Fréttablaðið - 22.12.2009, Qupperneq 2

2 22. desember 2009 ÞRIÐJUDAGUR
STJÓRNSÝSLA „Ég er gestrisinn
maður og alinn upp við góða
mannasiði,“ segir séra Gunnlaug-
ur Stefánsson, formaður Flugráðs,
sem bauð ráðsmönnum og öðrum
gestum í veglegt jólahlaðborð í
Perlunni síðastliðið fimmtudags-
kvöld.
Eftir bankahrunið hefur opin-
berum aðilum verið lagt fyrir að
hagræða í rekstri og skera niður
öll útgjöld sem skilgreina má sem
óþarfa. Sömuleiðis hafa skattar á
almenning verið hækkaðir eins og
kunnugt er og frekari hækkanir
eru fram undan.
Gunnlaugur segir að þegar hann
tók við formennsku í Flugráði fyrir
þremur árum hafi hann lagt til að
tekinn yrði upp sá siður að menn
gerðu sér dagamun einu sinni á
ári og borðuðu saman að loknum
einum fundi. Í staðinn séu aðrir
fundir ársins með einföldu sniði.
„Við erum bara upp á vatn og brauð
á fundunum,“ segir hann.
Þá bendir Gunnlaugur á að
engin ofurlaun séu greidd fyrir
setu í Flugráði. Þannig fái helm-
ingur ráðsmanna alls enga þóknun
en aðrir 25 þúsund krónur á mán-
uði. „Þannig að mér hefur þótt það
við hæfi að mönnum sé sýndur ein-
hvers konar smá vottur af þakk-
læti fyrir þessi störf – að gera
sér þennan dagamun einu sinni á
ári og finnst það í sjálfu sér ekki
fréttaefni. Mér finnst fréttnæm-
ara það sem við erum að gera held-
ur en hvað við borðum,“ segir for-
maðurinn.
Fréttablaðið hefur óskað eftir
upplýsingum um veisluna á
fimmtudagskvöld en þær hafa ekki
borist. Gunnlaugur kveðst vilja
afla nákvæmra talna áður en hann
sendir þær frá sér. Jólahlaðborð í
Perlunni kostar 7.890 krónur. Sam-
kvæmt upplýsingum Fréttablaðs-
ins taldi hópurinn í kvöldverði
Flugráðs um tuttugu gesti.
Í Flugráði sitja sex manns. Auk
Gunnlaugs er það þau Gísli Baldur
Garðarsson varaformaður, séra
Jóna Kristín Þorvaldsdóttir, Árni
Gunnarsson, Jens Bjarnason og
Lárus Atlason. Það var samgöngu-
ráðherra, Kristján L. Möller, sem
skipaði í flugráðið.
gar@frettabladid.is
FULLT HÚS JÓLAGJAFA
27.992kr.
Flugráðsfólki haldin
jólaveisla í Perlunni
Gunnlaugur Stefánsson, formaður Flugráðs, lét ríkið greiða fyrir glæsilegan
kvöldverð í Perlunni á fimmtudag. Kostnaður liggur ekki fyrir en jólahlaðborð í
Perlunni kostar 7.800 krónur á mann. Fáum engin ofurlaun segir Gunnlaugur.
JÓLAHLAÐBORÐ Í PERLUNNI Ekkert er til sparað í jólahlaðborði Perlunnar enda
kostar 7.890 krónur fyrir manninn. FRÉTTABLAÐIÐ/E.ÓL.
SÉRA GUNNLAUGUR
STEFÁNSSON
SÉRA JÓNA KRISTÍN
ÞORVALDSDÓTTIR
GÍSLI BALDUR
GARÐARSSON
Pétur, liggur ekki beint við að
fara að búa til brandarabuff?
„Jú, ég ætla að framleiða hamborg-
ara sem springa þegar þú bítur í þá
og stuttermaboli úr kjötafgöngum.“
Pétur Örn Guðmundsson, söngvari
hljómsveitarinnar Buff, hefur hafið fram-
leiðslu á bolum með aulabröndurum á.
ÁSTRALÍA, AP Tvíburarnir Krishna
og Trishna frá Bangladess voru
útskrifaðir frá sjúkrahúsi í Ástral-
íu í gær, þar sem þær undirgengust
erfiða aðgerð fyrir fimm vikum.
Læknum tókst að skilja þær að, en
við fæðingu voru stúlkurnar sam-
vaxnar á höfði. Hluti heila þeirra og
æðakerfis var sameiginlegur. Fyrir
aðgerðina ríkti óvissa um hvort þær
myndu lifa af.
Þær verða þriggja ára í dag, en
fá líklega að fara heim til fátækra
foreldra sinna í Bangladess á næst-
unni. - gb
Aðskildir tveggja ára tvíburar fara heim til Bangladess eftir erfiða aðgerð:
Útskrifaðar fyrir afmælisdag
Á HEIMLEIÐ Tvíburarnir Krishna og
Trishna ásamt starfsfólki hjálparstofnun-
ar sem hefur hugsað um þær í Ástralíu.
DÓMSMÁL Tæplega fertugur eig-
andi verktakafyrirtækis hefur
verið dæmdur í sex mánaða skil-
orðsbundið fangelsi fyrir stórfellt
skattalagabrot. Maðurinn stóð
ekki skil á virðisaukaskatti og
staðgreiðslu opinberra gjalda að
upphæð 19 milljónir króna fyrir
hönd heildverslunar á árunum
2004 og 2005. Er manninum jafn-
framt gert að greiða þrettán millj-
ónir í sekt fyrir brotið.
Hann neitaði sök og sagðist ekki
ábyrgur fyrir bókhaldinu. Maður-
inn sem um ræðir sat í gæsluvarð-
haldi um tíma grunaður um tengsl
við mansalsmál sem fyrst kom upp
á Suðurnesjum í ágúst. - sh
Grunaður í mansalsmáli:
Dæmdur fyrir
skattalagabrotFR
ÉTTA
B
LA
Ð
IÐ
/A
P
ALÞINGI Hægt verður að sækja
um að fá greiddan út séreignar-
sparnað úr lífeyrissjóðum fram
til 1. apríl á árinu 2011.
Alþingi samþykkti í gær að
framlengja heimild, sem veitt
var eftir hrun en átti að renna út
um áramótin.
Eigendur séreignarsparnaðar
geta nú fengið greiddar út allt að
2,5 milljónir króna á 23ja mán-
aða tímabili, með jöfnum mán-
aðarlegum greiðslum. Þeir, sem
nýttu eldri heimild til að taka út
eina milljón, geta nú fengið 1,5
milljónir af eign sinni til viðbót-
ar. - pg
Séreignarsparnaður:
Hægt að taka
út 2,5 milljónir
SJÁVARÚTVEGUR Árlegri loðnumæl-
ingu Hafrannsóknastofnunar að
haustlagi er lokið og niðurstöður
gefa ekki tilefni til þess að leggja
til loðnukvóta á komandi vetrar-
vertíð. Lítið mældist af fullorð-
inni loðnu sem og ungloðnu.
Ungloðna fannst á stóru svæði
en lóðningarnar voru víðast gisn-
ar og engar þéttar torfur sáust.
Haustið 2008 fannst mikið af
loðnuseiðum á þessum tíma og var
vonast til að sá árgangur myndi
skila sér sem eins árs fiskur í
mælingunni nú. Sú varð þó ekki
raunin og fjöldi eins árs ungloðnu
mældist verulega undir því marki
að hægt sé að mæla með upphafs-
kvóta fyrir vertíðina 2010-2011.
Stórrar loðnu varð vart í litlu
magni við og uppi á landgrunns-
kantinum frá Langanesi og vest-
ur undir Kolbeinseyjarhrygg.
Veiðistofninn, sem er tveggja
og þriggja ára fiskur, mældist
um 140 þúsund tonn. Aflaregla í
loðnu gerir ráð fyrir að 400 þús-
und tonn séu skilin eftir til að
hrygna þannig að ekki er unnt að
leggja til loðnukvóta fyrir kom-
andi vetrarvertíð á grundvelli
þessara mælinga. Undanfarin ár
hefur ekki tekist að mæla stærð
veiðistofns loðnunnar fyrr en í
janúar eða jafnvel fyrri hluta
febrúar. - shá
Loðnumæling Hafrannsóknastofnunar gefur ekki tilefni til bjartsýni:
Hafró fann lítið af loðnu
ANTARES VE Þess
virðist langt að
bíða að sjómenn
fái alvöru loðnu-
vertíð.
FR
ÉTTA
B
LA
Ð
IÐ
/Ó
SK
A
R
P. FR
IÐ
R
IK
SSO
N
DÓMSTÓLAR Erla Hlynsdóttir,
blaðamaður á DV, hefur verið
dæmd fyrir meiðyrði gagnvart
Viðari Má Friðfinnssyni, eiganda
klúbbsins Strawberries. Ummæl-
in sem Erla er dæmd fyrir voru
höfð orðrétt eftir Davíð Smára
Helenarsyni, þar sem hann sak-
aði Viðar um að hafa borið út
kjaftasögu um að litháísk mafía
héldi til á staðnum.
Erla var dæmd til að greiða
Viðari 200 þúsund krónur í
miskabætur. Þá þarf hún að
greiða 150 þúsund krónur til að
standa straum af birtingu dóms-
ins í fjölmiðlum og 350 þúsund
krónur í málskostnað. Málinu
verður áfrýjað til Hæstaréttar.
- þeb
Blaðamaður á DV:
Dæmd fyrir
ummæli annars
STJÓRNMÁL Vextir af lánum Breta
og Hollendinga til Íslands vegna
Icesave-samninganna eru allt
of háir. Þetta er mat bresku lög-
mannsstofunnar Mishcon de
Reya, sem skilaði fjárlaganefnd
áliti sínu um helgina. Þetta kom
fram í fréttum RÚV í gær.
Samkomulagið sé bæði óskýrt
og óréttlátt, óljóst sé hvort
Íslendingar ráði við greiðslu-
byrðina og að í því felist visst
afsal fullveldis. Á hinn bóginn
gæti það orðið þjóðinni dýrkeypt
að hafna því og hætta á að þurfa
að reiða af hendi fulla greiðslu í
einu lagi.
Lögmenn stofunnar hafi rætt
við fulltrúa breska fjármálaráðu-
neytisins og þeir virðist viður-
kenna að taka þurfi meira tillit
til greiðslugetu Íslendinga. Þess
sjái þó ekki stað í samkomulag-
inu og því geti verið um einhvers
konar misskilning að ræða. - sh
Bresk lögmannsstofa:
Telur vexti af
Icesave of háa
FJÖLMIÐLAR Viðtal við Má Guð-
mundsson seðlabankastjóra er
í fimmta sæti yfir vinsælasta
fréttaefni árs-
ins hjá vefrit-
inu Central-
Banking.com.
„Síðustu 12
mánuðir hafa
verið sögu-
legur tími hjá
seðlabanka-
fólki. Þótt
víðast sé því
þakkað að hafa
bægt frá annarri heimskreppu á
borð við þá miklu, koma afleið-
ingar aðgerða þeirra í efnahags-
málum til með að halda þeim vel
við efnið langt fram á næsta ár,“
segir í umsögn ritstjóra vefrits-
ins um valið.
Í fyrsta sæti er grein þar sem
kallað er eftir vænisjúkum og
óvinsælum seðlabankastjórum.
Þannig fólk sé líklegt til að vera
áhættufælið. - óká
Vinsælt hjá Central Banking:
Viðtal við seðla-
bankastjóra
í fimmta sæti
MÁR
GUÐMUNDSSON
SPURNING DAGSINS