Sjómannablaðið Víkingur - 01.06.1994, Blaðsíða 51

VÍKINGUR
strandsiglingunum, maður var þá
meira heima.“
Njáll minnir á þá miklu óánægju
þegar Skipaútgerð ríkisins var lögð
niður og segist búast við að þjónustan
sé orðin öðruvísi núna. „Þá var farið á
hverja einustu höfn.“ Hann segir að
mjög mismunandi hafi verið að sigla á
þessa staði og eins og menn vita hafi
oft verið erfitt að eiga við innsigluna á
Hornafirði og sé enn. „Það var oft sem
þurfti að snúa við fyrir utan ósinn.“
Njáll lenli hins vegar aldrei í neinum
vandræðum þar.
Komist í hann krappan
Eins og við er að búast drífur margt
á daga manns sem verið hefur á sjó í
næstum hálfa öld. Njáll hefur að
minnsta kosti tvisvar lent í sjávarhás-
ka. I fyrra skiptið var hann á togaran-
um Fylki sem fórst árið 1956, þegar
hann fékk tundurdufl í trollið. Skipið
var þá statt út af Vestfjörðum. „Við
vorum búnir að „slóa“ um nóttina og
létum fara um fimmleytið. Við hífðum
svo korter fyrir sjö og þá gerðist það,
tundurduflið var í trollinu.“ Það var
Sextugur á sjónum og að sjálfsögðu er
haldið upp á daginn með rjómatertu.
Pað verður að hafa gát á öllu og það fer ekki á milli mála að Njáll lætur ekkert
framhjá sér fara.
hægviðri, en haugasjór þegar þetta
var. Fylkir sökk á fimmtán mínútum.
Öll áhöfnin, 32 skipverjar, bjargaðist
um borð í lítinn trébát. „Það var
þröngt setið.“ Áhöfnin þurfti að hafast
við í bátnum í um það bil klukkus-
tund. „Þá kom togarinn Hafliði og tók
okkur upp.“
í hitt skiptið sem Njáll lenti í háska
var árið 1969. Þá var hann á togaran-
um Hallveigu Fróðadóttur. Togarinn
var staddur vestur undir Snæfellsjökli.
„Við lögðum af stað úr höfn um
klukkan sex og það kviknaði í honum
um klukkan fjögur um nóttina." Ekki
er ljóst hvað gerðist, en sex skipverjar
fórust í brunanum. Varðskip kom
Hallveigu Fróðadóttur til aðstoðar.
Njáll slapp sjálfur án meiðsla. Þetta
eru einu raunverulegu sjávarháskarnir
sem Njáll hefur lent í á löngum ferli.
Hverju þakkarðu það?
„Manni hefur bara verið stjórnað,
það hefur einhver verið með manni,
segi ég alltaf.“
Nú er oft talað um að sjómenn og
íþróttamenn séu hjátrúarfullir. Ertu
hjátrúarfullur?
„Ég veit það ekki, það getur verið.“
Njáll segir að það hafi ekki hvarflað
að sér að hætta á sjónum eftir að hafa
í tvígang lent í hættu.
Njáll sér til þess að ekkert fari úrskeiðis þegar verið er að æfa sig að lækna úr
þyrlu. Það er Þórgunnur Ársælsdóttir læknir sem stendur við hlið Njáls.
51