Tímarit lögfræðinga - 01.12.1974, Blaðsíða 8
Eggert var skipaður í ríkisskattanefnd árið 1972 og gegndi þar sem endra-
nær störfum af hinni mestu prýði. Mér fannst hin síðari ár sem hann væri
allur að færast I aukana, og sannfærður var ég um, að til hans yrði leitað i
ríkara mæli og hans hlyti að bíða auknar sæmdir, svo fremi sem hann fýsti
að þiggja, en dauðinn klippti á allt slíkt.
Ég hygg, að hann hafi ekki verið mikill félagshyggjumaður, a. m. k. ekki
í þeirri veru, að hann sæktist eftir að vera í hinum ýmsu félögum og klúbb-
um, svo sem nú er aldarhátturinn. Varð ég ekki var við, að hann gæfi sig
mikið að félagsstörfum. Hann átti þó sæti um skeið bæði í stjórn Félags
endurskoðenda og Lögmannafélags Islands.
Eggert var mikill útilífsmaður. Ferðaðist hann mjög í fríum sínum á hestum
um landið, og þá gjarna um hálendi Islands. „Fjallaferð á gæðingum með
tjöld og nesti var sumargleði okkar,“ segir einn vina hans, er mælti eftir
hann í Morgunblaðinu 21. desember 1974.
Eggert vakti snemma athygli samferðamanna sinna sakir skerpu og skýr-
leika, alúðlegrar og hlýrrar framkomu, stillingar og geðprýði. I fyrrnefndu Rit-
safni Bólu-Hjálmars segir í sögubroti af Oddi Gunnarssyni á Dagverðareyri,
forföður Eggerts, að Oddur hafi þótt „afar tryggur og staðfastur og frænd-
ræknasti maður ...“. Þessar eigindir allar, er Hjálmar eignar Oddi, skiluðu
sér til Eggerts f rikum mæli. Eggert var hinn drengilegasti maður. Hann hafði
góða nærveru.
Eggert kvæntist árið 1954 Bjö.rgu, dóttur hjónanna Valgeirs hafnarstjóra í
Reykjavik Björnssonar og Evu, dóttur Thomas Borgen, læknis í Osló. Norski
rithöfundurinn Johan Borgen, sem margir hérlendis kannast við, og frú Eva
eru bræðrabörn. Þau hjón, Eggert og Björg, voru sérstaklega samrýmd og
samhent, þannig að fágætt mátti teljast. Björg var manni sínum alla tíð hin
mesta stoð og stytta, ekki síst síðustu mánuðina, sem hann lifði.
Ég votta frú Björgu og öðrum aðstandendum Eggerts Kristjánssonar samúð.
GuSm. Ingvi Sigurðsson
Ath.:
I minningargrein um Einar Baldvin Guðmundsson hrl. í 2. hefti 1974 mis-
ritaðist dánardægur hans. Hið rétta er, að hann andaðist 4. febrúar 1974.
182