Tímarit lögfræðinga - 01.12.1974, Blaðsíða 40

Skipulag sambandsins
Sambandið er byggt upp af aðildarfélögum. Þau eru 24 að tölu, og rúm-
lega 5.000 félagsmenn þeirra eiga aðild að sambandinu. Að auki eru í sam-
bandinu 3 laganemafélög, sem í eru um 2.500 stúdentar, er hafa sérstaka
stöðu í sambandinu. Lögfræðingar í starfi velja sér félög eftir því, hvert
starf þeirra er. Eru sérstök félög fyrir dómara, stjórnsýslumenn o.s.frv. Full-
trúar þessara félaga koma saman á sambandsþingi, og það kýs 15 manna
sambandsstjórn. Daglega starfsemi annast sambandsskrifstofan, en þar vinna
nú 16 manns í fullu starfi. Þar að auki eru 5 manns í hlutastörfum við viss út-
gáfuverkefni.
Fiest aðildarfélaganna skiptast í deildir eftir landshlutum. Að auki hefur
sambandið sína eigin umboðsmenn á 16 stöðum. Þeir eru ólaunaðir, en sam-
bandið greiðir útlagðan kostnað.
Helstu þættir starfseminnar
Drjúgur hluti starfseminnar varðar meðferð launamála lögfræðinga. M.a.
hefur sambandsstjórnin gefið út tilmæli um lágmarkslaun stéttarinnar. Samn-
ingar um launamál við hið opinbera fara annaðhvort fram milliliðalaust eða
á vegum þeirra heildarsamtaka, sem lögfræðingasambandið á aðild að,
Akava. Eru það heildarsamtök manna með háskólapróf, og lögfræðingasam-
bandið er eitt af stærstu aðilum að því. í Akava eru nú um 70.000 manns.
Lögfræðingasamband Finnlands hefur komið á fót styrktarsjóði til að treysta
stöðu sína sem heildarsamtaka stéttarinnar við samningaviðræður um launa-
mál og til að reyna að koma fyrirfram í veg fyrir átök.
Fræðslumiðstöð sambandsins var sett á fót 1970. Hún leitast við að stuðla
að símenntun lögfræðinga með því að skipuleggja námskeið og seminör um
ýmis lögfræðileg efni. Til að gefa hugmynd um þessa starfsemi má nefna, að
1973 voru fræðsludagarnir alls 1.500, þ. e. margfeidið af þátttakendum og
dögunum, er þeir voru við nám. Að auki hefur sambandið útgáfustarfsemi með
höndum. Það gefur m.a. árlega út lagasafnið „Suomen Laki“, þar sem laga-
textarnir eru á finnsku. Fyrri hlutinn og síðari hlutinn koma út til skiptis. i fyrri
hlutanum eru almenn lög, en í þeim síðari lög um ríkisréttarleg efni. Þá gefur
sambandið út „Finlands Lag“, lagatexta á sænsku, fimmta hvert ár. Samband-
ið gefur ennfremur út sérprentanir ýmissa hluta lagasafnsins. Finlands Jurist-
förbund Förlag Ab var stofnað 1958. Það gefur út lögfræðileg verk, sem sum
hver eru ætluð fleiri en lögfræðingum. Árið 1973 komu út hjá forlaginu og dótt-
urfyrirtæki um 50.000 eintök af lögfræðiritum.
Sambandið leggur grundvöll að starfi sínu í þágu lögfræðinga, þ. á m. hags-
munagæslu á vinnumarkaðinum, með því að standa fyrir könnunum og
skýrslugerð. Af þeim má nefna skýrslur um væntanlegt framboð af lögfræð-
ingum og eftirspurn eftir þeim og um laun lögfræðinga, sem starfa hjá einka-
aðilum. Lögfræðingasambandið hefur einnig með höndun vinnumiðlun, sem
bendir félagsmönnum í aðildarfélögunum án endurgjalds á lausar stöður og
laganemum á menntunarstöður. Vinnumiðlunin fer fram eftir leyfi frá hinu opin-
bera.
Sambandið á auk þessa frumkvæðið að ýmsu, sem haft getur áhrif á
þróunina á lagasviðinu í þjóðfélaginu og gefur út opinberar yfirlýsingar hér að
lútandi. Er tilgangurinn sá að vekja athygli á þróun lagasetningar í Finnlandi og
214