Náttúrufræðingurinn - 1932, Blaðsíða 15

NÁTTÚRUFR.
77
um innan 16 ára mun þó ekki verða sendir hringar. Með beiðni
um hringa þarf því að fylgja aldur og helzt staða viðkom-
andi manns.
Merkingin.
Fyrst er hringurinn opnaður (bezt er að gjöra það með
flattöng), svo að leggur fuglsins komist hæglega í gegnum rif-
una á milli hringendanna. Því næst er hringurinn lagður um
legg fuglsins ofan við tærnar og þrýst aftur saman. Á öllum
stærri hringunum er á öðrum hringendanum yfirbeygja, sem
grípur yfir um brík á hinum endanum. Eftir að hringnum hefir
verið þrýst saman með hendinni, svo að yfirbeygjan grípi yfir
um bríkina, er yfirbeygjunni þrýst fast saman með flattönginni.
Á litlum hringum, sem hafa enga yfirbeygju, verður að láta
hringendana ganga á misvíxl. Við það verður hringurinn
mjórri og með því móti er hægt að laga hann eftir digurð fóts-
ins. Áritun og númer mega samt ekki hyljast við það. Skarpar
brúnir og horn ber að forðast sem mest. Hringurinn má ekki
liggja þétt að legg fuglsins (eins og t. d. fingurhringur), held-
ur á hann að vera svo víður, að auðvelt sé að snúa honum og
færa fram og aftur. Á hinn bóginn eiga heldur ekki að geta
fest í honum smágreinar né hálmstrá eða annað þesskonar. Við
merkingu unga þarf að gæta þess sérstaklega, að hringurinn
verði nógu víður, þegar fuglinn er orðinn fullvaxinn. Fyrir
fugla, sem engin hringstærð er hæfileg fyrir, eða ef hæfileg
stærð er ekki við hendina, má nota stærri hringa (næstu stærð
fyrir ofan) með því að þrýsta þeim saman og láta endana ganga
á misvíxl, þangað til þeir verða mátulegir. Hringa hvers stærðar-
flokks ætti alltaf að nota í réttri númeraröð.
Hvernig á að halda fuglinum, meðan hann er merktur?
Fugla, sem eru á stærð við þröst eða minni, er bezt að halda
í vinstri hendi, þannig, að maður geti haldið fætinum, sem
merkja á, milli þumalfingurs og vísifingurs, en með hinum
fingrunum haldið fuglinum sjálfum. Á meðan á þessu stendur,
er bezt að fuglinn liggi á bakinu og snúi höfðinu að þeim, sem
merkir. Stóra fugla verða annaðhvort tveir að merkja, eða mað-
ur heldur þeim í kjöltu sinni, meðan á merkingunni stendur.
Hvaða fugla á að merkja?
Fyrst og fremst allar tegundir farfugla, hvort sem það eru
algjörðir farfuglar eða aðeins farfuglar að nokkru leyti, eins