Sjómannablaðið Víkingur - 01.06.1995, Blaðsíða 22

VÍKINGUR
Árni Konráðsson eftir 48 ára sjómennsku
Reynsla sj ómanna
er einskis metin
- ráðlegg engum ungum mönnum að fara til sjós
Hvað gera sjómenn þegar þeir hœtta störfum
fyrir aldurs sakir? Varla leggja þeir árar í hát svo
notuð sé líking úr sjómannamáli. Það verður að
segjast eins og er að sjómennskan gerir mönnum
erfitt fyrir með að stunda einhver áhugamál sem
að gagni geta komið þegar sest er í helgan stein.
Arni Konráðsson fór óvenjulega leið þegar hann
ákvað að lœra tölvuinnslátt á námskeiði hjá
Tölvuskóla Reykjavíkur.
Árni Konrábsson í skólanum.
„Ég hef sótt tíu námskeið í vélritun og mér gengur svona
upp og niður,“ segir Arni þegar hann er spurður um árang-
urinn af náminu. En hvatinn, hver var hann? Jú, Arni er að
vinna að niðjatali langömmu sinnar, Hallfríðar Símonar-
dóttur frá Brimnesi við Eyjafjörð, og hann ætlar sjálfur að
slá upplýsingarnar inn á tölvuna.
Arni var 47 ár á togurum sem háseti, bátsmaður og annar
stýrimaður án réttinda. Það má sjá á höndum hans að þær
hafa vanist því að taka á þyngri hlutum en lyklaborði á
tölvu. En hann lætur sig hafa það að læra og ná tökum á
fingrasetningunni.
Aðspurður segir Árni tilviljun hafa ráðið áhuga sínum á
ættfræðinni. Frændi hans í Ameríku vildi vita hvernig hann
tengdist víkingum á íslandi og þá fór Árni að rekja ættina
fram og aftur.
„Langamma mín var merkileg kona. Ein stóð hún uppi
með tvö börn og tókst að fæða þau og klæða. Árið 1857
gekk hún með bæði börnin frá Svarfaðardal yfir í
Mývatnssveit.“
Fyrsta pláss Árna var á mótorbátnum Ingólfi Árnasyni
frá Reykjavík, þá Bjarnarey VE, Elliðaey VE og Fylki frá
Reykjavík. Árni var um borð þegar Fylkir fórst 25 sjómílur
norður af Straumnesi 14. nóvember 1956. Tundurdufl kom
í vörpu skipsins og sprakk við síðu þess með fyrrgreindum
afleiðingum. Öll skipshöfnin, 32 menn, bjargaðist um borð
í togarann Hafliða SI 2 frá Siglufirði og sakaði engan af
áhöfn Fylkis. Af Fylki lá leiðin á Egil Skallagrímsson og
þaðan á Sigurð RE. Þegar Sigurði var breytt í síldar- og
loðnuskip hætti Árni þar. „Þegar nýir menn taka við
skipum koma þeir með sína áhöfn með sér og þá er betra að
hætta en vera sagt upp,“ segir hann. Um líkt leyti kom nýr
togari til Reykjavíkur, Engey RE, og Árni fékk pláss.
Nokkrum árum síðar bilaði skipið og Árni réð sig um borð
í Otur frá Hafnarfirði og var þar um skeið. Síðustu 15 árin
af sjómennskuferlinum var hann á Engey RE. Síðasti
22