Iðnneminn - 01.06.2002, Qupperneq 14
Framsækinn og tæknivæddur nútímaskóli með fjölbreytt námsframboð einkennir
Borgarholtsskóla. Starfsemin hófst haustið 1996 og hefur skólinn um 1000 rými fyrir nemendur.
Frá upphafi hefur verið stefna skólans að stuðla að handmennt,
bókmennt ásamt siðmennt nemenda sinna. Áherslurnar í
skólanum eru jákvætt og hlýtt viðmót gagnvart nemendum.
Nokkrar iðnnámsbrautir eru kenndar við skólann, ásamt bóknámsgreinum.
Málmiðngreinar. Fjórar málmiðngreinar eru
kenndar við skólann og eru: blikksmíði,
stálsmíði, rennismíði og vélvirkjun.
Pípulagnir
Er samningsbundið nám. Flver nemandi
ræður sínum námshraða og þar með hve
mörgum einingum hann lýkur á hverri önn,
að því tilskyldu að fjöldi kennslustunda fari
ekki yfir hámark skólans eða fjöldi eininga
sé undir lágmarki. Námstími í skóla er 3 til
4 annir. Meginmarkmið brautarinnar er að
nemendur öðlist þá leikni og faglegu
þekkingu sem krafist er til sveinsprófs.
Allir nemar í málmiðnaðargreinum taka
sameiginlegan fyrrihluta sem er fjórar annir í skóla,
samtals 80 einingar. Nemar sérhæfa sig síðan hver
í sinni grein á tveimur önnum til viðbótar. 15 mánaða
starfsþjálfun í fyrirtækjum þurfa svo allir nemendur
að Ijúka eftir að nám í skóla er hafið. Einingarnar
nýtast nemendum áfram til stúdentsprófs.
Allt nám í málmiðngreinum veitir réttindi til starfa
í greininni (sveinspróf) og til náms í meistaraskóla.
Bíliðngreinar. Þrjár bíliðngreinar eru kenndar við
skólann og eru: bílamálun, bifreiðasmíði og
bifvélavirkjun.
Námið hefst með tveggja anna námi í grunndeild,
samtals 40 einingar. Til viðbótar er í faggreinum
þrjár annir í bílamálun og fjórar annir í bifreiðasmíði
og bifvélavirkjun. Til viðbótar skólanámi kemur
starfsþjálfun á vinnustað. Átta
mánuðir í bílamálun og tólf mánuðir
í bifreiðasmíði og bifvélavirkjun.
BorgarHolts
v/Mosaveg CD
112 Reykjavík tt
Sími: 535-1700 o
Fax: 535-1701 =
bhs@bhs.is
http://www.bhs.is
Allar faggreinar eru kenndar í lotum. Flver lota er 1
til 3 einingar og er hver eining ígildi 28 kennslustunda.
Flver lota er kennd samfellt. Eitt námsefni er tekið
fyrir og því lýkur með prófi áður en næsta lota er
tekin. Allar einingar nýtast nemendum áfram til
stúdentsprófs.
Allt nám í bíliðngreinum veitir réttindi til starfa í
greininni (sveinspróf) og til náms í meistaraskóla.
BHS