Organistablaðið - 01.12.1976, Page 1
ORGANISX\BLADIÐ
DÓMKIRKJAN í REYKJAVÍK
Árið 1785 var svo ákveðið með konunglegri tilskipan, að biskups-
stóllinn skyldi fluttur frá Skálholti til Reykjavíkur, en í Reykjavík
var þá aðeins lítil og hrörleg sóknarkirkja, sem lítt þótti til þess
fallin að vera dómkirkja, þó að notast yrði við hana um sinn.
Ákveðið var því að reisa nýja kirkju á Austurvelli og var sú kirkja
fullbyggð og vígð 1796, en hvorki var hún háreist né vönduð og
þegar hún hafði staðið í 50 ár var hún næsta hrörleg og þótti varla
messufær.
Þá var ákveðið að endurbyggja kirkjuna og kunnur danskur húsa-
meistari, L. A. Winstrup, fenginn til þess að gera uppdrætti að
hinni nýju kirkju. Þó að í fyrstu væri ákveðið að hér yrði um endur-
bætur að ræða, þá varð hér í raun og veru efnt til algjörlega nýrrar
kirkjubyggingar, þó að veggir gömlu kirkjunnar væru notaðir, en
hækkaðir stórum. Forkirkja var byggð við vesturgafl og kór við
austurgaflinn. Var kirkjusmíði þessari lokið 1848 og kirkjan vígð
28. október það sama haust. Ber Dómkirkjan hinn sama svip enn í
dag, en nokkrar viðgerðir hafa farið fram á kirkjunni á liðnum ár-
um, og hún oft máluð utan og innan. Dómkirkjan á allmarga góða
gripi, en dýrmætastur þeirra allra er skírnarfontur Thorvaldsens, er
hann sjálfur gaf Dómkirkjunni og kom þangað 1839 (gerður í Róm
á Ítalíu 1827).
Altaristafla kirkjunnar er frá 1846. Altarisbúnaður og messuklæði
í litum, eftir kirkjuári eru frá síðari árum.