Bjarmi - 01.07.1999, Blaðsíða 27

ur oft á lífsleiðinni. I þessum hrjáða heimi
sem um leið getur verið dásamlegur eru
alltaf að gerast miklar hörmungar og þá er
ég að tala um það sem maðurinn sjálfur
veldur. Ef við gætum gengið inn á ófriðar-
svæði með her manna vopnuð kærleiks-
sverðinu þá væru liklega hvergi stríð.
Heitasta ósk hins kristna manns er að
geta beitt kærleiksvopninu en því miður
erum við mannleg, alveg sama hvað viljinn
er mikill.
Við sem erum að komast á miðjan ald-
ur erum að byrja að horfa á eftir þeirri
kynslóð sem ól okkur upp og hafði áhrif á
allt okkar líf. Þó svo það sé eðlilegast af
öllu hér í heimi að fólk deyi þegar meðal-
aldri er náð getur það verið sárt að horfa á
eflir fólki sem lagði sig allt fram svo við
gætum skilið leyndardóma fagnaðarerind-
isins enn betur og farið með það í fartesk-
inu út í lífið. Þessa dagana hef ég hugleitt
hvort þau fengu nokkurn tíma að heyra
hversu mikilvæg þau voru fyrir okkur í
raun.
Við lifum á tímum mikils hraða og upp-
lýsingaflóðs. Fjarlægðir eru að engu orðn-
ar. Ég minnist sögu sem lesin var í útvarp
fyrir allmörgum árum. Sagan á að hafa
gerst á fyrstu áratugum aldarinnar. Þar er
sagt frá manni sem þurfti að komast aust-
ur á Firði. Ferðin tók 14 daga. Hann fór
fyrst til Færeyja og þaðan til Austfjarða.
Ekki skal ég draga úr gildi þróunarinnar.
Hún er af hinu góða og við sem höfum
fulla starfsorku og getum nánast sett okk-
ur inn í hvað sem er eigum auðvelt með að
tileinka okkur nýjungarnar. Við þurfum
hins vegar að sjá til þess að þetta nái ekki
heltökum á okkur. Við verðum að vera
herrar yfir tækjunum en ekki öfugt. Þó svo
tölvan sé góður þjónn í samskiptum
manna þá megurn við ekki gleyma nálægð-
inni við náungann, ekki týnast í tækjaílóð-
inu, ekki missa sjónar á fegurðinni í litla
blóminu milli steinanna sem getur gefið ró
og frið í sálu og sinni. Við þurfum að
hugsa á hverjum degi um kærleikann eins
og ritað er um hann i Korintubréfinu. Þá
getum við nálgast það að hafa sömu áhrif
og litla blómið í eyðimörkinni með skæru
litina sína. Kærleikurinn hefur áhrif, hann
fellur aldrei úr gildi.
Sumarið þarf ekki
að vera andlegur
þurrkali'mi
Stundum er talað um sumarið sem andlegan þurrkatíma.
Það þarf alls ekki að vera svo. í sumarfríinu ættum við
að geta átt meiri tíma en annars til að byggja okkur upp
í trúnni með því að eiga góðar stundir með Guði, lesa kristi-
legar bækur og hlusta á kristilega tónlist. KFUM & K, SÍK og
KSH bjóða upp á þrjá viðburði sem miða að þvi að styrkja trú
þeirra sem þaka þátt í þeim. Þeir eru:
Sæludagar í Vatnaskógi
um verslunarmannahelgina
30. júlí — 2. ágúst.
Að þessu sinni verður Almenna mótinu, sem verið hefur i lok
júní í mörg ár, og Sæludögum Skógarmanna, sem verið hafa
um verslunarmannahelgina, slegið saman. Reynt verður að
halda hinu besta úr báðum mótum. Dagskrá verður mjög ijöl-
breytt. Lögð verður áhersla á góða, andlega uppbyggingu, en
einnig heilbrigða útiveru í stórkostlegri náttúru Vatnaskógar,
íþróttir að ógleymdum Skógarmannakvöldvökum. Sérstök
dagskrá verður fyrir börn. Fólki gefst kostur á að dvelja á
tjaldstæði eða inni í skála. Þeir sem hyggjast sofa inni verða
að skrá sig á skrifstofu KFUM & K og SÍK Holtavegi 28 eða í
síma 588 8899. Allar nánari upplýsingar fást þar.
Biblíu- og kristniboðsnámskeið
í Ölveri
19.-22. ágúst.
Umfjöllunarefni Biblíunámskeiðsins verður að þessu sinni
kirkjan, eðli liennar og hlutverk, helgun, ávextir andans og
náðargjarfir heilags anda. Einnig verður fræðsla um kristni-
boð. Sérstök dagskrá verður fyrir börn. Einnig verða kvöldvök-
ur og útidagskrá. Það er von undirbúningsnefndar að fólk á
öllum aldri eigi góða daga án kynslóðabils. Fólk getur búið í
skálanum í Ölveri en einnig er hægt að tjalda eða fá svefn-
pokapláss í húsi KFUM & K á Akranesi. Á milli stunda gefst
tóm til að njóta fallegrar náttúrunnar undir Hafnaríjalli. Inn-
ritun og nánari upplýsingar fást á skrifstofu KFUM & K og
SÍK, Holtavegi 28, eða í síma 588 8899.
Sigríður Sólveig Friðgeirsdóttir er hjúkrunarfræðingur
og starfar á Barnaspítala Hringsins.