Fréttablaðið - 02.06.2011, Blaðsíða 48

2. júní 2011 FIMMTUDAGUR40
sport@frettabladid.is
HALLDÓR ORRI BJÖRNSSON segir það ekki vera rétt að hann hafi gefið
stuðningsmönnum FH fingurinn er hann var tekinn af velli í leik liðanna á dögunum.
Halldór segist einfaldlega hafa verið að klóra sér í kollinum og hann segir það miður
að einhverjir hafi misskilið það sem svo að hann væri með dónaskap.
FÓTBOLTI Bakland Sepps Blatter
í knattspyrnuhreyfingunni er
sterkt. Það sást bersýnilega í gær
þegar 186 greiddu honum atkvæði
í forsetakjöri sambandsins. Aðeins
17 þingfulltrúar lýstu yfir mót-
mælum sínum með störf Blatters
með því að skila auðu.
„Andrúmsloftið hefur oft verið
verra. Það var erfiðara þingið
árið 2002 þegar verið var að ræða
slæma fjárhagsstöðu FIFA. Það
var mikill einhugur hjá knatt-
spyrnusamböndunum á þessu
þingi. Það sést best með því að
Blatter fær 90 prósent atkvæða,“
segir Geir Þorsteinsson, formaður
KSÍ.
Kosið var tvisvar í gær. Fyrst
var kosið um tillögu Englendinga
og Skota um að fresta forsetakjör-
inu. Sú tillaga hlaut engan hljóm-
grunn og var kolfelld. Aðeins 17
þingfulltrúar vildu fresta kjör-
inu. KSÍ var ekki þar á meðal
enda studdi sambandið við bakið
á Blatter.
„Við erum meðal þessara 90
prósent þjóða sem kusu Blatter
sem og gegn því að fresta kjörinu.
Það var búið að sýna fram á það
af lögfræðingum að það var eng-
inn grundvöllur fyrir frestun,“
segir Geir og bætir við að menn
hefðu mikið stungið saman nefj-
um kvöldið fyrir kosninguna og
rætt þá stöðu sem upp var komin.
Ásakanir hafa gengið á milli
æðstu manna hjá FIFA síðustu
daga og tveimur þeirra var vísað
frá tímabundið vegna ásakana um
mútuþægni.
„Knattspyrnusamband Evrópu
boðaði svo til aukafundar í morgun
[í gær] til þess að fara yfir stöð-
una áður en þingið hæfist. Það var
alveg ljóst strax þá að hugmynd-
ir Englendinga og Skota ættu ekki
hljómgrunn.“
Geir segir að þó svo að mikil
samstaða hafi verið á fundinum
séu menn almennt ekki sáttir við
þá stöðu sem upp sé komin en átök-
in síðustu daga hafa skaðað ímynd
FIFA gríðarlega.
„Það vilja allir sjá að úr þessum
málum verði leyst. Norðurlanda-
þjóðirnar stóðu saman að tillögu
um óháða rannsókn á öllum þess-
um ásökunum. Það vilja allir fá á
hreint hvort allar þessar ásakanir
séu á rökum reistar. Blatter sagð-
ist taka við þessari tillögu,“ segir
Geir en Blatter mælti sjálfur fyrir
ákveðnum breytingum.
„Hann vill að þingið ákveði í
framtíðinni hverjir fái að halda
HM en ekki framkvæmdastjórnin.
Svo voru gerðar breytingar á siða-
nefndinni. Það á að styrkja hana.
Það á að fá rannsóknaraðila og
úrskurðaraðila. Svo vill hann fá
nefnd sem skoðar stjórnunarhætti
FIFA. Hann kom með þessar tillög-
ur áður en þinginu var slitið og þær
voru samþykktar.“
Blatter hefur setið sem forseti í
þrettán ár og hefur mikið gengið á
síðan hann tók við. Bæði ásakanir
um spillingu og svo hafa margar
hugmyndir hans og skoðanir fallið
í grýttan jarðveg. Hann vildi meðal
annars fá konur í þrengri búninga.
„Við höfðum bara einn fram-
bjóðanda núna og verðum að vinna
með það sem við höfum. Það hafa
ekki verið sönnuð nein rangindi á
hann. Þvert á móti hefur fótboltinn
styrkst undir hans stjórn. Ásakanir
eru samt í loftinu og það má vera að
hann hafi ekki alltaf tekið á málum
þegar það átti að gera. Hann heitir
aftur á móti því að gera það núna.
Erfiðleikarnir eru samt miklir og
það verður mikið verk að vinna úr
þeim,“ segir Geir en hefur hann
persónulega trú á því að Blatter
geti endurreist ímynd FIFA?
„Hann er ótrúlega klókur maður
og hæfur stjórnandi. Hann hefur
áður snúið hlutum sér í hag og
hann sýndi á þessu þingi hve klók-
ur hann er. Undir þessu öllu er
góð samstaða og stuðningur við
hann. Það er engin tilviljun. Hann
nýtur trausts og ég sé ekki betur
en hann sé traustsins verður. Ég
held að honum takist það,“ segir
Geir en var þetta góður dagur fyrir
fótboltann?
„Þetta var góður dagur því í
knattspyrnu lærir maður að liðs-
heildin skiptir máli og samböndin
stóðu saman,“ segir Geir en hann
lýsti því yfir við Vísi á þriðjudag að
hann kysi Blatter þar sem Michel
Platini, forseti UEFA, hefði lagt
það til. henry@frettabladid.is
Blatter er ótrúlega klókur maður
Sepp Blatter fékk gríðarlegan stuðning á þingi FIFA í gær er hann var endurkjörinn forseti Alþjóðaknatt-
spyrnusambandsins. KSÍ var á meðal þeirra sem lýstu yfir stuðningi við hinn umdeilda Blatter. Geir Þor-
steinsson, formaður KSÍ, segir að Blatter hafi það sem til þarf til að endurreisa ímynd FIFA sem er í molum.
„LIÐSHEILDIN SKIPTIR MÁLI” Geir Þorsteinsson tók ekki sjálfstæða ákvörðun í
forsetakjöri FIFA heldur gekk í lið með Michel Platini og kaus eins og Platini vildi.
FRÉTTABLAÐIÐ/VALLI
Blatter er umdeildur forseti
Siðanefnd FIFA segist ekki hafa fundið neitt saknæmt við stjórnarhætti Sepp
Blatter þrátt fyrir fjölmargar ásakanir um vafasama stjórnarhætti, mútur,
mútuþægni og almenna spillingu í gegnum árin.
Blatter var strax ásakaður um að múta meðlimum í framkvæmdastjórn
FIFA er hann náði völdum í sambandinu árið 1998.
Blatter hefur einnig verið sakaður um að hafa verið á spenanum hjá fyrir-
tæki sem heitir ISL og átti sjónvarps- og ímyndarrétt af HM árum saman.
Sannað hefur verið að ISL mútaði fjölmörgum af æðstu mönnum FIFA
í gegnum árin. ISL fór á endanum á hausinn og FIFA sat uppi með háar
skuldir. Blatter lofaði að rannsaka málið en hætti með rannsóknina eftir
að hún fór af stað. Það mál varð þess næstum valdandi að hann
hraktist frá völdum.
Nú síðast sakaði Jack Warner, varaforseti FIFA sem vikið var
frá vegna mútumála, Blatter sjálfan um mútur. Hann eftirlét
knattspyrnusambandi mið-ameríku eina milljón dollara í té í
maí sem þeir máttu eyða að vild. Hann hafði ekki heimild
fyrir úthlutuninni og Warner sakaði Blatter um að kaupa
sér atkvæði á þennan hátt.
Þrátt fyrir þetta, og fleira til, er ferill Blatter flekklaus í
augum FIFA.
Pepsi-deild kvenna:
Breiðablik-ÍBV 0-2
0-1 Vesna Smiljkovic (13.), 0-2 Danka Podovac
(70.).
Þór/KA-Fylkir 3-1
1-0 Rakel Hönnudóttir (13.), 2-0 Manya Janine
Makoski (45.), 2-1 Anna Björg Björnsdóttir (49.),
3-1 Arna Sif Ásgrímsdóttir (62.).
Markaskorarar þessa leiks eru frá fótbolti.net
STAÐAN:
ÍBV 3 3 0 0 12-0 9
Valur 3 2 1 0 4-2 7
Stjarnan 3 2 0 1 8-2 6
Þór/KA 3 2 0 1 5-7 6
KR 3 1 2 0 3-2 5
Afturelding 3 1 1 1 3-5 4
Þróttur 3 0 2 1 2-6 2
Breiðablik 3 0 1 2 2-5 1
Fylkir 3 0 1 2 2-7 1
Grindavík 3 0 0 3 1-6 0
ÚRSLIT
FÓTBOLTI „Það er búið að vera
slag á hnénu á honum sem hefur
háð honum mikið. Hann snýr svo
aðeins út úr venjulegu hreyfi-
ferli á æfingunni. Þá gengur til á
honum hnéð. Það er óljóst á þess-
ari stundu hvort bandvefur hefur
farið eða liðþófi,“ segir Andri
Marteinsson, þjálfari Víkings,
um meiðslin sem framherjinn
Björgólfur Takefusa varð fyrir á
æfingu liðsins í gær.
„Það myndaðist strax kúla
á hnénu á honum. Hann læst-
ist alveg í hnénu þannig að við
urðum að kalla á sjúkrabíl og
láta það alveg vera að hreyfa við
honum.“
Andri segir ljóst að þessi
meiðsli muni halda Björgólfi frá
næstu vikur.
„Það má í það minnsta segja
að hann verði frá í óákveðinn
tíma. Hann er ekki heill til þess
að spila á næstunni,“ segir Andri
en hann segir þetta bagalegt þar
sem ekki hafi tekist að finna hvað
hafi verið að plaga hann í hnénu
síðustu vikur.
„Þetta virðist vera einhver
óvelkominn gestur sem hefur
verið á leiðinni í talsverðan tíma.
Þetta var því hugsanlega eitthvað
sem mátti búast við án þess að
maður vissi hvað væri að.“ - hbg
Björgólfur meiddist illa:
Var fluttur burt
í sjúkrabíl
MEIDDUR Björgólfur spilar ekki fótbolta
á næstunni. FRÉTTABLAÐIÐ/VILHELM
FÓTBOLTI Michael Owen verður
áfram hjá Manchester United en
hann hefur gert nýjan samn-
ing til félagið sem gildir til loka
næsta tímabils.
Þetta kann að koma einhverj-
um á óvart en talið var líklegt
að hann myndi fara frá félaginu
nú í sumar. Annað hefur komið á
daginn en Owen sjálfur sagðist á
dögunum vilja vera áfram.
Owen var í byrjunarliði Uni-
ted aðeins einu sinni í ensku
úrvalsdeildinni í vetur en hann
á í harðri samkeppni um stöð-
ur í byrjunarliðinu. Hún verður
væntanlega enn harðari á næsta
tímabili þar sem Danny Welbeck
snýr aftur til United í sumar
eftir að hafa verið í láni hjá
Sunderland. - esá
Michael Owen:
Framlengdi við
Man. Utd.
FÓTBOLTI Nýliðar ÍBV héldu sigur-
göngu sinni áfram í Pepsi-deild
kvenna í gær. Eyjakonur eru því
eina liðið í deildinni með fullt hús
stiga eftir þrjár umferðir en Blika-
konur sitja hins vegar áfram í hópi
neðstu liða með aðeins eitt stig af
níu mögulegum. Vesna Smiljkovic
og Danka Podovac skoruðu mörk
Eyjaliðsins í leiknum hvort í sínum
hálfleiknum.
Birna Berg Haraldsdóttir, mark-
vörðurinn ungi sem kom frá FH,
er því ekki enn búin að fá á sig
mark í sumar en hún stóð vaktina
vel í Eyjamarkinu og varði nokkr-
um sinnum mjög vel frá Blika-
stúlkum.
„Þetta er frábær byrjun hjá
nýliðum en það þýðir ekkert að
hætta núna. Ég er ánægð á meðan
markið er hreint því það er allt-
af markmiðið hjá mér. Sigurinn
er samt aðalatriðið,“ sagði Birna
Berg. „Jón Ólafur þjálfari er líka
duglegur að halda okkur niðri
á jörðinni og við förum ekkert
að láta rigna upp í nefið á okkur
núna,“ sagði Birna Berg kát en
ÍBV vann tvo fyrstu leiki sína 5-0.
„Þegar við lögðum af stað í
mótið þá vissum við ekkert hvar
við stæðum almennilega í deild-
inni. Við erum nýliðar þannig að
þetta er glæsileg byrjun,“ sagði
Þórhildur Ólafsdóttir, fyrirliði
ÍBV, eftir leikinn, en hver er lyk-
illinn að þessari byrjun? „Það eru
stífar æfingar og hópurinn er að
ná rosalega vel saman. Það er
ekkert leiðinlegt að skoða töfluna
núna,“ sagði Þórhildur.
Blikakonur fóru ekki vel með
margar góðar sóknir í gær og fyr-
irliðinn Greta Mjöll Samúelsdótt-
ir var vonsvikin í leikslok. „Þetta
virðist ekki vera alveg að ganga
hjá okkur núna,“ sagði Greta Mjöll
Samúelsdóttir. „Núna megum við
ekki fara að hugsa um það að við
verðum að vinna. Það er ekki hægt
að skora tvö mörk í hverri sókn og
við þurfum bara að spila eins og
við getum. Við erum ógeðslega
góðar í fótbolta en við erum bara
ekki alveg að smella saman og ná
að sýna það,“ sagði Greta Mjöll.
- óój
Eyjakonur unnu 2-0 sigur á seinheppnum Blikakonum sem hafa aðeins náð í eitt stig af níu mögulegum:
Nýliðarnir á toppnum með markatöluna 12-0
BARÁTTA Það var ekkert gefið eftir í Kópavogi í gær. FRÉTTABLAÐIÐ/ANTON