Fréttablaðið - 04.12.2010, Blaðsíða 82

8 fjölskyldan
skemmtun
njótum og nemum...
Sögur af sveinunum þeim Jólasveinar segja börnum sögur á Þjóðminjasafninu. FRÉTTABLAÐIÐ/GVA
Jólatónleikar Sinfóníunnar eru
ómissandi hluti aðventunnar hjá
mörgum fjölskyldum. Það er orðin
árviss hefð að ungur og efni-
legur einleikari stígi á stokk
með hljómsveitinni og dansar
úr Hnotubrjótnum koma öllum
í hátíðarskap. Þá má ekki gleyma
Jólaforleiknum sívinsæla þar sem
mörg eftirlætis jólalög hljóma hvert
á fætur öðru.
Að þessu sinni var Hlér Kristjáns-
son, ungur fiðluleikari frá Akur-
eyri, valinn úr hópi efnilegra tón-
listarnema. Hann leikur Sígaunaljóð
Sarasates, þar sem meðal annars er
að finna lagið sívinsæla Til eru fræ.
Hera Björk syngur síðan vinsæl jóla-
lög og einnig koma fram nemendur
úr Listdansskóla Íslands og Skólakór
Kársness undir stjórn Þórunnar
Björnsdóttur. Stjórnandi er Bern-
harður Wilkinson og sögu maður
Halldóra Geirharðsdóttir í
gervi trúðsins Barböru.
Að þessu sinni verða
þrennir tónleikar 17. og 18.
desember og miðaverð er
1.700 krónur. - fsb
Á aðventunni breytist leikhúsið
Norðurpóllinn í sannkallaða jóla-
veröld. Jólatónlistin ómar, íslensk-
ir handverksmenn kynna vörur
sínar, piparkökur á hverju borði,
föndur fyrir börnin og Norður-
póllinn verður skreyttur hátt sem
lágt. Hátíðleikinn ræður ríkjum
og gamaldags jólastemning stytt-
ir biðina fram að jólum.
Auk þess verða tvær jólaleik-
sýningar fyrir börn í Norðurpóln-
um um helgar á aðventunni; Lápur
skrápur og jólaskapið og Grýla, en
bæði verkin eru eftir Snæbjörn
Ragnarsson í leikstjórn Önnu
Bergljótar Thorarensen.
Lápur, skrápur og jólaskapið er
sýnt í sal A tvisvar á dag næstu 3
helgar og er fyrsta sýningin í dag
klukkan 13. Grýla er sýnd í sal C
á sama tíma.
Miðaverð er 2.000 krónur og
miðasala fer fram á www.midi.is
og í síma 561-0021 - fsb
Jólaveröld á Norðurpólnum
Jól í Grýluhelli Úr sýningunni Lápur skrápur og jólaskapið.
Hnotubrjótur og
Sígaunaljóð
Hnotubrjót-
urinn Mynd
úr sýningu
Konunglega
sænska
ballettsins á
Hnotubrjótn-
um.
Aðventan er tími fjölskyldunnar og upplagt að nýta þann tíma til að fara saman í leikhús
eða á tónleika, skoða söfn og láta segja sér sögur. Fréttablaðið fór á stúfana og kynnti sér
hvaða skemmtanir eru í boði fyrir fjölskyldur á aðventunni.
Fjölskyldan skemmtir sér
saman á aðventunni
Jóladagskrá Þjóðminjasafnsins
hefst með fjölskyldudagskrá á
morgun klukkan 14. Grýla, Leppa-
lúði og Jólakötturinn munu kíkja
í heimsókn og Pollapönkararn-
ir spila fyrir krakkana. Þá verð-
ur opnuð sýningin Sérkenni svein-
anna, en þar má sjá jólahús með
gripum sem tengjast jólasvein-
unum. Gripina má snerta og geta
þeir hjálpað börnum að skilja nöfn
jólasveinanna betur. Í forsal á 3.
hæð safnsins er jafnframt hægt
að skoða gömul jólatré frá ýmsum
tímum.
Þetta er þó aðeins upphafið á
hinni líflegu jóladagskrá Þjóð-
minjasafnsins. Jólasveinarnir
munu koma í safnið daglega frá og
með 12. desember líkt og undanfar-
in ár. Jóladagskrá Þjóðminjasafns-
ins hefur áunnið sér hefð og með
árunum eignast fjölmarga aðdá-
endur í hópi yngri gesta safnsins.
Fjölskyldur geta farið í hina
sígildu ratleiki Þjóðminjasafns-
ins. Jólaleikurinn heitir Hvar er
jólakötturinn? og snýst um að
finna litlu jólakettina sem hafa
verið faldir innan um safngripina.
Fleiri fjölskylduleikir eru í boði í
afgreiðslu safnsins.
Aðgangur er ókeypis.
Á jólavef safnsins er einnig hægt
að kynna sér margvíslegan fróð-
leik sem tengist jólunum. - fsb
Grýla, sveinar og Pollapönk
BETLEHEM Á morgun er annar í aðventu og venju samkvæmt
er þá kveikt á öðru kerti í aðventukransinum. Það nefnist
Betlehemskertið og beinir athyglinni að fæðingarstað Jesú.
Arka-heilsuvörur hefur hafið innflutning á afar ljúffengu og
heilnæmu súkkulaði frá hinu virta og ört vaxandi belgíska
fyrirtæki Klingele. Fyrirtækið býður nú upp á þrjár mismun-
andi vörulínur af belgísku súkkulaði: sykurlaust, laktósa og
glútenfrítt og lífrænt súkkulaði.
Súkkulaðitegundirnar eru:
Balance – án viðbætts sykurs
Súkkulaði án viðbætt sykurs er tilvalið fyrir sykursjúka sem
og þá sem vilja draga úr sykurneyslu og fá sér hollari og
hitaeiningasnauðari valkost. Súkkulaðið inniheldur 15 til
20 sinnum færri hitaeiningar en sambærilegt súkkulaði. Að
auki er það með viðbættum trefjum sem hefur góð áhrif á
meltinguna.
Arka heilsuvörur bjóða ýmsar bragðtegundir af sykurlausa
súkkulaðinu, m.a. 72% dökkt súkkulaði, dökkt súkkulaði,
mjólkursúkkulaði, dökkt súkkulaði með trönuberjum, dökkt
súkkulaði með bláberjum og dökkt súkkulaði með
pistasíum.
Balance – laktósa og glútenfrítt.
Hentar fólki með mjólkur-eða glútenóþol.
Boðið er uppá tvær tegundir: Cocoa rice og Cocoa rice með
hrískúlum.
Útsölustaðir Klingele eru:
Melabúðin, Fjarðarkaup, Kvosin, Maður lifandi, Yggdrasill,
Sunnubúðin, Nettó, Samkaup Úrval, Samkaup Strax,
Nóatún, Krónan og Hagkaup.
Nánari upplýsingar um vörunar okkar eru á heimasíðunni
www.arka.is
KYNNING
Súkkulaði fyrir alla.
– Sykurlaust, mjólkurlaust og glúteinlaust