Jazzblaðið - 01.06.1950, Blaðsíða 21

mánuði. Var það í hljómsveit Kurt
Dehems í næturklúbb í Dortmund. Ég
lærði mikið þar, vegna stöðugra kabar-
ettsýninga, er hljómsveitin aðstoðaði
við“.
„Var jazzinn farinn að ryðja sér til
rúms í Þýzkalandi um þetta ieiti?“ „Nei,
hann þekktist varla, en þó mátti heyra
einhvern örlítinn vott impróviseringa
hjá einstaka danshljómsveitum“.
„Hver var ástæðan fyrir því að þú
lékst aðeins í nokkra mánuði með þess-
um Kurt Dehms?“
„Ófriðurinn, ég var á vígstöðvunum
og í fangabúðum í fimm ár“.
„Hvenær komstu til ísafjarðar?“ —
„Árið 1948 og byrjaði ég þá að leika
með Guðmundi Finnbjörnssyni“.
„Hvenær fékkst þú áhuga fyrir jazz-
inum?“
„Það var ekki fyrr en ég heyrði plötu-
safn Guðmundar og síðan er jazzinn mitt
mesta áhugamál“.
„Hvað finnst þér um Be-bop jazz-
inn?“ „Plötur fást engar, svo að sú litla
kynning, sem við höfum af því er aðal-
]ega gegnum útvarpið (ekki Ríkisút-
Varpið — heldur erlendar stöðvar)".
Uppáhaldshljómsveit Ericks er Stan
Kenton og er sama að segja um Finn-
björn og Vilberg. Allir eru þeir hrifnir
af Duke og Goodman. Gillespie og Teddy
Wilson. Með hljómsveit þeirra félaga
^afa þau Karólína Guðmundsdóttir og
Kristján Steinsson sungið og hefur því
verið vel tekið. Önnur hljómsveit er
einnig á ísafirði og fæst hún aðallega
v>ð gömlu dansana. Meðlimir hennar eru
Gunnar Bjarnason trommur, Jón Jóns-
son frá Hvanná píanó og Bæring Jóns-
son og Þórður Péturson harmonikur.
Stjórn Jazzklúbbs ísafjarðar. Fremri
röð frá vinstri: Vilberg Vilbergsson
formaður, Kiddy Einarsdóttir með-
stjórnandi. Aftari röð frá vinstri:
Erick Hubner gjaldtyeri, Jón Jónsson
ritari og Finnbjörn Finnbjörnsson
meðstjórnandi.
Fyrir nokkru var stofnaður jazzklúbb-
ur á ísafirði. Stofnendur voru 22 og
voru þeir Vilberg Vilbergsson kosinn
formaður, Jón Jónsson ritari og Erick
Hiibner gjaldkeri. Þau Kiddy Einars-
dóttir og Finnbjörn Finnbjörnsson með-
stjórnendur.
Klúbburinn hefur hug á að fá hljóm-
sveitir og hljóðfæraleikara úr Reykja-
vík til að leika á Jam-sessionum og dans-
leikjum á vegum klúbbsins", sagði Erick,
„en fyrst og fremste r tilgangur okkar
með stofnun klúbbsins sá, að halda uppi
heilbrigði félagslífi, með skemmtifund-
um og fleiru“.
Ég þakkaði þeim félögum fyrir allar
upplýsingarnar og sagði að lokum: —
„Eigum við ekki að koma á skíði?“ Þrjú
ákveðin nei heyrðust, og Vilberg sagði,
um leið og hann setti nýtt blað i saxa-
fóninn. „Við skulum heldur jama“.
21