Organistablaðið - 01.12.1976, Blaðsíða 8
ORGANISTANÁMSKEIÐ
Dagana 29. ágúst til 5. sept. sl. haust var haldið organistanám-
skeið í Skálholti af Hauki Guðlaugssyni söngmálastjóra og er það
annað haustið í röð, sem slíkt námskeið er haldið.
Kennarar auk hans voru Daníel Jónasson, Fríða Lárusdóttir,
Glúmur Gylfason, Guðrún Tómasdóttir, Tónas Ingimundarson og
Njáll Sigurðsson.
Námskeiðið hófst með messu kvöldið 29. ágúst, sr. Eiríkur J.
Eiríksson flutti ræðu og sr. Guðmundur Óli Ólafsson þjónaði fyrir
altari. Skálholtskórinn söng. Glúmur Gylíason lék á orgelið.
Kennsla fór fram í hóptímum og einkatímum í Lýðháskólanum
og Skálholtskirkju.
Nemendur og kennarar æfðu saman nokkur kórlög og voru þau
flutt á samsöng í kirkjunni, og hljóðrituð til væntanlegs flutnings í
útvarpið.
Nemendur fengu nokkuð af fjölrituðu efni m. a. nótur fyrir kór-
söng og orgel. Einnig voru kynntar nótnabækur, sem hægt var að
kaupa eða panta síðar.
Á kvöldin voru samkomur og komu þangað vel þegnir gestir, þeir
Árni Kristjánsson, Arnór Hannibalsson og Hjálmar Þorsteinsson.
Helgi Ólafsson sýndi kvikmynd frá fyrra námskeiði.
Hverjum degi lauk með helgistund í kirkjunni, sem sr. Guðmund-
ur Óli Ólafsson og sr. Heimir Steinsson önnuðust.
Þátttakendur á námskeiðinu voru yfir þrjátíu af öllum landshorn-
um.
Auk margþættrar fræðslu sem nemendur fengu hjá kennurum
sínum fengu þeir ómetanlegt tækifæri til að ræða sameiginleg vanda-
mál og kynnast starfi hvers annars, sem getur Ieitt til virkara sam-
bands eða e. t. v. samstarfs organista í framtíðinni.
Þ.B.
8 ORGANISTABLAÐIÐ