Náttúrufræðingurinn - 1963, Qupperneq 12

6
NÁTTÚRUFRÆÐINGURINN
3. mynd. Svörðurinn er horfinn, gróðurmoldin rýkur og landið verður örfoka
með ómorknu stórgrýti. — The vegetation cover and topsoil erodes leaving
the naked bolders and gravel.
því góð skil (1961). Telur hann ýmislegt benda til þess, að upp-
blásturinn hafi komið í kjölfar eyðingar skóganna og því orðið
óbeinlínis af völdum manna.
Landnámsmenn hafa flestir hagað sér líkt og Blund-Ketill í
Þverárhlíð, en þar voru á landnámsöld hrískjörr og smáskógar, en
hann lét ryðja víða í skógum og byggja þar (Landnáma 1948).
Með sviðningum hafa stór svæði verið eydd á fyrstu tímum byggð-
arinnar hér á landi. Á þann hátt var skóglendi breytt í frjósamt
graslendi, en síðan hefur búsmali smám saman rýrt það land með
þúsund ára afrakstri og brottnámi jurtanærandi efna úr jarðveg-
inum.
Enda þótt gróðureyðing færðist í vöxt eftir landnámsöld, eru
líkur fyrir því, að kólnandi loftslag á miðöldum hafi enn stuðlað
að auknum uppblæstri. Þá versna að mun vaxtarskilyrði hálendis-
gróðurs vegna lægri sumarhita.