Menntamál - 01.11.1945, Blaðsíða 10

184
MENNTAMÁL
Mannþekking
Það er ástæða til að vekja athygli kennara á hinni nýju
bók Símonar Jóh. Ágústssonar prófessors, Mannþekking.
Þetta er almenn sálarfræði, og mun bókin einkum vera
hugsuð sem kennslubók, en það skyldi þó ekki fæla neinn
frá að lesa hana. Hún er með afbrigðum skemmtileg af-
lestrar, framsetningin ljós og skýr og laus við að vera
þurr. Þótt hér sé vitanlega um vísindarit að ræða, hefur
höfundi tekizt mæta vel að leggja efnið vel fyrir lesand-
ann, svo að hann hefur þess full not, þó að hann hafi
aldrei áður gluggað í slík fræði. Bókin er því í bezta lagi
hagnýt fyrir alla alþýðu manna, og væri vel að foreldrar
kynntu sér efni hennar til hlítar.
Bókin getur einnig komið kennurum að góðu gagni,
því að margir kaflar hennar snerta svo að segja hin dag-
legu störf þeirra. Það er fjarri höf. að bíta sig fast 1
ákveðnar kennisetningar. Hann leggur það yfirleitt í vana
sinn að vera vægur í dómum, skýrir hlutlaust frá skoðun-
um og kenningum fræðimanna, og fellir ógjarnan dóma,
nema hann telji sig vissan í sinni sök. Allt þetta eru miklir
kostir á fræðimanni, sem rita vill hagnýtar bækur fyrir
almenning. Og Mannþekking er í hópi slíkra bóka.
Bókinni er skipt í 18 kafla, og eru þeir þessir: Inngang-
ur, dulvitund, sefjun, dáleiðsla, sálgerðir, gáfnapróf og
hæfileikakönnun, nám, starf og þreyta, stöðuval, andleg
heilsuvernd, vani, andstæður í sálarlífi manna, sjálfs-
traust og vanmetakennd, ótti, reiði, karl og kona, maður
og múgur og áróður. Sjá menn af skrá þessarri, að bókin
snertir daglegt líf allra manna að verulegu leyti.
Bókin er 443 bls. í stóru broti og kostar 55 kr. óbundin.
Frágangur er góður, prentun og pappír í betra lagi. Út-
gefandi er Hlaðbúð. St. Júl.