Náttúrufræðingurinn - 1950, Side 9

SUNNLENZKA síldin í ljósi rannsóknanna
151
1947, og er réttra þriggja ára, þegar síldin veiðist í júlí 1950, en þá
er vorgotssíldin aðeins tveggja og hálfs árs. Síldirnar tilheyra mis-
munandi árgöngum, sumargotssíldin árgangi 1947, en vorgotssíldin
árgangi 1948.
Vegna þess að síldaraflinn við ísland er nær undantekningarlaust
blanda þessara tveggja kynstofna, verðum við að skipta síldinni í
tvo hópa, sumargotssíld og vorgotssíld, því að annars getum við ekki
skipað henni í árganga, en í því er árangur aldursgreiningar fólginn.
Þessi skipting er vel framkvæmanleg á eldri síld á vissum tímum árs,
þegar kynfærin eru vel þroskuð hjá öðru síldarkyninu, en hjá hinu
nýtæmd og bera enn merki nýafstaðinnar hrygningar. Hinsvegar eru
einkenni þessi stundnm mjög tvíræð, og ungsíld er alls ekki liægt að
sundurgreina á þennan hátt. Þegar þannig stendur 'á, hef ég notað
einkenni í síldarkvörnunum við aðgreininguna, eins og áður hefur
verið getið í þessu riti.1
Með þessar skýringar í liuga getur hver skilríkur lesandi dregið
ályktanir af þeim línuritum, er fylgja þessu máli. Hlutfallsstyrkur
árganganna er hér metinn í hundraðshlutum. í sérstökum dálkum
er þess getið, hve margir hringar hafa verið lesnir í hreistri (Rings),
og um hvaða árgang er að ræða (Yearclass).
Sildin í Kollafirði og Sundunum í febrúar 1947
Eins og línuritin (4. mynd) bera með sér, er munur á árgangaskip-
un kynstofnanna í Kollafjarðarsíldinni. 3ja hringa síldin er ávallt
sterkari í vorgotsstofninum. í sumargotsstofninum er talsvert jafn-
ræði nteðal ljögurra árganga framan af og það er ekki fyrr en í
febrúarlok, að 3ja hringa síldin nær fullunt yfirráðum. Hins vegar
skeður hliðstæð breyting í báðum stofnum, er líða tekur á veiðitím-
ann. Eldri síldin hverfur fyrst af veiðisvæðinu, einkanlega vorgots-
síldin, enda nálgast þá öll eldri síld af þeint stofni fullan kynþroska,
og má ætla, að hún leiti af innri hvöt til hryggningarstöðvanna fyrir
sunnan land.
Þegar gögnin eru tekin saman í heild, eins og gert er á neðstu línu-
ritunum (svörtu súlurnar), er auðsætt að sumargotssíld frá 1943 og
vorgotssíld frá 1944 ntynda uppistöðuna í aflanum. Þetta eru árgang-
arnir, sent bera uppi veiðina í Hvallirði haustið 1947 og veturinn
1947-1948.
1) Náttúrufræðingurinn 1. hefti 1949.