Tímarit lögfræðinga - 01.03.1979, Blaðsíða 49
refsingar fyrir hópmorð, not ríkja af himingeimnum, tungli og stjörnum, og var
fulltrúi Sovétríkjanna í nefnd, sem Sameinuðu þjóðirnar settu á fót til að skil-
greina hugtakið árás; og loks
José Sette Camara, 58 ára, brasilískur utanríkisþjónustumaður, m.a. sendi-
herra í Kanada 1961, Sviss 1963—1964, hjá Sameinuðu þjóðunum 1964—
1968, og í Tékkóslóvakíu síðan 1972, en árið 1962 sat hann sem borgarstjóri
höfuðborgarinnar Brasilíu, hefur síðan 1970 átt sæti í Alþjóðalaganefndinni
og var einnig m.a. forseti ráðstefnu S.þj. um forsvar ríkja gagnvart alþjóða-
stofnunum (Representation of States in Their Relations with International
Organizations) 1975.
Þeir fjórir dómarar sem ganga úr dóminum eru frá Bandaríkjunum, Benín,
Spáni og Uruguay.
Þrettán menn voru í kjöri að þessu sinni. Þegar við fyrstu atkvæðagreiðslu
á Allsherjarþinginu náðu þeir Baxter, El-Erian, Morozov og Sette Camara lög-
mætri kosningu, en um fimmta sætið kepþtu frambjóðendur frá Finnlandi,
Ítalíu, Madagascar og Sri Lanka, sem fengu 65—67 atkv. hver. Hreinan meiri-
hluta eða 77 atkvæði þurfti til að ná kjöri. Við aðra atkvæðagreiðslu hlaut
finnski frambjóðandinn, Eero J. Manner, hæstaréttardómari, aðeins 18 at-
kvæði, og var framboð hans þá dregið til baka. Eftir þriðju atkvæðagreiðslu
var framboð Edilbert Razafindralambo frá Madagascar einnig dregið til baka.
í fjórðu atkvæðagreiðslu hlaut svo ítalinn Roberto Ago, sem haldið hafði
forystu í síðari atkvæðagreiðslunum, kosningu með 84 atkvæðum, en Sri
Lanka-maðurinn H. W. Jayewardene fékk þá 57 atkvæði og Leon Boissier
Palun frá Benín átta. — Atkvæðisrétt höfðu fulltrúar hinna 150 aðildarríkja
Sameinuðu þjóðanna og að auki Liechtenstein, San Marínó og Sviss, sem
einnig eiga aðild að samþykktum dómstólsins.
í Öryggisráðinu fór dómarakosningin fram samtímis. Þar hlutu sömu menn
meirihluta, fjórmenningarnir strax við fyrstu atkvæðagreiðslu en Ago í hinni
fjórtándu. í þeirri lokaatkvæðagreiðslu ráðsins fékk Ago 8 atkvæði, Jayewar-
dene 4 og Manner þrjú.
Finninn Eero J. Manner var nú í kjöri í annað skipti (sjá nánar Tímarit
lögfræðinga 1. hefti 26. árg., bls. 35). Norðurlönd eiga ekki dómara í Alþjóða-
dómstólnum síðan setu Sture Petréns í dómstólnum árin 1967—1976 lauk.
Á undan Petrén hafði einn Norðurlandamaður átt þar fast sæti, eftir stofnun
Sameinuðu þjóðanna og endurnýjun dómstólsins sem þá átti sér stað, Norð-
maðurinn Helge Klæstad, sem sat í honum 1946—1961, síðustu þrjú árin sem
forseti dómstólsins. Sex ára tímabil leið þannig milli setu hinna tveggja nor-
rænu dómara, og má nú heita næstum sýnt, að eigi skemmri tími muni aftur
líða áður en til greina kemur að Norðurlandamaður hljóti þar sæti á ný. Þess
má einnig geta, að Daninn Max Sorensen var ad hoc dómari í málinu um
landgrunn Norðursjávar, tilnefndur af hálfu Danmerkur og Hollands skv. 31.
gr. samþykkta dómstólsins, og Svíinn Fredrik J. C. Sterzel sat með sama hætti
sem dómari í máli milli Hollands og Svíþjóðar um beitingu milliríkjasamnings
frá 1902 um forræði barna. Loks var Norðmaðurinn Edward Hambro ritari
Alþjóðadómstólsins árin 1946—1953.
Ólafur Egilsson.
43