Morgunn - 01.06.1996, Blaðsíða 21
stjórnast af andstæðu ástarinnar, óttanum, sem leiðir okkur á
alls kyns villgötur s.s. svartsýni og þunglyndis. Með santosa
tökum við í sátt alla þá hluti sem við getum ekki breytt, og
öðlumst með því hugarró. Þetta á við sjálf okkur, annað fólk
og í víðara samhengi. En það þýðir ekki að gefast upp fyrir
óréttlæti, heldur að finna mörkin, þegar við erum í baráttunni
fyrir réttlæti okkur og öðrum til handa, hvenær það er
réttlætistilfinning, ást og umhyggja sem ræður og hvenær það
er græðgi, öfund, ótti o.s.frv. sem er við stjórnvölinn.
Tapah (tappa) = óeigingjörn þjónusta
Að fórna sér fyrir aðra eða æðri hugsjón án þess að hugsa um
að fá eitthvað í staðinn. Með tapah erum við að gefa af
sjálfum okkur, við fórnum tíma okkar, orku og/eða efnislegum
auðæfum, til þess að hjálpa þeim sem eru hjálparþurfi. I
gegnum tapah erum við stöðugt minnt á tengingu okkar við
aðra
Svadhyaya (svad-jœja) = skilningur
Raunverulegur skilningur er ekki venjulegur lærdómur. Til
þess að öðlast skilning þarf að leggja sig fram um að flokka
rusl út sem þvælist oft í ríkum mæli með í upplýsingum sem
við fáum. Við þurfum að nota tilfinningar og innsæið. Við
þurfum að læra að hlusta með hjartanu og síðan nota hugann
til að flokka út ruslið frá gimsteinunum. Öll Uúarbrögð og
andlegar kenningar hafa að geyma gimsteina sannrar visku.
Iishvara pranidhana (ísh-vara-praní- dana) = andlegheit
19