Tímarit lögfræðinga - 01.12.1979, Síða 61

skilnað dómsvalds og framkvæmdavalds. Lýsti hann hugmyndum sínum í þessu
efni miðað við óbreytt ástand og við lögréttuhugmyndina. Niðurstaða Böðvars
var í stórum dráttum sú að viðhalda bæri núverandi skipan a.m.k. utan Reykja-
víkursvæðisins, en með ýmsum breytingum sem hann taldi til bóta.
Hófust nú almennar umræður og tóku þessi til máls: Stefán Már Stefánsson
prófessor, Halldór Þorbjörnsson yfirsakadómari, Þór Vilhjálmsson hæstaréttar-
dómari, sem fyrst beindi fyrirspurnum til Mogens Hornslets, er svaraði að
bragði , Friðgeir Björnsson borgardómari, Auður Þorbergsdóttir borgardómari,
Eiríkur Tómassan aðstoðarmaður dómsmálaráðherra og þá frummælendurnir
Björn, Magnús og Böðvar.
Að lokum tók Ármann Snævarr hæstaréttardómari til máls og fjallaði um
umræður dagsins og vék sérstaklega að máli frummælenda. Síðan dró Ármann
saman það sem hann taldi helst hafa komið fram og lagði áherslu á það, sem
ýmsir höfðu nefnt, að nú væri komið að því að taka þyrfti ákvörðun um hvert
stefna skyldi í þessu máli.
Málþinginu var slitið kl. 17. Þátttakendur voru liðlega þrjátíu, þar af nokkrir
dómarafulltrúar en þeim var boðin þátttaka. Tókst þingið í alla staði vel.
Daginn áður kl. 17.15 gengust Dómarafélag íslands og Lögfræðingafélag
islands fyrir sameiginlegum fundi í Lögbergi. Frummælandi þar var Mogens
Hornslet, og flutti hann erindi um skipun ákæruvaldsins í Danmörku og hug-
myndir um breytingar. Erindi þetta var mjög glöggt og ítarlegt og vel flutt.
Fundarmenn voru nálægt 40 talsins og gerðu góðan róm að máli Hornslets
dómara.
Mogens Hornslet er 46 ára gamall. Hann lauk embættisprófi í lögum við
Kaupmannahafnarháskóla árið 1954 með mjög hárri einkunn, þá aðeins 21 árs
gamall. Vakti námsárangur hans athygli í Danmörku. Eftir prófið gerðist hann
fulltrúi í dómsmálaráðuneytinu og var þar í 16 ár. Á þeim tíma var hann oft
dómari í viðlögum úti á landi. Árið 1970 var hann skipaður ,,statsadvokat“ við
embætti ríkissaksóknara og gegndi því starfi í 6 ár. Fyrir rúmum tveimur árum
var hann skipaður dómari við 0stre Landsret, en hafði áður verið settur í þá
stöðu nokkra hríð.
Mogens Hornslet var lektor í refsirétti við lagadeild Kaupmannahafnarhá-
skóla um 11 ára skeið. Hann hefur skrifað tvær bækur um sifjaréttarmálefni
(Ægteskabsloven — Kommentar ásamt öðrum höfundi og Adoptionsloven
— Kommentar).
Ólafur St. Sigurðsson.
AÐALFUNDUR DÓMARAFÉLAGS ÍSLANDS 1979
Aðalfundur Dómarafélags íslands 1979 var haldinn dagana 8. og 9. nóvem-
ber s.l. í Tollhúsinu í Reykjavík.
Formaður félagsins, dr. Ármann Snævarr hæstaréttardómari, flutti skýrslu
um starfsemina undanfarið ár. Skýrði hann frá því m.a., að félagið hefði geng-
ist fyrir málþingi s.l. vor um dómstólaskipunina og hugmyndir um breytingar
á henni, tengsl við samtök dómara á Norðurlöndum efld og hugað að fekara
sambandi við dómarasamtök í öðrum löndum svo sem í Englandi, Þýskalandi
217