Uppeldi og menntun - 01.01.1995, Blaðsíða 53
SIGRÚN AÐALBJARNARDÓTTIR, KRISTJANA BLÖNDAL
og lengur. Þeir sem aldrei höfðu drukkið voru neikvæðastir eins og áður. Af þeim
voru t.d. 25% mjög á móti því að fólk prófaði að drekka samanborið við 5% þeirra
sem voru nýbyrjaðir að drekka og 6% þeirra sem höfðu drukkið einhvern tímann
(minnsti munur 19% +/-5,1, p<0,05).
Áfengisneysla foreldra og vina
Unglingamir voru spurðir þegar þeir voru 15 ára hversu oft vinir þeirra og for-
eldrar drykkju. Niðurstöðurnar eru settar fram í Töflu 12.
Eins og sjá má segir rúmlega helmingur unglinganna að nánustu vinir þeirra
drekki stundum eða oft (61%). Ennfremur er algengara að mati unglinganna að
nánustu vinir þeirra drekki oft (24%) en í tilviki foreldra þeirra (3-6%).
Tafla 12
Drykkja vina og foreldra
Hversu oft...
Aldrei Sjaldan Stundum O/ O/ 0/ /o /o /o Oft % Samtals % Fjöldi svara
drekka nánustu vinir þínir 20 19 37 24 100 1096
drekkur móðir þín 26 52 19 3 100 1074
drekkur faðir þinn 18 48 29 5 100 1051
Fjöldi þátttakenda (aðeins 15 ára) 1995: N=1103.
Tengsl reyndust á milli þess hversu oft nánustu vinir unglinganna drukku og þess
hve þeir drukku oft sjálfir um ævina, r-0,60, p<0,001 og síðastliðna tólf mánuði,
r=0,62, p<0,001. Þessar niðurstöður komu að sjálfsögðu ekki á óvart, en þær benda
til þess að þeir unglingar sem drekka oftar séu líklegri en hinir til að eiga vini sem
drekka oft. Aftur á móti voru óveruleg tengsl á milli áfengisneyslu tmglinganna
sjálfra og foreldra (við móður r=0,15, við föður r=0,17). Það virtist því ekki skipta
miklu máli fyrir neyslu unglingsins hversu oft foreldrar hans drukku.
51