Náttúrufræðingurinn - 1932, Blaðsíða 6
68
NÁTTÚRUFR.
World“),(sem hann síðar endurbætti og gaf út í annað sinn 1845.
Er þar skemmtilega og fróðlega sagt frá ferðinni og ýmsum nátt-
úrufræðisathugunum hans. Hlaut bókin miklar vinsældir, og hefir
oft verið prentuð og verið þýdd á mörg tungumál.
Árið 1842 flutti Darwin með fjölskyldu sína út í sveit, og
settist að á litlu býli eða bæ, er hét Down, en sem nú á tímum er
oftast nefnt Down House. Þar dvaldist hann það sem eftir var
æfinnar, í full 40 ár. Hann var heldur heilsuveill, og samkvæmfs-
lífið í borginni hafði slæm áhrif á heilsu hans. Tók hann því það
ráð, að draga sig út í sveitakyrrðina. Þar hafði hann líka gott
næði við rannsóknir sínar og ritstarf. Þar samdi hann hvert merk-
isritið á fætur öðru, um ýmis rannsóknar verkefni, sem hann hafði
unnið að, bæði í jarðfræði, grasafræði1 og dýrafræði, er öfluðu
lionum mikils álits meðal vísindamanna.
1842 dró hann saman í stutta ritgerð, yfirlit yfir athuganir
þær, sem hann hafði safnað, um breytilegleik og uppruna teg-
undanna, og gerði þar grein fyrir skoðunum sínum og skýringum
á þeim efnum. Greinin var aðeins 35 blaðsíður og rituð með blý-
anti. Þessi grein, sem aldrei var prentuð, var fyrsti vísirinn til
hinnar frægu bókar hans, um uppruna tegundanna. 1844 samdi
hann grein þessa af nýju og jók við hana, svo að hún varð 230 bls.
hreinritaðar. Ekki vildi hann þó gefa hana út. 1856 byrjaði hann
á því, að ráði Lyell’s jarðfræðings, að skrifa stóra bók um þetta
efni. Eftir áætlun hans sjálfs hefði hún orðið ferfalt stærri, en
bók ihans um uppruna tegundanna varð að lokum. Þó tók hann
þar aðeins útdrátt úr athugunum þeim, sem hann hafði safnað.
En hann lauk aldrei við þessa bók. Snemma sumars 1858 fékk
hann grein frá A. R. Wallace náttúrufræðingi (f. 1822), sem þá
var við rannsóknir á A.-Indlandseyjum. Bað hann Darwin að
koma henni á framfæri. í greininni setti höf. fram kenningar
um breytileik tegundanna alveg samhljóða þeim, sem Darwin
hafði hugkvæmzt löngu áður. Nú þótti Darwin úr vöndu að
ráða. Hann vildi eigi bregðast trausti höfundarins í því, að
koma greininni á framfæri, og þótti þó sárt að annar skyldi
verða á undan að birta kenningu þá, sem honum sjálfum hafði
hugkvæmzt fyrir mörgum árum. En bók sú, sem hann vann að,
um þetta efni, gat eigi orðið tilbúin fyrr en eftir nokkur ár. Bar
hann þetta mál undir vini sína, þar á meðal Lyell. Réðu þeir
honum til að semja stutt ágrip af kenningum sínum og rann-
sóknum um uppruna tegundanna og birta það með grein Wall-
ace. Féllst hann á þetta ráð, þó hálf hikandi, og kom hvoru-