Náttúrufræðingurinn - 1968, Síða 21

67
NÁTTÚRUFRÆÐINGURINN
2. mynd. Lótusblóm (egypzkt).
Aldin þessara tegunda eru svampkennd ber með 200—300 ertu-
stórum, dökkgrænum eða svörtum fræjum. Indíánar eta fræin glóð-
arsteikt. Þetta eru sólarjurtir og þarf vatnið, þar sem þær vaxa, að
vera um 27° heitt. Um tekur að leggja af blómunum um kl. 4
síðdegis, kvöldið áður en þau springa út að nóttunni. Meðan á
blómgun stendur stígur hitinn í blóminu og getur orðið um 10°
hærri en úti fyrir. Bjöllur annast frævunina.
Hið fræga, hvíta egypzka lótusblóm (Nymphaea lotus) spring-
ur út kl. 4 síðdegis og er opið til kl. um 10 morguninn eftir.