Dýraverndarinn - 01.05.1979, Page 30

Börnin skrifa
Björn, 11 ára skrifar: Ég á heima á NorÖ-Austurlandi og þegar ég
skrifa þetta, get ég séð hafísjakana, sem sveima fram og aftur hér úti á
firðinum. Þá detta manni stundum í hug íshirnirnir, sem oft flcekjast á haf-
ísnum og jafnvel ganga upp á land. Ekki eru þeir þó allir grimmir,,
greyin, eins og sjá má á þessari sögu, sem ég sendi núna i þáttinn „Börn-
in skrifa". — Þó er víst best að erta ísbirnina ekki neitt meðan þeir eru
uppi á landi, heldrn forða sér inn í hús. - En hér kemur sagan, hún er
úr þjóðsögunum:
Grímseyingurinn og bjarndýrið
Einu sinni vildi svo til um vet-
ur, að eldur dó í Grímsey, svo að
ekki varð kveikt upp á nokkrum
bæ. Þá voru logn og frosthörkur
svo miklar, að Grímseyarsund var
lagt með ísi og kallað manngengt.
Grímseyingar réðu það þá af að
senda menn til meginlands til að
sækja eld og völdu til þess þrjá
hina vöskustu menn í eynni. Hófu
þeir ferðina snemma morguns í
heiðríku veðri, og fylgdi þeim
fjöldi eyjarskeggja út á ísinn, báðu
þeim lukkulegrar ferðar og fljótr-
ar afturkomu. Það segir nú ekki
af ferðum sendimanna, fyrr en þeir
á miðju sundi koma að vök einni,
sem sá ekki fyrir endann á og var
svo breið, að tveir gátu með naum-
indum stokkið yfir hana, en einn
treysti sér ekki til þess. Þeir réðu
honum þá að hverfa aftur til eyj-
arinnar og héldu áfram ferð sinni.
En hann stóð eftir á vakarbarm-
inum og horfði á eftir þeim,
Honum var nauðugt að hverfa aft-
ur við svo búið og ræður því af að
ganga með vökinni, ef hún kynni
að vera m.jórri í einum stað en öðr-
um.
Þegar leið á daginn, fór að
þykkna, og gekk upp í sunnanátt
með stormi og regni. ísinn tók
að leysa sundur, og maðurinn varð
loks staddur á jaka einum, sem
rak til hafs. Um kvöldið ber jak-
ann að stórri spöng, og gengur
maðurinn upp á hana. Sér hann
þá bjarndýr skammt frá sér, sem
liggur þar á ungum. Hann var orð-
inn kaldur og svangur og kveið nú
fyrir lífinu. Þegar bjarndýrið sér
manninn, horfir það á hann um
hríð. Síðan stendur það upp og
gengur til hans og allt í kringum
hann og gefur honum síðan merki,
að hann skuli leggjast niður í bæl-
ið hjá ungunum. Hann gerir það
með hálfum huga. Síðan leggst
30
DÝRAVERNDARINN