Vikan - 06.10.1949, Blaðsíða 3
'VTKAN, nr. 40, 1949
3
EFNILEGUR LISTAMAÐUR
HELDUR FYRSTU SÝNINGU SÍNA
í REYKJAVÍK.
Hörður listmálari Ágústsson hélt sýningu seinni
hluta september t Listamannaskálanum. Hún var
vel sótt og margar myndir seldust.
Hörður er fæddur í Reykja-
'vík 4. febrúar -1922, sonur
Ágústar veggfóðrameistara
Markússonar og Guðrúnar Guð-
mundsdóttur, Ámundasonar
gestgjafa. Fyrstu kennarar hans
á listabrautinni voru Björn
Björnsson, Finnur Jónsson, og
Þorvaldur Skúlason, er hann
kenndi í Handíðaskólanum.
Einnig mun Hörður á þessum
árum hafa notið fræðslu og leið-
beininga Ásgríms Jónssonar og
Gunnlaugs Scheving.
Hörður Ágústsson varð stú-
dent frá Menntaskólanum í
Reykjavík 1941. Haustið 1945
fór hann utan og til Kaup-
mannahafnar og dvaldi í Lista-
háskólanum þar eihn vetur.
Síðan hélt hann til Englands
og nam listasögu. Eftir það
kom hann heim aftur og var
hér til vors 1947, að hann fór
til Parísar og hefur verið þar
við nám fram að þessu. 1 París
hélt hann fyrstu sýningu sína,
í Galerie Raymond Duncan.
Voru það tuttugu og þrjár olíu-
myndir og nokkrar teikningar
og voru þær allar á sýningunni
í Listamannaskálanum, en þar
voru alls sextíu og þrjú olíu-
málverk og níutíu teikningar.
Góð aðsókn var að sýningunni
og myndirnar seldust vel. Þeg-
ar þetta er ritað hafði Hörður
í hyggju að halda tvo fyrir-
lestra um list í sambandi við
sýninguna. Allar myndirnar
hefur hann gert í París á und-
anförnum tveim árum og þang-
að mun hann hafa ætlað aftur
til frekara náms, strax að sýn-
ingunni lokinni.
Hörður Ágústsson er tví-
mælalaust mjög efnilegur lista-
maður og gaman verður að sjá,
hvað hann hefur fram að færa,
þegar hann sýnir næst.
Thor Vilhjálmsson.
1 vinnuhléi.
996 i bíl“ sýna
CANDIDU í REYKJA VÍK
Leikstjóri: GUNNAR EYJÓLFSSON
Leikflokkurinn „6 í bíl“, sem
stofnaður var í vor, hefur ,,her-
tekið“ landið utan Reykjavíkur
í sumar og að sögn náð miklu
valdi á fólkinu og hlotið hinar
ágætustu vinsældir allsstaðar,
þar sem hann hefur komið fram
með gamanþætti sína og leik-
ritið Candidu, sem er eftir
Bernard Shaw. Flokkurinn
hefur sýnt yfir fjörutíu og
fimm sinnum úti á landi, og er
ekki hættur þar enn, þegar
þetta er skrifað, og hefur nú
hafið sýningar á Candidu í Iðnó
í Reykjavík. Frumsýningin hér
var fimmtudaginn 22. septem-
ber og fékk flokkurinn afargóð-
ar viðtökur, einsog hann átti
fyllilega skilið.
Leikritið er bráðskemmti-
legt, einsog flest það, sem þessi
frægi höfundur hefur skrifað,
og virðist ágætlega þýtt af
Bjarna blaðafulltrúa Guð-
mundssyni. Það er undarlegt
fólk, sem ekki hefur gagn og
gaman að þessum leiksýning-
um „6 í bíl“ og viðleitni þeirra
til að skemmta fólki úti um allt
land á svona heilbrigðan hátt,
á það fyllilega skilið, að hún sé
í hávegum höfð.
Framhald á bls. 7.