar-
merki?
— Jú, jú, við höfum núna farið
fram á það við Landhelgisgæsl-
una að fá skipið til vinnu í nokkra
mánuði, m.a. við það að viðhalda
skerjavitum og þá um leið að
byggja eitt eða tvö af þessum
radarmerkjum, sem lengi hefur
verið beðið um.
— Hvaða merki yrðu það?
— Það yrðu merki í námunda
við Breiðdalsvík, að öllum líkind-
um, og ef til vill á Refskefi við
Reyðarfjörð.
— í vetur komust á kreik fréttir,
e.t.v. kviksögur, um að til stæði að
selja Árvakur. Veist þú hvort svo
verður?
— Ég veit raunverulega ekkert
um það mál. Það hafa aldrei
komið nein skrif um það til mín né
verið rætt um það í alvöru. Hins
vegar er hægt að lesa út úr fjár-
lögum, að Landhelgisgæslan fékk
enga fjárveitingu til rekstrar Ár-
vakurs á þessu ári. Og eitthvað
mun vera minnst á að það sé rétt
að selja hann. Þetta teljum við hér
mjög miður, því Árvakur er eina
skipið í íslenska flotanum sem
getur sinnt mörgum þeim verk-
efnum sem nauðsynlegt er að
vinna. Hann er t.d. vel fallinn til
minni háttar sæstrengjalagna.
Hann er búinn öflugum lyftitækj-
um og mjög vel fallinn til að vinna
við þung legufæri og annað þess
háttar sem alltaf er að koma upp
á, bæði í sambandi við ljósdufl og
legufæri olíuskipa.
— Nokkur lokaorð, vitamála-
stjóri.
— Þau yrðu helst þessi: Okkar
reynsla af rekstri vitakerfisins er
m.a. sú, að sá máti sem hér hefur
komist á að vitaverðir eru aðeins
fastráðnir á tiltölulega fáum stöð-
um og gegna þá yfirleitt jafnframt
veðurþjónustu, þetta kerfi hefur
reynst mjög vel. Vitagæsla bænda
eða annarra sem búa í námunda
við vitana hefur reynst vel, það
hafa orðið litlar bilanir og öryggi
hvað varðar ljós á vitum held ég
að sé í mjög sómasamlegu lagi, og
er það mikið að þakka árvekni
þessara manna. Samstarf við þá
hefur alltaf verið með mikilli
prýði, eiginlega verið persónulegt
og mjög náið samband við vita-
verðina alla tíð. Það er mjög mik-
ils virði að það samband haldist.
Það hefur m.a. gert það að verk-
um að rekstur vitakerfisins er
mjög ódýr, miðað við marga aðra
þjónustu.
FTH
Þyrlupallur við vitann á Þrídröngum. Pallurinn var byggður 1978.
VÍKINGUR
29