Vikan - 14.12.1989, Blaðsíða 30

Vikan kynnin
Samkeppni ungra
norrænna fatahönnuða
Norræna íatahönnunarkeppnin
meðal nema fer Iram í Helsinki
í Finnlandi 29. janúar næst-
komandi og í annað sinn gefst
íslenskum nemum í faginu kostur á að taka
þátt. Stigahæsti keppandinn írá hverju
Norðurlandanna fær boð um að taka þátt í
The Smimoff U.K Fashion Awards Show
sem er fatahönnunarsýning sem Smirnoff-
fyrirtækið styrkir og er þetta í sjötta sinn
sem hún er haldin. Sú sýning verður í Roy-
al Albert Hall í London 1. mars og munu
hátt í eitt hundrað ungir fatahönnuðir frá
ýmsum Evrópulöndum sýna þar verk sín.
íslensku þátttakendurnir í keppninni í
fyrra voru fimm nemendur við fataiðnað-
ardeild Iðnskólans og einn sem var við
nám í Köbenhavns Mode og Designskole,
en það var Guðrún Hrund Sigurðardóttir
sem fór með sigur af hólmi fýrir íslands
hönd. Þema keppninnar í ár eru höfuð-
skepnurnar fjórar, vatn, vindur, jörð og
eldur, og hefúr firanska tískukynningarfýr-
irtækið Promostyl lagt línur og stefhur fýr-
ir keppendurna varðandi þemað. Að öðru
leyti hafa keppendur frjálsar hendur.
Vikan í íslensku
dómnefndinni
íslensk dómnefnd, sem skipuð er Örnu
Kristjánsdóttur fatahönnuði — sem er í
dómnefnd fyrir VIKUNA og verður einnig
í norrænu dómnefndinni í Helsinki, Evu
Vilhelmsdóttur fiatahönnuði og Henrik
Árnasyni auglýsingahönnuði, mun velja
fjóra úr hópi íslensku keppendanna til að
taka þátt í keppninni í Helsinki. Þeir fá í
sinn hlut 1200 finnsk mörk upp í efhis-
kostnað og boðsferð til Helsinki. Stiga-
hæsti keppandi ffá hverju Norðurlandanna
fær auk þess 2000 finnsk mörk í verðlaun
og ferð til London í keppnina þar. Norður-
landameistarinn fær síðan þar að auki
5000 finnsk mörk sem eru um 73.000 ís-
lenskar krónur. Til mikils er því að vinna
fýrir íslenska nema í faginu, auk þess sem
það virkar afar hvetjandi að fá að taka þátt
í svona keppni, hvort sem sigur hlýst að
Iaunum eða ekki.
Vikan mun síðar segja nánar frá firam-
vindu mála varðandi íslensku þátttakend-
urna og frammistöðu þeirra í keppninni.
Skilafresturinn er svo að segja runninn út
- hann er til 15. desember - og úrslitin
verða tilkynnt daginn eftir. Vikan óskar is-
lensku þátttakendunum góðs gengis í
Finnlandi — og auðvitað einnig í London.
Guðrún Hrund Sigurðardóttir (t.v.) ásamt sýningarstúlku í fatnaðinum sem
hún hannaði fyrir sýninguna í fyrra en hennar fatnaður bar sigur úr býtum
fyrir íslands hönd í fýrra.
30 VIKAN 25. TBL. 1989