Prentarinn - 01.01.1973, Blaðsíða 5
Nefndir
Stjórnin skipaði Guðjón Gíslason í
orlofsheimilanefnd, Gísla Guðjónsson
í fasteignanefnd, K<ára B. Jónsson og
Þórólf Daníelsson í laganefnd og Pétur
Agústsson endurskoðanda reikninga
Miðdalsfélagsins.
Kjaramálaráðstefna ASÍ
Dagana 27. og 28. ágúst s. 1. var hald-
in að Reykholti í Borgarfirði kjara-
málaráðstefna á vegum Alþýðusam-
bands íslands. HÍP sendi tvo menn til
þessarar ráðstefnu.
í upphafi ráðstefnunnar flutti Jón
Sigurðsson, hagfræðingur, erindi um
stöðuna í efnahagsmálum þjóðarinn-
ar. Höfuð inntak erindisins var að
verkalýðshreyfingin yrði að fara sér
hægt og sýna skilning. Sama gamla
tuggan um að verkalýðshreyfingin eigi
að horfa aðgerðarlaus og full skiln-
ings á hátekjustéttirnar og aðra for-
réttindahópa sópa til sín arðinum af
vinnu verkalýðsins, sem þeir borga
svo ekki einu sinn skatta af.
Skarpar umræður urðu um kjara-
málin almennt á ráðstefnunni og voru
menn yfirleitt vígreifir, þrátt fyrir þá
deyfilyfjaskammta sem hagfræðing-
urinn útdeildi fyrr á ráðstefnunni.
Alyktun ráðstefnunnar hefur verið
kynnt í öllum fjölmiðlum og því ekki
ástæða til að gera það frekar hér. í
bígerð er að halda aðra ráðstefnu
síðar í þessum mánuði (sept.), og verð-
ur liún væntanlega meir afgerandi
hvað varðar kröfugerðina.
Magnús Einar Sigurðsson.
Verknámsskóli
fyrir allan
prentiðnaðmn
í undirbúningi
Þegar Prentskólinn var stofnaður fyr-
ir liðlega fimmtán árum var hann
fyrsta verknámsdeildin við Iðnskól-
ann í Reykjavík. Sfðan hefur tekizt
að koma þar upp aðstöðu til verk-
náms í mörgum iðngreinum, þótt fjár-
veitingar til iðnmenntunar hafi alla
tíð verið undarlega naumt skammtað-
ar. T. d. ef tekið er mið af þeim miklu
fjárfúlgum sem nú fara til mennta-
skólanna.
Hins vegar situr prentiðnaðurinn í
sama farinu og fyrir tuttugu árum að
því leyti að enn er enginn verknáms-
skóli til í offsetiðn og myndamóta-
gerð og í bókbandinu var eins ástatt
þar til í hitteðfyrra að komið var á
námskeiðum fyrir lærlinga, sem þá
voru að ljúka námi. í fyrravetur voru
aftur haldin fjögur svipuð námskeið
fyrir 3.og 4. árs nema. Bókbandið fékk
inni í einu horninu á pressusalnum í
Prentskólanum og námskeiðin voru til
mikilla bóta, þótt notast yrði við ein-
földustu tæki. Kennari var Einar
Helgason, bókbindari.
Lengi hefur þó verið þrýst á Iðn-
skólann í Reykjavík að koma upp
verknámi í þessum þremur greinum,
en hvorki gengið né rekið þar til í vet-
ur, að skólastjóri Iðnskólans boðaði
formenn fræðslunefndanna f prent-
iðnaði á fund og skýrði þeim frá því
að skólinn væri reiðubúinn að út-
vega húsnæði fyrir haustið 1974 og
sækja um fjárveitingu til tækjakaupa,
ef samkomulag yrði um sameiginlegan
skóla fyrir allar greinar prentiðnað-
arins.
Fræðslunefndirnar héldu síðan all-
marga fundi með forráðamönnum
Iðnskólans og þar kom fram ákveðinn
vilji til þess að stofna sameiginlegan
bókagerðarskóla og var megináherzla
lögð á að Ijúka við kostnaðaráætlun
um tækjakaup. Gengið var frá áætlun-
inni í vor svo hún næði í tæka tíð inn
á fjárhagsáætlun Iðnskólans fyrir næsta
ár.
Kostnaðaráætlunin fyrir þennan
fyrsta áfanga nemur um 8,5 milljón-
um króna og er þar unt að ræða kaup
á bókbandsvélum, myndavél fyrir off-
set og myndamótagerð, offsetprentvél,
plötulýsingartæki, vöskum og ýmsum
öðrum áhöldum. Hugmyndin er sú að
koma upp vel búnum skóla sem getur
veitt fullkomna kennslu.
Aftur á móti var aðeins lauslega rætt
um námsskrá fyrir skólann. Gert er
ráð fyrir að hann verði mótaður
eftir iðnfræðslulögunum frá 1966 og
nemendur verði 32 vikur í iðn- og
verknámsskóla fyrsta skólaárið. Sá
tími skiptist til helminga milli bók-
legra og verklegra námsgreina og i
bóklegu greinunum ljúka nemend-
urnir uámsefni, sem nú er kennt í
fyrsta og öðrum bekk iðnskóla.
í fyrsta hluta verklega námsins er
ætlunin að hafa eina allsherjar undir-
búningsdeild fyrir alla nemana. Þeir
kynnast þá jafnt öllum sviðum prent-
iðnaðarins. Vinna sem sé ákveðinn
tíma við bókband, setningu, mynda-
mótagerð, hæðarprentun, offsetprent-
un o. s. frv. Eftir að hafa lokið undir-
búningsnáminu ákveða þeir sérgrein
sína. Enn er ekki ákveðið hvort al-
menna námið tekur allan fyrsta vetur-
inn eða einungis hluta af honum.
Eftir fyrsta skólaárið gerir neminn
3 ára námssamning við prentsmiðju,
bókbandsvinnustofu eða myndamóta-
gerð og kemur síðan vissan tíma á
hverju ári í skólann. Á síðasta skóla-
tímabilinu verður aðeins verkleg
kennsla.
Höfuðókosturinn við þetta fyrir-
komulag er auðvitað sá að nemendur
verða sjálfir að bera kostnaðinn af
fyrsta skólaárinu, en fá þá aftur á
móti nokkra undirstöðuþekkingu á
öllum sviðum prentiðnaðarins, sem
ætti að auðvelda þeim endanlegt val á
starfsgrein. Eins og nú er hefja flest-
ir námið — og ævistarfið — án þess
að hafa hugmynd um hvort þeim fell-
ur það vel eða illa. — g. s.
5
PRENTARINN