Sjómannablaðið Víkingur - 01.06.1980, Blaðsíða 59
Umsjónarmaður: Helgi Hróbjartsson
H)AMTEINAR
Danska sjómannakirkjan í Hull
er eina norræna sjómannakirkjan
í þeirri borg. Hún er á góðum stað
og blasir við þegar farið er frá
löndunarbryggjunum inn í borg-
ina. Þeir íslensku sjómenn sem
koma með togurum og fiskiskip-
um til löndunar og eiga leið inn í
borgina ganga yfirleitt framhjá
þessari kirkju.
Danska sjómannakirkjan er
rekin af sjómannastarfi innan
þjóðkirkjunnar dönsku og hefur
starfað í 103 ár. Var hún í upphafi
eins konar áningarstaður fyrir
Dani og aðra Norðurlandabúa á
leið þeirra til Ameríku. Eftir síðari
heimsstyrjöldina var kirkjan
endurbyggð. — Þegar komið er
inn kemur maður fyrst inn í setu-
stofuna þar sem hægt er að fá sér
kaffi, þar eru einnig minjagripir
og sælgæti til sölu. lnn af setu-
stofunni er sjónvarpsstofa og
bókasafn. Á annarri hæð eru ýrnis
leiktæki t.d. borðtennisborð, bil-
jardborð, bobborð o.fl. sem menn
geta skemmt sér við. — Inn af
setustofunni er svo kapellan sem
notuð er fyrir samkomur og
messugjörðir.
Séra Henrik Fossing, sem starf-
ar þarna sem sjómannaprestur,
tók mér mjög vel þegar ég kom
þar í fyrrasumar og sagði mér
velkomið að bjóða íslenskum sjó-
mönnum í kirkjuna og nota sér
alla þá aðstöðu sem Danir geta
boðið upp á. — Eitt kvöldið voru
t.d. samankomnir þarna 20 ís-
lendingar af 2 togurum. Allir
undu sér vel og daginn eftir var
farið í útsýnisferð í kirkjurútunni.
Þegar næsti sunnudagur svo rann
upp var haldin íslensk guðsþjón-
usta, sennilega í fyrsta sinn í þeirri
kirkju. Nokkru seinna urðu 2 ís-
lenskir sjómenn strandaglópar.
Þeir voru í okkar umsjá í 3 daga,
og var þá hægt að senda þá með
öðru íslensku skipi heim til ís-
lands. Var þetta rnjög eftirminni-
legur tími og sú hugsun fyllti
hugann að gott væri „ef við ættum
slíka staði, sem væru alíslenskir“.
í Hull kynntist ég íslenskri
ekkju, Guðrúnu Eiríksdóttur frá
Leiru (v/Keflavík) sem var gift
enskum manni. Hún hefur dvalist
í Hull frá 1922. Guðrún hefursótt
dönsku sjómannakirkjuna alla tíð.
Hún hefur einnig verið þeim í
dönsku kirkjunni innan handar
þegar þurfti á túlk að halda. Sagði
Guðrún mér að hún hefði líka
dvalist tvö ár í Baltimore og unnið
þar á sjómannastofu. Sennilega
rnuna margir íslenskir sjómenn
eftir þessari konu.
59
Danska sjómannakirkjan í Hull
VÍKINGUR