Spegillinn - 01.04.1983, Blaðsíða 14

Vasagangan
frá fréttaritara Spegilsins í Svíþjóð, Jóhannesi
Gíslasyni.
Það yljar mörlandanum ávallt urn hjartaræturnar
þegar æskulýður Islands vinnur afrek á erlendri grund.
Á það ekki síst við um íþróttir, þar sem landinn vinnur
sífellt glæstari sigra. Og ekki dregur það úr
þjóðarstoltinu og spennunni þegar íslenskir
afreksmenn freista gæfunnar á heimsfrægum
stórmótum.
Eftirvæntingin var því mikil í brjóstum þeirra 4680
íslendinga í Svíþjóð er voru mættir til að fylgjast með
framgöngu hinna sex vösku landa er tóku þátt í
Vasagöngunni víðfrægu.
Vasagangan á sér langa sögu, en hún er kennd við
Gústaf kóng Vasa er fyrstur atti mönnum í göngu
þessa. Gústaf Vasa var samtímamaður þeirra biskupa
Ögmundar og Jóns Arasonar, og enda náfrændi þess
fyrrnefnda, af Vösungaætt. Síðan hefurganga þessi
verið þreytt árlega, þó eigi hafi íslendingar alltaf verið
þátttakendur.
íslenska nýlendan í Svíþjóð kvaddi landa sína
klukkan átta þennan miðvikudagsmorgun er fylking
10030göngumanna seig af stað. Ungmennunum
íslensku fylgdu hvatningarorð og heillaóskir
samlandanna. Síðan steig íslenska nýlendan upp í bíla
og flugvélar og héldu til endimarka göngunnar, þar
sem tekið skyldi á móti sigurstranglegum flokki
samlanda.
Um hádegi kom fysti göngumaðurinn í mark og var
sá Svisslendingur að nafni Hallabarti. Keppendur
þeystu í mark hver af öðrum og klukkustund síðar
kom Þröstur fljúgandi í markið í 346. sæti og var ákaft
fagnað af löndum sínum.
Tíminn leið og ekki bólaði á fleirum. Er 3000
keppendur til viðbótar höfðu náð markinu birtist loks
Sigurður Aðalsteinsson og var allmjög af honum
dregið. Fimmtán hundruð keppendum og fjórum
stundum þar á eftir kom kempan Gunnar og var þá
tekið að skyggja. Fjórði keppandinn Halldór kom í
mark á ellefta tímanum um kvöldið og var þá tekið að
fækka í íslensku móttökunefndinni, börn flest sofnuð,
karlar ýmsir teknir að ölvast og fáein gamalmenni
kalin á limum enda frost hörð.
Á fjórða tímanum um morguninn birtist svo
fimmti keppandinn Óskar, léttur í spori að vanda.
Síðasti keppandinn, Sigurður Jónsson, kom í mark um
hádegi daginn eftir í7543. sæti,en hann hafði tafist
nokkuðáleiðinni.
Árangur íslendinga í þessari Vasagöngu er frábær,
endaþótti sænskasjónvarpinu ástæðatil aðfylgjast
sérstaklega með framgöngu þeirra. Er líklegt að
íslenska sjónvarpið fái myndina til sýningar með
vorinu.
Ég ræddi stuttlega við íslensku keppendurna er þeir
komuí mark. Þröstur kvaðst veraí toppþjálfun, enda
hefði hann skotið mörgum heimsfrægum
göngumanninum ref fyrir rass. Hann hefur færst upp
um 20 sæti frá í fyrra og með sama framhaldi yrði hann
kominn í baráttusæti eftir 20 ár. Árangur sinn þakkaði
Þröstureinkum þvíaðhann hefði í hitteðfyrra komið
sér upp ástkonu í Mývatnssveit, en þangað væri álíka
langt frá Akureyri og sú vegalengd er Vasamenn
þreyttu. Skryppi hann gjarnan austuryfir Vaðlaheiði
um helgar. Kvað hann í athugun að koma sér upp öðru
seli í Hegranesi í Skagafirði sem hann gæti einnig
heimsótt. Með þvíykist fjölbreytni göngubrautanna
og gæfi það betri þj álfun.
Sigurður Aðalsteinsson flugmaður varð í3062. sæti
að þessu sinni og hafði bætt sig um tvö sæti frá í fyrra.
Kvaðs Sigurður mundu þjálfa áfram ótrauður.
Sigurður mætti til leiks á eigin flugvél enda til mikils að
vinna og óefnilegt til árangurs að flækjast milli landa í
áætlunarflugi.
Gunnar varð Í4407. sæti oghafði færst aftur um
4007 sæti frá því hann tók fyrst þátt í Vasagöngunni
árið 1952, en þá varö hann síðastur 400 kcppenda.
Hefur hann færst aftur að j afnaði um 130 sæti á ári þau
31 árinsemhannhefurtekiðþátt. Kvaðst Gunnar afar
ánægður með árangur sinn, enda væri hann kominn
fram fyrir miðjan hóp. Gunnar taldi það helst hamla
góðri þjálfun sinni að á ísafirði væru göngubrautir
eingöngu lóðréttar þar sem undirlendi væri af
skornumskammti í Skutulsfirði. Vasabrautin væri
hins vegar aðallega lárétt og nyti klil'ur- og rennitækni
hanssín þvíekki.
Hinir keppendurnir þrír, sem allireru starfandi
læknar í Svíþjóð, héldu uppi merki lanusms og
læknastéttarinnar. Náðu þeir 5140., 6160. og 7543.
sæti. Voru þeir félagar afar ánægðir með árangurinn,
en sögðu náttmyrkur helst hafa háð sér á göngunni.
Þeirsögðust mundu halda áfram þátttöku næstu árin
enda þjálfunarskilyrði öll ákjósanleg í Svíþjóð.