Náttúrufræðingurinn - 1993, Qupperneq 124

5. mynd. Morgunn í Fagradal. Rannsóknaleiðangur frá Raforkumálaskrifstofunni býr sig
til ferðar 8. ágúst 1967. Morning in Fagriclalur. A research team from the State Elec-
tricity Authority preparing the program of the day on the August 8th 1967. Ljósm. photo
Guttormur Sigbjarnarson.
margir fleiri kæmu þar við sögu. Árið
1969 tóku þeir Jakob Gíslason þáver-
andi orkumálastjóri og Jakob Björns-
son deildarstjóri saman: Áætlanir um
forrannsóknir á vatnsorku Islands
1970-1974.
Sumarið 1970 hófust svo jarðfræði-
legar grunnrannsóknir við Jökulsárnar
á Norðausturlandi, á þeim svæðum
sem hugmyndir að Austurlandsvirkjun-
um náðu til. Rannsóknirnar hófust
bæði austur í Fljótsdal (Elsa G. Vil-
mundardóttir 1972) og vestur við
Jökulsá á Fjöllum, eins og hér verður
greint frá. Það sumar var ákveðið að
beina rannsóknunum að Brúaröræfum,
þar sem ákveðið var að byggja brú á
Kreppu þá um haustið. Höfundur þess-
arar greinar vann að skipulagi þessara
rannsókna og sá um framkvæmd
þeirra. Með honum voru ráðnir þeir
Kristinn Albertsson jarðfræðinemi og
Kristinn Einarsson vatnafræðinemi.
Þeim til aðstoðar var ráðinn Helgi
Guðmundsson íslenskunemi.
Þann 1. júlí 1970 lagði hópurinn af
stað úr Reykjavík áleiðis norður í
Brúardali. Leiðangurinn kom sér fyrir
í tjöldum í Grágæsadal. Alla hluti,
stóra og smáa, varð að flytja þangað
nteð sér. Allur útbúnaður ásamt mat-
vöru var fluttur þangað á þeim tveim
jeppabifreiðum sem við höfðum til
umráða. Vistir og annað það sem
okkur vanhagaði um sótturn við í
Egilsstaði. Mjög lítið var þarna um
mannaferðir. Nokkrir áhugamenn um
hálendisferðir á Egilsstöðum höfðu
fyrir fáunr árum byggt sér mjög lítið
sæluhús í Grágæsadal (6. mynd) og
veitti það okkur nokkra öryggiskennd.
Þegar við höfðum komið okkur fyrir
í Grágæsadal hófurn við jarðfræði-
rannsóknir á austurbakka Kreppu, allt
118