Sjómannablaðið Víkingur - 01.07.1991, Blaðsíða 5
RITSTJORMARGREIM
síðasta aðalfundi Vélstjórafélags ís-
lands var samþykkt tillaga þess efnis,
að félagið gengi úr Farmanna- og fiskimanna-
sambandi Islands, sem þýðir í reynd að félagið
hafnar samstarfi við önnur yfirmannafélög sjó-
manna innan FFSÍ. Þess skal jafnframt getið að
aðeins um 2,5% félagsmanna VSFI sátu um-
ræddan aðalfund, en væntanleg atkvæða-
greiðsla innan félagsins leiðir í Ijós hvort sam-
þykkt aðalfundarins stendur eða fellur.
Það er mikil ábyrgð að rjúfa samstöðu yfir-
manna til sjós. Framundan eru miklir óvissutímar
í hagsmunamálum sjómanna og er nærtækast að
nefna ágreining um stjórn fiskveiða, óleystan
vanda lífeyrissjóða, stigmagnandi aðför að
skattaafslætti sjómanna, útflöggun íslenska
kaupskipaflotans, óvissu um afleiðingar vegna
aðildar íslendinga að fyrirhuguðum samningi um
evrópskt efnahagssvæði og síðast en ekki síst
verður fyrr en seinna að ganga frá mörgum laus-
um endum í kjarasamningum sjómanna, sem
krefst samstöðu en ekki sundrungar ef árangur á
að nást í þeim efnum.
ídag má heyra tvær til þrjár raddir frá jafnmörg-
um heildarsamtökum sjómanna, þegar Lands-
samband smábátaeigenda er talið með Far-
manna- og fiskimannasambandi íslands og Sjó-
mannasambandi íslands. Að fjölga málsvörum
sjómanna út á við, sem hæglega geta verið
ósammála, leiðir einungis til þess að minna mark
verður tekið á okkur, t.d. hjá stjórnvöldum og
öðrum þeim sem við sjómenn þurfum að hafa
samskipti við. Með hliðsjón af þessu mun rofin
samstaða milli skipstjórnarmanna og vélstjóra
aðeins verða til þess að veikja heildarhagsmuni
yfirmanna til sjós.
Nú er það einu sinni þannig, að stéttirnar eiga
miklu meira sameiginlegt en hið gagnstæða,
enda starfa þær á sama vinnustað, samið er við
sömu vinnuveitendur eða samtök þeirra um kaup
og kjör, umbætur í öryggis- og björgunarmálum
er báðum stéttunum jafnmikið kappsmál, sömu
sögu er að segja um sérstöðu sjómanna í skatta-
og lífeyrismálum. Hæglega má bæta við þessa
upptalningu á sameiginlegum hagsmunum yfir-
manna til sjós eða sjómanna almennt. En þess
ber að geta að nefnd á vegum FFSÍ, sem sett var
á laggirnar fyrir atbeina vélstjóra á síðasta þingi
FFSÍ, hefur lagt til að stefna beri að einu lands-
sambandi allra sjómanna á íslandi, sem er miklu
uppbyggilegra markmið en stefna stjórnar VSFI
um úrsögn úr FFSÍ, þegar hagsmunir sjómanna
eru hafðir að leiðarljósi. í þessu sambandi ber
einnig að taka fram að hugmynd um eitt lands-
samband íslenskra sjómanna byggt á þremur
sérgreinasamböndum -skipstjórnarmanna, vél-
stjóra og undirmanna - hefur verið varpað fram,
meðal annars af formanni VSFÍ. Tveir augljósir
gallar eru á þessari hugmynd. í fyrsta lagi liggur
þverstæða i því að nauðsynlegur undanfari fyrir
stofnun eins landssambands sjómanna sé að
rjúfa núverandi samstöðu yfirmanna og halda
það að auðveldara sé að fá þrjá aðila tilsamstarfs
en tvo. Ef forysta VSFÍ unir hag sínum illa í FFSÍ,
er henni þá værara um set sem aðila í öðrum
heildarsamtökum sjómanna? í öðru lagi felur
hugmyndin í sér óhagræði í rekstri sjómanna-
samtakanna, því hún miðast við að auka yfir-
bygginguna, sem mun frekar auka kostnað og
fjarlægð milli hins starfandi sjómanns og þeirra
sem væntanlega kæmu til með að stjórna og
starfa í slíku landssambandi.
Sú nefnd sem minnst var á hér á undan hefur
lagt fram tillögur að breytingum á lögum FFSI.
Þessar tillögur eru aðallega byggðar á hugmynd-
um fulltrúa vélstjóra í umræddri nefnd. Tillögurnar
snerta fyrst og fremst breytingar á lögum og þing-
sköpum FFSÍ um tillnefningu og kjör forseta og
stjórnar sambandsins, þannig að jafnræði sé
með skipstjórnarmönnum og vélstjórum. Því mið-
ur og fyrir einhverjar sakir hafa þessar tillögur
ekki verið ræddari stjórn Vélstjórafélags íslands,
hvað þá heldur kynntar fyrir hinum almenna fé-
lagsmanni sama félags, sem á að taka afstöðu til
þess hvort hann kjósi áframhaldandi samstarf í
samtökum með öðrum yfirmönnum til sjós eða
fara út í óvissuna, baráttu um völd, athygli, metn-
að og sitthvað ótalið fleira, sem aðeins bitnar á
hagsmunum sjómannanna sjálfra.
Eins og áður segir er það mikil ábyrgð að rjúfa
samstöðu yfirmanna til sjós. Mér segir svo hugur
um að úrsögn VSFÍ úr FFSÍ verði dragbítur á
framgangi hagsmunamála sjómanna og verði til
lítils annars en að skemmta skrattanum. Að lok-
um hvet ég alla vélstjóra til að íhuga vandlega
þessi mál í heild áður en þeir greiða atkvæði um
hvort samtök yfirmanna til sjós haldist ósundruð,
þannig að þau geti með fullum krafti tekist á við
þau fjölmörgu verkefni sem snerta hagsmuni
okkar í framtíðinni.
Guðjón A.
Kristjánsson
forseti FFSÍ
Ber
er
hver
að
baki. . .
VÍKINGUR 5